2 Korint teeb 7:2 - Yennu Gbounpaauŋ Mɔɔr

² Yii loonit man. Ti ki mi tun sɔɔ bonbiiri, amii ki tun siar ki biir sɔɔ, amii ki ŋmab sɔɔ.

Yennu Gbouŋ Mɔɔr

² Ii loonit man. Ti ki mi tun sɔɔ bonbiiri, koo ki tun siar ki biir sɔɔ, koo ki ŋmab sɔɔ.

2 Korint teeb 7:2 ပူးပေါင်းရင်းမြစ်များ

Matiu 10:14

Wunba sa yêt i gaaru ki bia yêt wun gbat i barŋanii mɔɔntii maŋi, yoo nba ki i nyii ŋaak maŋ ni amii doo maŋ ni, yin pit pit i taapant ni tant ki lu bi doo ni.

Matiu 10:40

“Wunba gaari saauŋ, u gaar mine saauŋ; ki wunba mun bia gaar min saauŋ, u gaar Yennu wunba tumin nee mun biak.

Barŋanii nba ki LUK din sɔb nae na 10:8

Li-i tee ki i baar doo nbae ni ki bi tooki nan parpeenn, ŋaan tan turi jeet nba, yin di;

Toona 20:33

I mɔŋ bia mi nan n ki nian sɔɔ likirii amii tiati.

Rom Teeb 16:18

li nibooru ki waa ti Yomdaanɔ Masia, ŋaan waa bi mɔŋ niauŋo. Bi jikit mɔmante ki kpann binba yaa dudukit ki chee na.

2 Korint teeb 1:12

Linba paak te ki ti mɔk yuugontir na tee nnee: ti dudukite wantit nan ti mɔk barmɔnpaku nan yentinu tingbouŋ na niib boor, ki mantik daan be nna ki jiin timm nan yimm weinanleeb po na; ki Yennu sommir paake te ki ti be nna maŋ, li ki tee nisaarii yan paak kaa.

2 Korint teeb 11:16

N bia sa ŋamm betiiwa, i daa dukii nan n tee jatuko. Li-i tee ki i lekii dukii nnaie, ŋaan yin di sukuru nanin ki n pak n mɔŋ waaminna.

2 Korint teeb 11:9

Ma din be i boor ni yoonba ki ki mɔk siar na, ŋaan n lek din ki mukisi ma yin sommin nan siari. Ti naa waas nba din nyii Masedonia din baar nan bonsiar nba ki n din loon na. Ma lek din be biaŋinba li yoo na, n bia lek sii be nnee; n kan mukisi a yin sommin nan bonsiari.

2 Korint teeb 4:2

Li paake te ki ti yêt bunbɔnn ni toona, nan bontiteet nba baat nan fei, ti ki tuun ki dɔk niib na, ti ki lebit Yennu maan ki kpann niibi, ŋaan ti mɔŋ be Yennu tɔɔnn ki mɔɔntir u maan paanu ni nan barmɔnii, a sɔɔ daa mɔk dudukbiit ki jii jiin ti bontiteet po.

Filipi teeb 2:29

Yii gaarɔ nan parpeenn man kaman nan i naa bik na ti Yomdaanɔ ni. Yi tur nibooru nba tee nan ŋɔɔ na nibaakir man,

Kolosa teeb 4:10

Aristakus, min nan wunba kɔɔ dansarik na foonti, ki Banabas niipoo bija Mak mun bia foonti. (I daan poŋ gaar n kpaanii, ma Mak-i taŋŋi baar i boor ni, yin gaarɔ.)

1 Tesalonika teeb 2:10

Yimm nan Yennue tee ti siaradamm ki jiin ta din be nani nan binbenyeeŋ nan yentinu, ki kaa biit biaŋinba na po.

Filemonn 1:12

Mɔtana, n tuumɔ a wun ŋmat a boor ni; ki n par loomm kura be u ni.

Filemonn 1:17

Li paak, li-i tee ki a dukii a n tee a yɔɔkie, fan gaarɔ kaman nan fa bo sa gaar min biaŋinba na.

2 Jɔɔnn 1:10

Li-i tee ki daansɔɔ nba baar i boor ni, ŋaan ki want Yisa Masia wannu maŋ nba tooki, i daa gaanɔ i ŋei ni, ki bia taan daa foontɔ gbaa,