2 Piita 1:10 - Yennu Gbounpaauŋ Mɔɔr

¹⁰ N naa waas, Yennue yiini ki ganni, li paak, yi ŋamm yabir i mɔŋ paak man, ki te ki lin set wann nan i tee u niibe. Li-i tee ki i tuun linba na i kan mi ki baa;

Yennu Gbouŋ Mɔɔr

¹⁰ N naa waas, Yennu-e yiini ki ganni, li paak, ii ŋamm yabir i mɔŋ paak man, ki te ki lin set wann nan i tee u niibe. Li-i tee ki i tuun linba na, i yada kan mi baa;

2 Piita 1:10 ပူးပေါင်းရင်းမြစ်များ

Matiu 22:14

Yisa din yin barjouk maŋ ki joont, ki yet a “Yennu yiin niib bonchianne, ŋaan u tan sa gann waaminne.”

Rom Teeb 11:29

kimaan Yennu-i gann niib ki turib piinii, u ji ki lebitir u pari.

2 Timoti 2:19

ŋaan Yennu nigannkab ŋanin see, ki kan mi ki dammi; ki mɔbona nba sɔb pukin bi paak tee nnee a: “Ti Yomdaanɔ mi binba tee u yab,” ki bia sɔb a, “Wunba kur yet a u tee ti Yomdaanɔ yɔɔe, li kpaa talase ki wun nyik toonbiit tumu.”

Hiibru teeb 6:11

Ti loon ki i sɔɔ kur-n yabir u mɔŋ paake mɔkmɔk nan li joontu, ki ya mɔk dindann biaŋinba na, li set sa teen mɔnii ki turi.

Hiibru teeb 6:19

Dindann nba ki ti mɔk na tee kaman nan manfoor jaantarik nba dia ti manfoor fanu. Li tee dindann nba gar Yendɔuŋ ni diiuk kaaruk nee ki kɔɔ diiuk maŋ linn po.

Jeems 2:10

Wunba sak ki wei sennu na kur, ŋaan tan biir sennii maŋ yenn, li want nan u biir sennii na kure.

1 Piita 1:2

Ti Baa Yennu dɔŋ ki ganni ki mi nan yimm tan sa teen u niiba, ki u Seyeeŋ te ki i tee popeendamm, ki u ganni a yii saak Yisa Masia mɔb, ki u wuur i para nan u sɔn. Yennu-n sommi, ki bia turi parmaasir bonchiann.

1 Piita 1:5

ki guu yimm nba ki Yennu paŋ dia-i i yada paak, a yin la i tinnu nyɔɔt nba teen siir ki sa nyi paanu dajoontii na.

2 Piita 1:3

Yennu paŋ yab bonchiann; ki u teent linba kur tee manfoor nan yentinu yar kimaan ta miu na paak; ŋɔɔe din yiinit u yentsaakar nan u binbenŋaŋ ni.

2 Piita 1:5

Linba na paak, yii yabir i mɔŋ ki pukin binbenŋaŋ i yada paak man; ki bia pukin Yennu bannu i binbenŋaŋ maŋ paak;

2 Piita 3:14

N naa walonkai, ya guu bona maŋ na paak, yii yabir i mɔŋ paak kii mɔk parmaasir, nan binbenyeeŋ, ki daa mɔk biit Yennu boori.

2 Piita 3:17

N naa walonkai, i poŋ mi ba tee biaŋinba. Yimm nba waa barmɔnii na, yi bann i yan ni man, ki daa waa biitdamm faak sɔnii na, ŋaan yabir ki daa baa i sinsee boa.

Juud 1:24

Yennu sa fit guui ki i daa baa, ki sa baar nani u tɔɔnn yentsaakar ni, ki i ki mɔk biiti, ŋaan sii mɔk parpeenn bonchiann;

Fiitu 22:14

Damm nba wuur bi para nan Yisa sɔn na, parpeenn tee bi yare; ki li paak ki bi mɔk sɔnu nba ki bi sa di tilɔɔna nba teen manfoor na, ki sa kɔɔ tammɔb na ni ki saan doo na ni.