2 Korint teeb 8:7 - Yennu Gbounpaauŋ Mɔɔr

⁷ Tɔn, i teen Yisa yada, ki mi u labaar fanu, ki fit piak leeb u mɔmaan, ki waau nan ninmɔnn, ki bia loonit; ya tuun linba na kur bonchiann na, ti loon ki yii tuun toonŋana maŋ mun nnee bonchiann.

Yennu Gbouŋ Mɔɔr

⁷ Tɔn, i teen Yiisa yada, ki mi u labaar fanu, ki fit piak leeb u mɔmaan, ki waau nan ninmɔnn, ki bia loonit; yaa tun linba na kur nan ninmɔnn na, ti loon ki yii tuun toonŋana maŋ mun nnae nan ninmɔnn.

2 Korint teeb 8:7 ပူးပေါင်းရင်းမြစ်များ

Matiu 25:22

“Ki wunba mun din gaar pɔŋ tusa ŋannlee na kɔɔ ki baar u yomdaanɔ na boor, ki tan yetɔ a ‘N yomdaanɔ, gotir, a din turin pɔŋ tusa ŋannlee-e, ŋaan n mun bia kpent ki la nyɔɔt pɔŋ tusa ŋannlee.’

Rom Teeb 15:14

N naa waas, n mi n par ni nan i binbeŋ ŋan, ki i mi Yennu maan bonŋann ki fit ki kpaan i leeb;

1 Korint teeb 1:5

kimaan i la bonsiar kur i pinpakit ni nan i minu ni u boore.

1 Korint teeb 12:13

Ti kura nba tee Juu teeb, nan binba ki tee Juu teebi, nan daaba, nan yentinmɔŋ damm, bi wur ti kur Yennu nyunwuru u Seyeeŋ yenɔkɔɔ sann ni a ti taan teen gbananyennkɔɔ; ki li Seyeeŋ yenɔkɔɔ maŋ bia gbeen ti kura.

1 Korint teeb 12:8

Seyeeŋ na sa tur sɔɔ ki u mɔk yan paku; ki bia tur sɔɔ bannu ki u piak bannu maan; ŋaan ki li kur nyi Seyeen-yenɔ nie.

1 Korint teeb 13:2

Mi-i fit sɔkint Yennu mɔmaan, ki bant woonin ni maan kur, ki mɔk bannu, ki mɔk yada nba sa fit te ki jɔɔr-n fikit ki saan boleer po, ŋaan ki ki mɔk loommi, n tee yanne.

1 Korint teeb 13:8

Loomm ki mɔk gbennu. Barsɔkinu nan barganii paku nan bannu tan sa gar.

1 Korint teeb 14:12

Ya set loon Seyeeŋ piinii na, yii loon piinii nba sa somm Masiaweira.

1 Korint teeb 4:7

Ŋmee tura saakatuk a leeb ni? Yennu kaa tura linba kur ki a mɔk na-aa? ki bee teen ki a dont a mɔŋ, ki li tee nan linba ki a mɔk maŋ ki tee piinii kaa na?

2 Korint teeb 7:7

Ŋann kuukɔɔ kaa daan maak ti para, ŋaan u bia daan betit i binbeŋ nba tee biaŋinba; ŋanne mun daan te ki ti para maak. U daan betit a i nunbinn mɔn nan ki i bia lan, a i mɔk parbiir i toonbiit paak, a ki i nunbinn mɔn nan ki i saak n mɔb. Linba na te ki n mantik mɔk parpeenn.

2 Korint teeb 8:6

Ŋaan yimm ŋanin, Taituse daan te ki i piin ki gaan likirii ki teen Yennu. Ti din betɔ a wun yabir ki sommi ki yin tun likirii toona maŋ kur ki gbenn nan loomme.

2 Korint teeb 9:14

ki miarɔ ki turi, kii looni, kimaan Yennue te ki i nuu tian bonchiann.

2 Korint teeb 9:8

Yennu sa fit turi bonsiar kur ki i kan kɔŋ bonsiari. I sa la ki lin gar ya loon biaŋinba, ki fit somm binba kur ki mɔk na,

Efesus teeb 4:29

I daa piak mɔbonbiit ki teen i leebi, ŋaan te ki i mɔbona-ii tee linba kpaa talas ki mɔk nyɔɔt, ki i leeb-i gbat, lin pukimm binbeŋ nba fan.

Filipi teeb 1:11

ki i binbeŋ-ii mɔk yentinu ki yii tuun toonŋana bonchiann, Yisa Masia paŋ ni, ki Yennu sann-n la dontir nan paku.

Filipi teeb 1:9

N mei Yennu ma i loomm-ii yɔɔ kii pukii yoo nan yoo, ki i barmɔnii bannu nan i subinii kura bia sii pukii,

2 Tesalonika teeb 1:3

Ti naa waas, li kpaa talase nan tii teen Yennu niipoouk yoo kur i paak. Ti-i tun nna, li ŋan, kimaan i yada mantik pukii bonchiann, ki ya mɔk loomm nba ki teen i leeb na pukii.

2 Timoti 2:1

N bik, fin ŋanimi chee a par Yisa Masia nba somma biaŋinba u ninbatinu na paak.

Hiibru teeb 12:28

Li paak, ta gaar naan nba kan mi ki nik na paak, yi ŋaan ki tii teen Yennu niipoouk man, ki jiantɔ nan nibaakir nan jaŋmaanii ki u numm-n gboo,

1 Piita 1:22

Ya sak ki gaar Masia labaar nee te ki i nyii biit ni, ki ji loon i naa waas nan barmɔnii; li paak, yii loon i leeb man nan i para kura.

2 Piita 3:18

Yi ŋamm gaar ti Yomdaanɔ Yisa Masia wunba tee ti Tinntɔɔ na sommir ki pukin man, kii tumii u mɔmaan na. Ŋɔɔe yen dontir ki jikit saa nan yoo nba kaa gbennu. Mɔmɔmm.

Fiitu 3:17

Yimme yeen a i tee mɔkitae ki mɔk linba kur ki i loon, a ki siar kan pɔtiini, ŋaan ki ki mi ya mɔk parbiir nan ninbaauk biaŋinba. I tee nandamme, ki somm yana, ki tee jɔɔnii.