2 Piita 2:17 - Yennu Gbounpaauŋ Mɔɔr

¹⁷ Niib maŋ booru tee kaman nan bunbunn nba kaa nyun nee; bi tee kaman nan sayuŋ nba ki wouŋ tuu gaanɔ nee. Yennu tan sa jiib ki lub bunbɔnchiauŋ ni, mɔkmɔk nan yoo nba kaa gbennu.

Yennu Gbouŋ Mɔɔr

¹⁷ Niib maŋ booru tee nan bunbunn nba kaa nyun nae; bi tee nan sayuŋ nba ki wouŋ tuu gaanɔ nae. Yennu tan saa jiib ki lub bunbɔnchiɔŋ ni, mɔkmɔk nan mɔkmɔk.

2 Piita 2:17 ပူးပေါင်းရင်းမြစ်များ

Matiu 22:13

Ki bat na din bet u ŋaajab na ‘Lormɔ man u nii nan u taa, ki nyi saa lu-u nanyer po bunbɔnn ni. Leŋewa ki u sii fabin mɔn ki junt u nyana.’ ”

Matiu 25:30

Ŋaan jayann na ŋanin, jiimɔ man kii nyi ki saa lu-u nanyer po bunbɔnn ni. Leŋewa ki u tan sii fabin mɔn ki junt u nyana.’ ”

Matiu 8:12

ŋaan ki yimm nba tee naan maŋ ni niib na, bin jii-i ki lu-i nanyer po, bunbɔnn ni; leŋ maŋe ki i tan sii fabin mɔn ki junt i nyana.”

Efesus teeb 4:14

Ti ji kii tee waas kaa; nifobiit nan kpinkpannii damm ji kii diat laŋ lin kaman nan ba poŋ teen siab biaŋinba na.

Hiibru teeb 12:18

Tɔn, yimm ki baar bonsiar nba ki i sa fit siir kaman nan Israel teeb nba din baar Sainai jɔɔr boor na kaa, siaminba ki mupeuŋ din di ki bunbɔnn bɔnn, ki wounpaaruk daa,

2 Piita 2:4

Malakanba nba din tun toonbiit na, Yennu din ki nyik bi tubdatu. U din jii jɔrite ki lorib ŋaan jiib lu muu nba kan mi kpeen na ni; muu maŋ be bootuk nba sumii bonchiann nie, ki bia bɔn bonchiann; bi sii be nni mɔkmɔk nan daar nba ki u tan sa bu bi buut.

Juud 1:6

Nnee biak ki malakanba nba din ki dia yaak nba ki Yennu din turib na nan li sɔnu na, ki bia din ki biar be bi binbeboor sanpaapo, ki Yennu baamm bant ki lub sarik bootsunsuŋ nba bɔn ni, ki guu dagbeŋŋir nba ki u sa bu bi buut na.