2 Piita 2:14 - Yennu Gbounpaauŋ Mɔɔr

¹⁴ Bi-i la poochonchonn, bi ki nyikit u bandakiri, ki bia kan nyik bi biiti. Bi kpann niib nba ki mi Yennu sɔnu fanue ki boontib. Bi para ni, bi tumii nianchiauŋo, ki te ki Yennu mɔtomm be bi paak.

Yennu Gbouŋ Mɔɔr

¹⁴ Bi-i la poo, bi ki nyikit u bandakiri, ki bia kan nyik bi biiti. Bi kpann niib nba ki mi Yennu sɔnu fanu nae ki boontib. Bi para ni, bi tumii nianchiɔŋo, ki te ki Yennu mɔtomm be bi paak.

2 Piita 2:14 ပူးပေါင်းရင်းမြစ်များ

Matiu 12:34

Yimm walabirii booru na, ya tee nifobiit biaŋinba na, nlee ki barŋanii sa fit nyi i mɔi ni? kimaan linba ki nifosaarik dukii u par ni, ŋanne bia nyi u mɔb ni.

Matiu 23:14

Yimm sennu wannteeb nan Farisiinba nba tee kpinkpannii damm na, li sii bi i paak, kimaan i gaan pakɔi ŋei, ki mei Yennu ki yukii ki kpann nan i tee yentinae. Li paak, i tubdatu tan sii bi bonchiann.

Matiu 25:41

“Li poorpo, n tan sa jiant ki bet binba see n nuugaŋ po na a ‘Yimm nibiit nba ŋan nan tubdatu na, seetir nna man. I saa man ki saa kɔɔ muu nba di ki kaa kpeenu nba ki Yennu din ŋamm ki guun Sintaanii nan u niib na ni,

Matiu 5:28

ŋaan min ŋanin beerie la, nan wunba got poo ki u niauŋ kɔɔu, u tun bonchonchonn toonn u par niwa.

Barŋanii nba ki MAK din sɔb nae na 13:22

kimaan faak Masianba nan faak sɔkiniinba tan sa baar ki tuun nyina nan bakitnauŋ toona, a bin kpann niib. Ki li-i taŋŋi sa fit gbaa, bi tan sa kpann binba tee Yennu nifogannkab tiauŋɔ gbaa.

Jɔɔnn 5:44

I loon ki i tuun kii maŋŋit i leeb parae, ŋaan i ki fiin nan ki i tuun kii maŋŋit ŋɔɔ Yennu wunba tee Yen-yemmir na pari. Li paak mune te ki i set kan fit ki teenin yada.

Rom Teeb 16:18

li nibooru ki waa ti Yomdaanɔ Masia, ŋaan waa bi mɔŋ niauŋo. Bi jikit mɔmante ki kpann binba yaa dudukit ki chee na.

1 Korint teeb 11:19

Li set tee mɔniie nan lukitin kpan be i sinsuuk ni, kimaan ŋanne sa wann binba set waa barmɔnii sɔnu na yeenin ni.

Efesus teeb 2:3

Barmɔnii, ti kura mun din naan kaman nan li nibooru nee, ki waa ti gbanant niauŋ, ki tuun ti gbanant nan ti dudukit loomm. Timm nan ŋamm toona din baat nan Yennu wutoore ti kura paak.

Efesus teeb 4:14

Ti ji kii tee waas kaa; nifobiit nan kpinkpannii damm ji kii diat laŋ lin kaman nan ba poŋ teen siab biaŋinba na.

Kolosa teeb 2:18

Sɔɔ-i yaa ŋɔɔe gar leeb ki laat yerintii ki loon a yi sikin i mɔŋ kii jiantir malakanba, i daa saak man; nna sa biiriwa. Li daanɔ dont u mɔŋ u dudukbiit ni, ŋaan ki li kaa paaki;

Jeems 1:8

kimaan u mɔk dudukit munnlee-e.

2 Piita 2:18

Bi piak karinbaanii barii nba ki mɔk nyɔɔte a bin kpann niib nba yabit bi mɔŋ a bin nyik biitdamm, ki kpannib a bii tuun gbanant loonbiit kii tuun bonchonchonn toona,

2 Piita 2:3

Bi sii mɔk nianchiauŋ, ki sii kpanni ki ŋmabi. Yoo nba din gar na Yennu poŋ din yet a bi tee biitdamme, ŋaan li ji kan yukir ki u sa dat bi tuba.

2 Piita 3:16

U gbant kur ni, u din sɔb ki piak Yennu daar maŋ po labaare, ki wanti li labaar. Labasia be u gbant na ni ki paar nan nirɔ-n bann li paak, ki nisiab nba ki mɔk yan ki bia ki mɔk ba see siami, bi jikitir ki kpintir faake, kaman nan ba tuu kpintir Yennu gbouŋ maŋ paak bolia ni biaŋinba na. Li paake te ki Yennu tan sa dat bi tuba.

1 Jɔɔnn 2:16

Niib mɔk niauŋ nan bin tun bi mɔŋ loomm, ki bia nian bona nba ki bi laat na paak, ki bia mɔk parbifaant, ŋaan linba na kur lek tee tingbouŋ na ŋaateeb niauŋo; li ki nyii ti Baa Yennu boor ni kaa.

Juud 1:11

Parbiir be bi paak; kimaan bi wei Keenn sɔnbiiuk nawa; bi bia tee kpinkpannii damm likirii paak kaman nan Balaam nba din tee biaŋinba na; ki bia tuun kaman nan Kora nba din tun ki ki sak Yennu mɔb ki tan kpo na; bi mun tan sa kpo nnee.

Fiitu 12:9

bi jii waakperbiiuk na ki nyinnɔ; u poŋ tuu tee waauk nba tuu beewa, ki u sann yi Sanbiirtɔɔ amii Sintaanii, ki tuu kpann tingbouŋ na teeb kur na. Ki bi nyinn ŋɔɔ nan u malakanba ki lub tingbouŋ na ni.