2 Korint teeb 8:8 - Yennu Gbounpaauŋ Mɔɔr

⁸ Li ki tee ma yeeni linba na a n mukisi kaa a yin tur; n poŋ beti biaŋinba ki Yennu nisiab nunbinn mɔn nan bin turɔ piinii, a lin te ki n bann biaŋinba ki i mun loonɔ.

Yennu Gbouŋ Mɔɔr

⁸ Maa yeeni linba na, li ki tee n mukisi kaa a yin turi; n wanni Yennu nisiab numm nba mɔn biaŋinba nan bin turɔ piinii, kimaan n loon ki n bann yaa loonɔ biaŋinbae.

2 Korint teeb 8:8 ပူးပေါင်းရင်းမြစ်များ

Rom Teeb 12:9

Ŋaant ki loomm-ii tee barmɔnii loomm, ŋaan kii soor linba ŋan na fanu, ŋaan kii nân biit.

1 Korint teeb 7:12

Binba biar nee ki min yeen, ti Yomdaanɔ kaa yeti. Masiaweirɔ-i mɔk poo, ki poo na ki tee Masiaweirɔ, ŋaan ki li tee poo maŋ loommue a wuu be u boor ni, jɔɔ na daa lubinɔ.

1 Korint teeb 7:25

Mɔtana, n ji piak ki teen binba daa ki kɔɔn poob amii ki daa ki kun jab nee, ŋaan ti Yomdaanɔ ki chabin a n betib nna; ŋaan ti Yomdaanɔ ninbatinu paake ki n teen barmɔnii daanɔ.

1 Korint teeb 7:6

Li tee maame ki n yet, ŋaan li ki tee sennu kaa.

2 Korint teeb 6:6

Ti tee popeendamme, ki ti mi Yennu mɔmaan, ki mɔk sukuru nan burchint, ki gbee nan Yennu Seyeeŋ, ki loon niib,

2 Korint teeb 8:10

Ma sa beti mɔbonn nba tee nnee: ya din piin ki gaan likirii nba binnpo na, li ŋan ki yin gaar ki tont dinna. Yimme din dɔŋ leeb ki loon Yennu piinii turu, ki bia din piin ki gaan li piinii. Yi yabir i mɔŋ paak ki gaarir ki tont man. I nunbinn din mɔn nan piinii maŋ gaaru.

2 Korint teeb 8:24

Yi wann ti naa waas maŋ nan Masiaweira kura ya loomm biaŋinba, a bin bann nan ta daan piaki biaŋinba bi boor ni na, li tee mɔniie.

2 Korint teeb 9:2

N mi nan i loon ki yin sommib. N daan paki Masedonia teeb boor ni, ki betib biaŋinba ki yimm nba be Akaya tingbouŋ ni na din loon ki yin somm Yennu niib binnpo na. I numm nba din mɔn Yennu niib sommir paak na, li din te ki bi mun loon ki bin sommibe.

2 Korint teeb 9:7

Wunba kur dukin u par ni a wun pi piinii biaŋinba, li yɔɔ-n pi nna, ki daa piin nan parbiiri, amii ki pi nan muksuku, kimaan Yennu loon nisɔɔ nba piin piinii nan parpeenne.

Efesus teeb 4:15

Ŋaan ti sii piak barmɔniie nan loomm kii nɔb kii pukii, ki Masiae tee ti yudaanɔ.

Efesus teeb 6:24

Yennu-n somm binba kur loon ti Yomdaanɔ Yisa Masia nan loomm nba kaa gbennu na.

Hiibru teeb 10:24

Yi ŋaan ki tin yabir ki fiin leeb loomm nan bi toonŋana,

1 Piita 1:22

Ya sak ki gaar Masia labaar nee te ki i nyii biit ni, ki ji loon i naa waas nan barmɔnii; li paak, yii loon i leeb man nan i para kura.