2 Korint teeb 8:4 - Yennu Gbounpaauŋ Mɔɔr

⁴ ki din barint a tin gaar bi piinii maŋ ki tur Yennu niib nba tee tarii na. Li din tee bi yanbɔɔte nan bin turib.

Yennu Gbouŋ Mɔɔr

⁴ ki din barint a tin gaar bi piinii maŋ ki tur Yennu niib nba tee tarii na. Li din tee bi yanbɔɔte nan bin turib.

2 Korint teeb 8:4 ပူးပေါင်းရင်းမြစ်များ

Matiu 10:42

Wunba finn nyumaasin waaminna kuukɔɔ ki tur n poorpoweitɔɔ yenɔ nba pɔ i ni gbaa, nan wa tee n poorpoweitɔɔ na paak, barmɔniie ki n beeri na, u tan kan mi kɔŋ li paauko.”

Matiu 12:50

kimaan wunba kur tuun n Baa Yennu nba be sanpaapo na loommu, ŋɔɔe tee n ninja, nan n niipoo nan n naa.”

Matiu 25:40

Ki min Bat na mun tan sa jiin ki betib a ‘Barmɔniie ki n beeri na, ya din tun linba ki tur wunba tee tatimɔɔ n naa waas na sinsuuk ni na yenɔkɔɔ, i din tuun ki teen mine.’

Barŋanii nba ki MAK din sɔb nae na 14:7

Talasdamm sii yɔɔ be i boor ni yoo kura, ki i sa fit sommib yoo nba kur ki i loon; ŋaan min ŋanin kii yɔɔ be nna kaa.

Toona 11:29

Yoo nba ki Yisaweira din gbat a kon yaa lin baa na, ki bi din dukin dudukit a bi sa tur sommir; ki wunba fit nyann biaŋinba lek, wun tur Yisaweira nba be Judea na.

Toona 16:15

Ki ti din wur ŋɔɔ nan u ŋaateeb Yennu nyunwuru. Ki u din gɔɔrit, ki yet a “Li-i tee ki i mi a n set tee ti Yomdaanɔ yada nan barmɔniie, yin baar kii be n ŋaak ni.” Ŋanne ki ti baar ki kɔɔ be.

Toona 24:17

“Tɔn, ma din nyii Jerusalem, li din yukir bonchiann na, ki n ji tan ŋmat leŋ ma n tur n niib likirii, ŋaan bia pi Yennu piinii.

Rom Teeb 15:31

ki wuu guun ki Judea tiŋ ni niib nba ki teen Yisa Masia yada na, ki bi daa kpimi; kii biakii meiɔ nan piinii nba ki n sa tur Yennu niib na, bin gaar nan parpeenn.

1 Korint teeb 16:1

Tɔn, n loon ki n wanni likirii nba ki i lakin ki yaa a i somm Yennu niib nba be Judea tiŋ ni na; yi tun biaŋinba ki n wann Masiaweira nba be Galasia tiŋ ni na.

1 Korint teeb 16:15

I poŋ mi Stefanas nan u ŋaateeb po, ŋamme din tee sinsinn niib nba be Akaya tiŋ ni ki din teen Masiaweira, ki bi jii bi mɔŋ ki tuun ki teen Yennu niib.

2 Korint teeb 9:1

Li ji ki kpaa talas ki n bia sɔb gbouŋ ki beti biaŋinba ki i sa somm Yennu niibi.

Galasia teeb 2:10

Linba yaa kuukɔɔ ki bi din betit li po din tee nnee: a ti daa tammit talasdamm nba be bi sinsuuk ni na po. Li mune ki n set poŋ din loon tumu.

Galasia teeb 6:10

Li paak, ti-i la yaak, ŋaant ki tin tun linba ŋan ki tur sɔɔ kura; ŋaan mantik kii tuun kii teen binba teen Masia yada ki tee u weira na.

1 Timoti 5:10

ki poŋ tuu mɔk sanŋann u toona paak, ki tee wunba poŋ tuu mi waas wubiru fanu, ki gaan saamm u ŋaak ni, ki tuun sikininmɔŋ toona ki teen u leeb nba waa Masia na, ki sommit niib fara ni, ki poŋ jii u mɔŋ kura teen toonŋana tumu ni.

Hiibru teeb 6:10

Kimaan Yennue ŋan, ki kan tamm ya tun linba ki turɔ amii ya loonɔ biaŋinba ki somm Masiaweira, ki bia daa sommitib na.