2 Piita 1:5 - Yennu Gbounpaauŋ Mɔɔr

⁵ Linba na paak, yii yabir i mɔŋ ki pukin binbenŋaŋ i yada paak man; ki bia pukin Yennu bannu i binbenŋaŋ maŋ paak;

Yennu Gbouŋ Mɔɔr

⁵ Linba na paak, ii yabir i mɔŋ ki pukin binbenŋaŋ i yada paak man; ki bia pukin Yennu bannu i binbenŋaŋ maŋ paak;

2 Piita 1:5 ပူးပေါင်းရင်းမြစ်များ

Barŋanii nba ki LUK din sɔb nae na 16:26

Ki linba pukin, Yennu din bir bootsunsuŋ timm nan fin sinsuuk ni, ki sɔɔ kan fit nyi ki lɔɔr saan a boor ni, ki sɔɔ mun kan fit nyi a boor ni ki lɔɔr ti boor ni nna na.’

Barŋanii nba ki LUK din sɔb nae na 24:21

Ŋaan ki ti tuu daan nan ŋɔɔe tan sa nyinn timm Israel teeb ti datai nuu ni; ki linba pukin, dinna tee daa ŋanntaae na la teen.

Jɔɔnn 6:27

I daa tuun toonn jeet nba sa fit biir paaki, ŋaan yii tuun toonn jeet nba mɔk manfoor nba kaa gbennu paak. Min nisaarik Bik sa turi li jebooru, kimaan n Baa Yennu turin yikoo na a mii teeni, kimaan u numm gboon.”

1 Korint teeb 14:20

N naa waas, i daa dia bisin ni dudukiti, ŋaan biit ni, yii tee kaman nan sanpantii nee; ŋaant man ki i dudukit-ii tee subintɔɔ dudukit.

Efesus teeb 5:17

Li paak, yii bant linba tee ti Yomdaanɔ loomm ki daa tee i mɔŋ jatiti.

Filipi teeb 1:9

N mei Yennu ma i loomm-ii yɔɔ kii pukii yoo nan yoo, ki i barmɔnii bannu nan i subinii kura bia sii pukii,

Filipi teeb 2:12

N naa walonkai, ma din be i boor ni ki i sak n mɔb biaŋinba na, ki mi-i lekii kaa i boor ni, li kpaa talas ki yin sak n mɔb. Yii biakii tuun i toona nan yentinu nan gbananjekint man, ki tont i tinnu,

Filipi teeb 4:8

N naa waas, linba joont tee nnee, yi ŋaan ki i dudukit-n gbee nan linba tee barmɔnii, nan linba ŋan nan baakir, nan linba ŋan, nan linba mɔk burchint, nan linba took, nan linba yeen, nan linba mɔk fant, nan linba ŋan nan paku.

Kolosa teeb 1:9

Linba na paak, ta daan gbat i po, ti ki nyik Yenmiaru i paaki a ŋɔɔ Yennu-n te ki i bann u loomm nba tee biaŋinba, ŋaan turi Seyeeŋ yan nan li subinii kur,

Kolosa teeb 2:3

ki ŋɔɔ kuukɔɔe mɔk barmɔnii yan nan bannu kura.

Hiibru teeb 11:6

Nirɔ-i kii teen Yennu yada, li yɔɔ kan fit penn ŋɔɔ Yennu par ni, kimaan wunba kur baat Yennu boor ni, li kpaa talas ki li yɔɔ-n teen yada nan Yennu set be ki teen binba loonɔ na nyɔɔt.

Hiibru teeb 12:15

Guut i mɔŋ man ki tan daa kɔŋŋit Yennu ninbatinu na. I sɔɔ daa mɔk tonu u par ni, ki u tonu na-n baar nan parbiir leeb paak, ki biir niburchiauŋi.

Hiibru teeb 6:11

Ti loon ki i sɔɔ kur-n yabir u mɔŋ paake mɔkmɔk nan li joontu, ki ya mɔk dindann biaŋinba na, li set sa teen mɔnii ki turi.

1 Piita 3:7

Poosɔrib, i mun-ii be fanu man nan i poob, kii mi nan bi tee tariie i boor, kii teemm nibaakir, kimaan yimm nan ŋamm kur tan sa gaar Yennu piinŋann nba tee manfoor; ŋanne bia sa te ki Yennu sa gaar i miaru.

2 Piita 1:10

N naa waas, Yennue yiini ki ganni, li paak, yi ŋamm yabir i mɔŋ paak man, ki te ki lin set wann nan i tee u niibe. Li-i tee ki i tuun linba na i kan mi ki baa;

2 Piita 1:11

ki Yennu sa te ki yin tan kɔɔ ti Yomdaanɔ Yisa Masia nba tee ti Tinntɔɔ na naan ni; u naan maŋe yɔɔ be ki ki mɔk gbennu.

2 Piita 3:14

N naa walonkai, ya guu bona maŋ na paak, yii yabir i mɔŋ paak kii mɔk parmaasir, nan binbenyeeŋ, ki daa mɔk biit Yennu boori.

2 Piita 3:18

Yi ŋamm gaar ti Yomdaanɔ Yisa Masia wunba tee ti Tinntɔɔ na sommir ki pukin man, kii tumii u mɔmaan na. Ŋɔɔe yen dontir ki jikit saa nan yoo nba kaa gbennu. Mɔmɔmm.