2 Korint teeb 7:7 - Yennu Gbounpaauŋ Mɔɔr

⁷ Ŋann kuukɔɔ kaa daan maak ti para, ŋaan u bia daan betit i binbeŋ nba tee biaŋinba; ŋanne mun daan te ki ti para maak. U daan betit a i nunbinn mɔn nan ki i bia lan, a i mɔk parbiir i toonbiit paak, a ki i nunbinn mɔn nan ki i saak n mɔb. Linba na te ki n mantik mɔk parpeenn.

Yennu Gbouŋ Mɔɔr

⁷ Ŋann kuukɔɔ kaa daan maak ti para, ŋaan u bia daan betit i binbeŋ nba tee biaŋinba; ŋanne bia daan te ki ti para maak. U daan betit a i ninbinn mɔn nan ki i bia lan, a i mɔk parbiir i toonbiit paak, ki i ninbinn mɔn nan ki i sak n mɔb. Linba nae te ki n mantik mɔk parpeenn.

2 Korint teeb 7:7 ပူးပေါင်းရင်းမြစ်များ

Matiu 26:75

Ki Piita ji tiar Yisa nba betɔ na a “Kojouk daa tan kan bui sinsinn daanni ki a tan sa nɔi taar munntaae a a ki mimi.” Ki Piita nyii nanyer po ki saa bui ki fabin bonchiann.

Matiu 5:4

“Binba mɔ ki fabin, parpeenn tee bi yare, kimaan Yennu sa maan bi parawa.

Barŋanii nba ki LUK din sɔb nae na 22:44

U din dii muksuk bonchiann ki miar Yennu nan u yaak kur, ki naauk tan pu u paak ki tan toot naan nan sɔn na.

Toona 11:23

Wa din saa baar leŋ yoonba ki la Yennu nba turib sommir biaŋinba, ki u la parpeenn bonchiann, ki din chee bi para, ki kpaan bi kur kpaanii a bi daa nyikit Yisa weiu.

Rom Teeb 1:12

Ma want linba tee a min nan yimm nba teen yada biaŋinba na, ti sii kɔɔnt ti leeb para, ti yada teenu na paake.

1 Korint teeb 5:2

ŋaan ki i mɔk dontinmɔŋ ki ki tiin fei li paaki. Li ki jaŋ nan i para-n biirii? Li ŋan ki yin nyinn li nibooru i sinsuuk ni.

2 Korint teeb 1:14

kaman nan ya poŋ bann waaminna biaŋinba na, nan i tan sa fit kii mɔk yuugontir ti paak, kaman nan ta mun sii mɔk yuugontir i paak, ti Yomdaanɔ Yisa jenu daar na.

2 Korint teeb 1:4

Ŋɔɔe maan ti para ti fara kur ni, a tin mun fit maan binba be fara booru booru ni na para, kaman nan Yennu nba maan ti para biaŋinba na.

2 Korint teeb 2:9

Linba na paake te ki n din sɔbin ma n laan i set saak n mɔb bonsiar kur ni.

2 Korint teeb 5:2

Li paak, ti ji kar kpiinee ki guu daar nba ki Yennu tan sa jii ti sei ki kɔɔn ŋaak maŋ ni.

2 Korint teeb 7:6

ŋaan Yennu nba maant binba mɔk parbiir na para daan te ki Taitus baar ti boor ni ki tan maan ti parawa. U baaru ti boor ni daan te ki ti para maak.

2 Korint teeb 7:8

Ma din sɔb gbouŋ nba ki turi na, li gbouŋ din turi parbiir waaminnawa, ki li din te ki n mɔ kɔɔbia i parbiir maŋ paaka, ŋaan mɔtana n ji ki mɔ kɔɔbia li paaki,

2 Korint teeb 8:16

Ti piak Yennu nan wa te ki Taitus baka be i ni kaman nan ti baka nba mun be i ni biaŋinba na;

Filipi teeb 1:20

N par ni loomm nan n dindann tee ki n daa dint n mɔŋ feie, ŋaan n sii mɔk parcheenn mɔtana nan yoo kura, ki mi-i lekii kpo amii ma be, ŋaan li kura sa dont Masia sann n po,

Kolosa teeb 2:5

kimaan ma lek ki be i peŋ nan n gbanant na, ŋaan n seek be nani, ki n par peen i paak ma la ya be fanu biaŋinba na, nan ya teen Masia yada nan barmɔnii biaŋinba na.

1 Tesalonika teeb 3:6

Mɔtana Timoti poŋ jenna, ki turit labaar nba penn ti para ni ki jikit saa i yada nan i loomm po. U betit a i kpan tun tian ti poe fanu, ki loon yin lat kaman nan ta loon tin lai biaŋinba na.

1 Tesalonika teeb 3:8

Mɔtana, li set maŋŋit nan ya set chib ti Yomdaanɔ sɔnu ni na paak.

Hiibru teeb 2:1

Li paak, li kpaa talase ki tin gbiint barmɔnii nba ki ti din gbat na fanu ki tan daa kɔŋŋitiri.

Jeems 5:17

Elaija din tee nifosaarike kaman nan timm na, ŋaan din miar Yennu nan nunmɔnn a saak daa baa, ki saak set din ki baa ki saa jaŋ bina ŋanntaa nan ŋmaarii ŋannloob.

2 Jɔɔnn 1:4

N daan mɔk parpeenn bonchiann nan ma daan la a wasiat nba ki bi waa barmɔnii wannu nba ki ti Baa Yennu sennit sennu na.

Juud 1:3

N walonkai, n ninbinn daan mɔnn nan ki n sɔb gbouŋ ki turi ki saan gaan tinnu nba tee ti kur yar na po; ŋaan mɔtana li ji kpaa talas ki n sɔb ki kpaani ki yin yabir i mɔŋ ki dia yada labaar nba ki Yennu din tur u niib na fanu, ŋaan daa saak ki sɔɔ-n lebitir,