2 Korint teeb 8:9 - Yennu Gbounpaauŋ Mɔɔr

⁹ I mi ti Yomdaanɔ Yisa Masia nuu nba yaa biaŋinba. U tee mɔkitɔɔe, ŋaan ki i paak ki u din kpant tarik, ki u tarik kpantu maŋ paak te ki yimm ji teen mɔkita.

Yennu Gbouŋ Mɔɔr

⁹ I mi ti Yomdaanɔ Yiisa Masia nuu nba yaa biaŋinba. U din tee mɔkitɔɔe, ŋaan ki i paak ki u kpant tarik, ki u tarik kpantu maŋ paak te ki yimm ji teen mɔkita.

2 Korint teeb 8:9 ပူးပေါင်းရင်းမြစ်များ

Matiu 17:27

Ŋaan ta ki loon ki tin biir bi para ni na paak, li paak, i saa mɔkgbeŋŋir na ni, ki saa lu janpeenu ki dat jaŋ nba ki a soorɔ sinsinn na ki donn; li-i tee ki a yaat u mɔb, a sa la likirii nba sa fit pa min nan fin paak; ki fan jii ki pab.”

Matiu 20:28

kaman nan min nisaarik Bik nba tee biaŋinba na, kimaan n ki baar ma niib-n tun turin kaa, ŋaan n baar ma n tun ki tur niibe, ki bia kpo a n te ki niib bonchiann-n la tinnu.”

Matiu 8:20

Ki Yisa yetɔ a “Lunlona mɔk fɔrii, ki nɔɔnii mun bia mɔk tiat, ŋaan min nisaarik Bik ki mɔk dundɔɔnboori.”

Barŋanii nba ki MAK din sɔb nae na 6:3

Kanpinta na kaa na-aa? Mari bija na kaa-aa? Ŋɔɔ kaa tee Jems nan Josef nan Judas nan Simon yɔɔrɔ na-aa? U niipoob kaa be nna na-aa?” Ki bi yêenɔ.

Barŋanii nba ki LUK din sɔb nae na 16:11

Li-i tee ki a di fobit nan tingbouŋ na likirii, Yennu sa jii sanpaapo mɔkint ki teen a nuu ni-ii?

Barŋanii nba ki LUK din sɔb nae na 2:7

ki u ji mar bonjabik, u sapaanmar, ki jii chinchenn ki pɔbinɔ, ki birɔ bonkɔbit jedigungɔuŋ ni, kimaan saamm diiuk ji din ki mɔk yiar nba ki bi sa kɔɔ ki dɔɔri.

Barŋanii nba ki LUK din sɔb nae na 8:3

ki leeb mun din tee Chusa ŋaapoo Joanna (Chusa din tee Herod ŋaatoontunna saakɔɔ), nan Susanna, nan pooleeb bonchiann. Ki bi kura din jikit bi mɔŋ mɔŋ bont ki teen Yisa ki din sommit ŋɔɔ nan u poorpoweiteeb.

Barŋanii nba ki LUK din sɔb nae na 9:58

Ki Yisa yetɔ a “Lunlona mɔk fɔrii, ki nɔɔnii mun bia mɔk tiat, ŋaan min nisaarik Bik ki mɔk dundɔɔnboori.”

Jɔɔnn 1:10

Wa din baar tingbouŋ na ni maŋ, ŋaan tingbouŋ na ŋaateeb lek taan ki bannɔ, ŋaan li din tee u nie setik ki Yennu din nan tingbouŋ na.

Jɔɔnn 1:14

Yoo nba ki Yennu Mɔb maŋ din baar ki tee nisaarik na, u din be nant tingbouŋ na ni, ki din gbee nan ninbatinu, nan barmɔnii wannu, ki timm nba din tuu be nanɔ na laat u yentsaakar, ki li yentsaakar na nyii u Baa Yennu boor, kimaan u tee u Biyenne.

Jɔɔnn 1:17

Moses din turit Yennu sennue, ŋaan Yisa Masia ŋarin din baar nan ninbatinu ki teent ki bia want barmɔnii wannu.

Jɔɔnn 12:30

Ŋaan ki Yisa betib a “Li ki tee n mɔŋ mɔŋ paak kaa ki kunkɔr maŋ pak na, ŋaan li tee i tiauŋ paake.

Jɔɔnn 16:15

Linba kur ki n Baa Yennu mɔk, li tee n yare. Li paake teen ki n yaa ma Yennu Seyeeŋ sii jikit n labaar ki wanti.

Jɔɔnn 17:19

Ki bi paake ki n jikit n mɔŋ ki teena na, a bin fit lian teen a tiauŋ yab nan barmɔnii.

Rom Teeb 11:12

Ki Juu teeb biit paake te ki tingbouŋ na teeb la tinnu; ki ŋamm Juu teeb nba din ki tun Yennu lomm nae te ki binba ki tee Juu teeb na la tinnu, li paak, Juu teeb maŋ kur-i munii nyik bi biit ki la tinnu, tingbouŋ na teeb sa mantik la bonchiann ki gar nnawa.

Rom Teeb 15:3

Ŋɔɔ Masia din ki loon wun tun u mɔŋ loommi. Li sɔb Yennu gbouŋ ni a “Binba sukii Yennu na, bi sukii mine.”

Rom Teeb 5:8

ŋaan Yennu wann nan u set loonit bonchiann kimaan ta din tee biitdamm na Yisa Masia din gaar ti paak ki kpo.

Rom Teeb 8:32

Yennu ki minnit u mɔŋ Bija na, ŋaan jiiu ki turit; ŋɔɔ Yennu turit u Bija maŋ, ki nlee ki u ji kan turit linba kur biari?

1 Korint teeb 1:4

N teen Yennu niipoouk yoo kur i paak nan wa turi sommir Yisa Masia paak na,

1 Korint teeb 15:47

Sinsinn nirɔ na din nyii tant nie, ki nirɔ nba wei na nyii Yendɔuŋ ni.

2 Korint teeb 13:14

Ti Yomdaanɔ Yisa Masia sommir, nan Yennu loomm, nan u Seyeeŋ mɔtaauk na-ii be nan i kura.

2 Korint teeb 6:10

Ti mɔk parbiir ŋanin, ŋaan Yisa paak ti mɔk parpeenne yoo kura. Ti tee tariie, ŋaan timme te ki niib bonchiann tee mɔkita Yennu boor ni. Ti ki mɔk tingbouŋ na mɔkint siari, ŋaan ti mɔk linba gar mɔkita kura. Nanna kurae want nan ti set tee Yennu toontunnae.

Efesus teeb 2:7

U din tun linba na a wun wann sɔɔ kura u ninbatinu nba yab biaŋinbae, ki tun burchint turit Yisa Masia paak.

Efesus teeb 3:19

ki fit bann Masia loomm nba gar siar kur, ki i benu-ii tee kaman nan Yennu benu na.

Efesus teeb 3:8

Yennu niib sinsuuk ni, mine tan joont wunba ki be kann ni, ŋaan Yennu tur mine yaak a man jii barŋanii mɔɔntii nba wantit Masia nba sii teent binba ki tee Juu teeb na bonŋana bonchiann biaŋinba,

Kolosa teeb 1:24

Ki mɔtana n mɔk parpeenn n fara dinu ni i paak, kimaan ma di fara maŋ biaŋinba na, n tontir fara dinu nba ki Masia din senn ma n di u gbanant nba tee u weira na paak na.

1 Timoti 6:18

Bii tuun toonŋana, ki bi toonŋana maŋ-ii yab; ki bi nii-ii yaa nan piinii turu.

Hiibru teeb 1:2

ŋaan mɔtana u te ki u Bija nba ki u gannɔ a wun yent bonsiar kur na poŋ pak nan timm; ki u din te ki u Bija maŋ nan dunia kur.

Jeems 2:5

N naa walonkai, gbiintir man, Yennue gann binba tee nandamm tingbouŋ na niib boor, a bin teen mɔkita u boor, kimaan bi teenɔ yada, ki teen u waas nba sa di naan nba ki u din senn mɔsonn a u sa tur binba loonɔ na.

Fiitu 2:9

ŋɔɔe yet a ‘N mi i fara po, ki bia mi nan i tee nandamme, ŋaan mɔmɔmm, Yennu boor ni, i tee mɔkitae; ki n mi nan nisiab piak ki biir i sana, ki bia yaa a bi tee Juu teebe, ŋaan ki ki tee nna; bi tee Sintaanii niibe.

Fiitu 21:7

a ki wunba nyann nyannu na, u sa gaar linba na n boor, ki n sii tee u Yennu, ki u mun sii tee n bik.

Fiitu 3:18

Li paak, n kpaaniie a yi daa sarima nba tee sarinmɔnna n boor ni ki set la mɔkint, ki bia daa tapeenii ki dɔkin i fei na, ki bia daa kpan ki baŋ i ninbina na kii laat.