2 Piita 1:8 - Yennu Gbounpaauŋ Mɔɔr

⁸ I binbeŋ-i be nnaie, li sa te ki i ŋamm bann ti Yomdaanɔ Yisa Masia yoo kur, kii mɔk nyɔɔt bonchiann ki turɔ.

Yennu Gbouŋ Mɔɔr

⁸ I binbeŋ-i be nnaie, li saa te ki i ŋamii bant ti Yomdaanɔ Yiisa Masia yoo kur, kii mɔk nyɔɔt bonchiann ki turɔ.

2 Piita 1:8 ပူးပေါင်းရင်းမြစ်များ

Matiu 13:22

Bonboorii nba baa kunkonii ni na mun tee kaman nan wunba gbat Yennu maan na, ŋaan ki tingbouŋ na fara nan mɔkint loomm nyakin maan maŋ u par ni, ki li kan nami.

Matiu 20:3

La din tan baar kut munnyia yoonba, ki ŋaadaanɔ maŋ fiir saan daak ni, ki saa la siab ki bi see ki ki tuun siari.

Matiu 20:6

La din tan baar kut muŋŋmu yoonba, ki u bia ŋmat saan ki saa la siab ki bi lakin see, ki u boib a ‘Bee ki i see nna yann damunn ki ki tuun siari?’

Matiu 25:26

“Ŋanne ki u yomdaanɔ na betɔ a ‘Fin daabiyann na, a tee gbannyakdaanɔe; a poŋ mi nan n tuu tee wunba di linba ki n ki dii fara li paake, ki bia mi nan n jaan siaminba ki n ki bure,

Jɔɔnn 15:2

ki u tuu chɔɔ yiinu kur nba gaa n paak ŋaan ki lôon lɔɔna na. Ŋaan yiinii kur nba ŋarin lôon lɔɔna na, u tuu gbat gbat ŋanne, ki lin ŋamm ki lôn lɔɔna bonchiann.

Jɔɔnn 17:3

Ki manfoor maŋe, ki niib sa nakin bann fin nba tee Yennu nan barmɔnii, ki sɔɔ ji kaa; ki bi bia mun sa bann min, Yisa Masia, wunba ki a tumɔ na.

Jɔɔnn 5:42

N poŋ mi nan i ki loon Yennu i yan ni fabaa.

Rom Teeb 12:11

kii tee nikakitii, ki daa tiin gbannyakiri, ŋaan kii tuun ti Yomdaanɔ toona nan i para kura,

1 Korint teeb 15:58

Li paak, n naa waas, i be man fanu ki daa baa Masiaweiu ni. Yii jii i mɔŋ kii tuun ti Yomdaanɔ toona yoo kur, kimaan i mi nan toona nba ki i tuun ki teen ti Yomdaanɔ na, li tan kan baa yanni.

2 Korint teeb 13:5

Gotir i mɔŋ mɔŋ binbeŋ ni ki laan i set teen Yisa Masia yada amii i ki teeni; li kpaa talas ki yii gorii i mɔŋ binbeŋ nba tee biaŋinba. I ki mi nan Yisa Masia be i niee? U set be i ni, kimaan li-i tee ki u ki be i ni, ŋann i ki tee u niib nan barmɔnii.

2 Korint teeb 8:2

Bi din la fara nan bikinn nan namu bonchiann, ŋaan bi lek mɔk parpeenne. Bi namu ni ŋaan bi din wann burchint ki tur Yennu piinii bonchiann.

2 Korint teeb 8:7

Tɔn, i teen Yisa yada, ki mi u labaar fanu, ki fit piak leeb u mɔmaan, ki waau nan ninmɔnn, ki bia loonit; ya tuun linba na kur bonchiann na, ti loon ki yii tuun toonŋana maŋ mun nnee bonchiann.

2 Korint teeb 9:14

ki miarɔ ki turi, kii looni, kimaan Yennue te ki i nuu tian bonchiann.

Filipi teeb 1:9

N mei Yennu ma i loomm-ii yɔɔ kii pukii yoo nan yoo, ki i barmɔnii bannu nan i subinii kura bia sii pukii,

Filipi teeb 2:5

Yi ŋaan ki binbeŋ booru nba ki Yisa Masia din mɔk na mun-ii be i ni:

Filipi teeb 3:8

Li ki tee li kuukɔɔ kaa ki mɔk nyɔɔt turimi; min yiin bonsiar kura linba kaa nyɔɔte; kimaan ma bann n Yomdaanɔ Yisa Masia ki li bannu nyɔɔt yab bonchiann na paak, kimaan u paake ki n fok bonsiar kur ki lu; min yi li kur tanpenn paak mɔɔte ma n tan la Masia nan n ninbinn,

Kolosa teeb 1:10

ki yin fit kii be kaman nan ti Yomdaanɔ nba loon biaŋinba, ki bia fit kii tuun linba sii pent u par, ki yin fit kii tuun toonŋana kur, kii ŋammit bant Yennu.

Kolosa teeb 2:7

ki sikin i yada jiina u ni, ki i yada-ii be u ni, ki i yada-ii mɔk paŋ kaman nan ba din wanni biaŋinba na, kii teenɔ niipoouk yoo kura.

Kolosa teeb 3:16

Li kpaa talas ki Masia labaar na-ii be i para ni chib chib, kii want i leeb, kii bia kpaan i leeb nan i yan kur; kii yiin Yennu gbouŋ ni yanii, nan yenpaku yanii, nan Seyeeŋ yanii; kii yiin yanii kii teen Yennu nan niipoouk i para ni.

1 Tesalonika teeb 3:12

Ya loon i leeb nan sɔɔ kur biaŋinba na, wun te ki i loomm maŋ-n pukin bonchiann kaman nan ta looni biaŋinba na.

1 Tesalonika teeb 4:1

Ti naa waas, ya din tumii ti peŋ biaŋinba ki i sii tuun ki pent Yennu par ni na, nnee ki i poŋ din tuun. Mɔtana, ti barimiie ki kpaani ti Yomdaanɔ Yisa sann paak, yii ŋammit kii tuun nna man,

2 Tesalonika teeb 1:3

Ti naa waas, li kpaa talase nan tii teen Yennu niipoouk yoo kur i paak. Ti-i tun nna, li ŋan, kimaan i yada mantik pukii bonchiann, ki ya mɔk loomm nba ki teen i leeb na pukii.

1 Timoti 5:13

Linba pukin, bi bia biir bi yoo ki ki loon toona, ŋaan lin lɔɔn ŋei ki tumii sanjaauŋ, nan niib barkpeena ni kɔɔnu, ki lin piak linba ki ŋan nan bii piaki.

Taitus 3:14

Li kpaa talas ki Masiaweira-ii tuun toonŋana kii sommit niib bi fara ni, ki daa be binbeŋ nba kaa nyɔɔti.

Filemonn 1:6

N mei Yennu a timm nan fin nba taan ki teen Masia yada na paak, li sa te ki tin bann fanu binbenŋaŋ nba tee ti yar u ni na.

Hiibru teeb 6:12

Ti ki loon ki yii tee gbannyakdammi, ŋaan ti loon ki yii tee binba teen Masia yadae, kii mɔk sukuru, ki tan gaar linba ki Yennu din senn mɔsonn li po na.

2 Piita 1:2

Ya bann Yennu nan ti Yomdaanɔ Yisa na paak, ninbatinu nan parmaasir-n ŋamm pukini.

2 Piita 1:3

Yennu paŋ yab bonchiann; ki u teent linba kur tee manfoor nan yentinu yar kimaan ta miu na paak; ŋɔɔe din yiinit u yentsaakar nan u binbenŋaŋ ni.

2 Piita 2:20

Niib nba din mi ti Yomdaanɔ Yisa Masia, wunba tee ti Tinntɔɔ, ki poŋ din nyik biit nba be tingbouŋ nna na, li biit maŋ-i jiki taŋŋi jen ki nyannib, bi joontu tan sii bi ki gar bi pinpiik nba din tee biaŋinba nawa.

2 Piita 3:18

Yi ŋamm gaar ti Yomdaanɔ Yisa Masia wunba tee ti Tinntɔɔ na sommir ki pukin man, kii tumii u mɔmaan na. Ŋɔɔe yen dontir ki jikit saa nan yoo nba kaa gbennu. Mɔmɔmm.