2 Piita 2:3 - Yennu Gbounpaauŋ Mɔɔr

³ Bi sii mɔk nianchiauŋ, ki sii kpanni ki ŋmabi. Yoo nba din gar na Yennu poŋ din yet a bi tee biitdamme, ŋaan li ji kan yukir ki u sa dat bi tuba.

Yennu Gbouŋ Mɔɔr

³ Bi sii mɔk nianchiɔŋ, ki sii kpanni ki ŋmabi. Yoo nba din gar na Yennu poŋ din yet a bi tee biitdamme, ŋaan li kan yukir ki u saa dat bi tuba.

2 Piita 2:3 ပူးပေါင်းရင်းမြစ်များ

Matiu 23:14

Yimm sennu wannteeb nan Farisiinba nba tee kpinkpannii damm na, li sii bi i paak, kimaan i gaan pakɔi ŋei, ki mei Yennu ki yukii ki kpann nan i tee yentinae. Li paak, i tubdatu tan sii bi bonchiann.

Barŋanii nba ki LUK din sɔb nae na 18:8

N beerie, u sa bu bi paak yian yian. Tɔn, min nisaarik Bik-i baar yoonba, n sa la niib nba teenin yadawa-aa?”

Barŋanii nba ki LUK din sɔb nae na 20:20

Li paak, ki bi ji din waa pikiiɔ, ŋaan bia tun pikiiteeb binba kpann a bi tee popeendamme, a bin la u mɔbonkpetir nba tee linba, ki fit lian soorɔ ki teenɔ tiŋ yudaanɔ nuu ni.

Barŋanii nba ki LUK din sɔb nae na 22:47

Wa din daa piak namm na, ki u la ki nibur baat. Ki Judas wunba tee u poorpoweiteeb piik nan bannlee na ni yenɔ, gar bi tɔɔnn, ki tan baar Yisa boor ni a wun mɔɔt u tankpinn.

Jɔɔnn 2:16

ŋaan bia bet binba kɔi ŋmana na a bin nyinn ŋmana maŋ, ŋaan bia yetib a “I daa tee n Baa ŋaak kpinkpent boori.”

Rom Teeb 16:18

li nibooru ki waa ti Yomdaanɔ Masia, ŋaan waa bi mɔŋ niauŋo. Bi jikit mɔmante ki kpann binba yaa dudukit ki chee na.

2 Korint teeb 2:17

Ŋmee jaŋ nan toona maŋi? Tɔn, ti ki tee kaman nan binba dia Yennu mɔmaan maŋ ki li tee kpinkpouŋ turib na kaa, ŋaan ti mɔk barmɔnpaku, kimaan ŋɔɔ Yennu tunt; li paak ki ti be u tɔɔnn, ki mɔɔntir u mɔmaan Yisa sann ni.

1 Tesalonika teeb 2:5

Kimaan i mɔŋ mi fanu nan Yennu tee ti siara daanɔ nan ti din ki baar i boor ni nan mɔmant kaa, amii maan nba dɔkin ti nianchiauŋ.

1 Tesalonika teeb 5:3

Yoo nba ki niib tan sii yeen a “Parmaasir nan laafia be na,” li yoo maŋe ki biiru tan sa baarib yiama kaman nan matyiaru nba baat poo biaŋinba na, ŋaan bi tan kan fit fat bi mɔŋ li barbiiuk ni.

1 Timoti 3:3

ki daa nyu daan ki yibi, ki daa loon fuut nan kunkɔna, ŋaan kii be soonna nan parmaasir, ki daa loon likirii bonchianni.

1 Timoti 3:8

Li bia kpaa talas ki Masia niib sommteeb-ii munii mɔk binbenŋaŋ, ki daa mɔk mɔleemii. Li kpaa talas ki bi daa nyu daan bonchiann, ki bia daa tee binba di fobit bi liklommu ni.

1 Timoti 6:5

nan mɔniɔk yoo kura nibiit boor ni; ŋamm yaa dudukit ki somm fanu, ki ji ki mɔk barmɔnii; bi dukii nan Yennu sɔnu tee sɔnu nba sa te nirɔ-n teen mɔkitɔɔe.

Taitus 1:11

Li kpaa talas ki fin gɔɔr bi barii, kimaan bi likilonbiiuk paak ki bi lin want niib linba ki ŋan nan bii want, ki ŋmat ŋasai niib kur dudukit.

Taitus 1:7

kimaan Masiaweira yudaanɔ yen Yennu toona; li paak, li kpaa talas ki u daa mɔk biiti; u daa tee bongann, amii wunba dont wutoor yann yanni, amii wunba nyu daan ki yibi, amii wunba loon kunkɔna, amii wunba mantik mɔk likilonchiauŋi.

1 Piita 2:8

Li bia sɔb a “Tann maŋe ki niib sa gbiat, tanpiiuk maŋe sa te ki niib-n baa.” Ba ki sak Yennu mɔmaan paake ki bi gbiatir kaman nan wa din sennib biaŋinba na.

1 Piita 5:2

n kpaaniie, yii guu Yennu niib nba be i nuu ni na, ki li daa tee miar kaa, ŋaan ki lii tee i yanbɔɔte, Yennu nba loon biaŋinba; ki li bia daa tee likirii paaki; ŋaan ki lii tee i kpan koor a i tume.

2 Piita 1:16

Ta poŋ din beti nan ti Yomdaanɔ Yisa Masia tee paŋ daanɔe, ki bia tan sa jena, labaar maŋ ki tee faak kaa, li tee barmɔniie. Ti ninbinae din la wa mɔk paŋ biaŋinba.

2 Piita 2:1

Faak sɔkiniinba nba din be Juu teeb sinsuuk ni sianyoo biaŋinba na, nnee ki faak wannteeb mun bia sii be i sinsuuk ni, ki wanti faak wannu woonin ni, linba sa biiri. Bi sa yêt ti Yomdaanɔ Yisa wunba din daab na gbaa; ki Yennu sa dat bi tuba yiama.

2 Piita 2:9

Ti Yomdaanɔ Yennu mi biaŋinba ki u sa fat niib nba tiinɔ, ki nyinnib muksuk ni, ŋaan dat biitdamm tuba mɔkmɔk nan daar nba ki u tan sa bu bi buut na.

Juud 1:11

Parbiir be bi paak; kimaan bi wei Keenn sɔnbiiuk nawa; bi bia tee kpinkpannii damm likirii paak kaman nan Balaam nba din tee biaŋinba na; ki bia tuun kaman nan Kora nba din tun ki ki sak Yennu mɔb ki tan kpo na; bi mun tan sa kpo nnee.

Juud 1:15

a wun bu nifosaarik kur buut, ki biir binba kur ki tiinɔ, ba tuun toonbiit, ki ki saak u mɔb biaŋinba na; nan biitdamm kura, ba piak mabiit kur ki biirɔ biaŋinba na, ki bi baka kaa nanɔ.”

Juud 1:16

Bi tee bunburimii damme; bi numm ki mi gboo; ki bi tuun bi mɔŋ loonbiit, ki mɔk parbifaant bonchiann, ki korin niib a bin la siar.

Juud 1:4

kimaan nisiab nba ki tiin Yennu na din kɔɔ i sinsuuk ni woonin nie, ki lebit ŋɔɔ Yennu ninbatinu labaar a bii tuun bi gbanant loonbiit; bi ki saak Yisa Masia mɔbi; ŋɔɔ kuukɔɔe tee ti yudaanɔ nan ti Yomdaanɔ. Li yukira ki biitdamm maŋ tubdatu poŋ sɔb Yennu gbouŋ ni na.

Juud 1:7

Nnee biak ki doi nba ki bi yi Sodom nan Gomora na nan digbana nba kpiar na niib din tuun bonchonchonn toona ki bia waa niauŋ nba bi bonchiann, ki bi laat tubdatu nba tee muu ki li di yoo nba kaa gbennu; ki li tee kpaanii ki tur sɔɔ kura.