2 Korint teeb 6:9 - Yennu Gbounpaauŋ Mɔɔr

⁹ Ti ki mɔk sann niib boor ni, ŋaan ti mɔk sann Yennu boor ni. Kuun tiin waat, ŋaan ki ti lek mɔk manfoor; Yennue te ki fara baatit, ŋaan u ki te ki li kpiti.

Yennu Gbouŋ Mɔɔr

⁹ Ti ki mɔk sann niib boori, ŋaan ti mɔk sann Yennu boor. Kuun tiin ki waate, ŋaan ki ti lek mɔk manfoor; Yennu-e te ki biak baatit, ŋaan u ki te ki li kpiti.

2 Korint teeb 6:9 ပူးပေါင်းရင်းမြစ်များ

Toona 17:18

Ki saakayandaansiab nna din be, ki bi yi bi yemm Epikurus teeb, ki leeb mun Stoik teeb, ki bi mun tan baar ki faa labaar nan Pɔɔl. Ki bi siab tan pak nan bi leeb a “Barifoouk daanɔ nba want u mɔŋ na mun yeen bee na?” Ki bi yemm jiin a “Li taan tee nan u piak digbangana yennii poe na.” Bi din yet nna maŋ, kimaan Pɔɔl mɔɔntir Yisa po nan u kuunfiiru po.

Toona 19:26

I mɔŋ mɔŋ mun poŋ gbat ki bia la nan Pɔɔl nba yeen linba na. U yaa a nirɔ nba maa yennu nan u nii, a ŋann ki tee yennu kaa, ki u maan na tunn niib yan bonchiann Efesus nna, ki maan na bia jii nna ki saan per Asia tiŋ kura.

Toona 25:19

ŋaan bi kpan nɔi mɔniɔk ki jikit saa bi mɔŋ mɔŋ Yenjiantu po, nan jasɔɔ nba din kpo, ki u sann yi Yisa na, wunba ki Pɔɔl lek yeen yaa a u be u manfoor ni na.

Toona 25:26

Ŋaan n ki mi ma sa sɔb gbouŋ ki tur kpanbara yudaanɔ na ki pakɔ linba ki saan gaan u po. Ŋanne te ki n baar nanɔ i kur numm nna, ŋaan li mantik kpaa fin Bat Agripae. Li paak, u buboit fiitu poorpo, n sii mɔk maan nba ki n sa fit ki sɔb ki tur kpanbara yudaanɔ maŋ,

Rom Teeb 15:19

Yennu Seyeeŋ paŋ nee te ki n tuun bakitnauŋ toona na, ki ŋanne te ki bi bann paŋ nba ki u mɔk. Ki n nyii Jerusalem ki bia lin doi ni ki tan baar Ilirikum tiŋ ni ki mɔɔntir Masia barŋanii kura.

Rom Teeb 8:36

Li teen ki turit kaman nan la sɔb biaŋinba Yennu gbouŋ ni na a “A paake ki ti be kuun fara ni sanyiɔk niwa ki tan tuu dajouk, ki ti tee kaman nan peeuk nba ki bi tuu tee siir a bin kpiu nee.”

1 Korint teeb 11:32

Ŋaan ki ti Yomdaanɔ-i bu ti buut ki ti la tubdatu, u ji tan kan biir timm yoo nba ki u tan sa biir tingbouŋ na nileeb.

1 Korint teeb 15:31

N naa waas, n mɔk parbifaant i paak nan ya be biaŋinba nan ti Yomdaanɔ Yisa Masia na, linba na paake ki n yeen a n tookit kuun yoo kur na.

1 Korint teeb 4:9

Min yaa boor n dukin nan Yennu gann timm nba tee toomiinba na ki ti tee tariie, ki tee kaman nan niib nba ki bi sa kpib paanu ni, ki teemm yaarlituk niib, ki tingbouŋ na teeb kur nan malakanba goriit.

2 Korint teeb 11:6

Li-i lekii tee ki n ki mi barii paku fanu, ŋaan n mi Yennu mɔmaan na nan li sɔnu, ki yoo kur ti bia din wanni li kura paanu ni.

2 Korint teeb 4:2

Li paake te ki ti yêt bunbɔnn ni toona, nan bontiteet nba baat nan fei, ti ki tuun ki dɔk niib na, ti ki lebit Yennu maan ki kpann niibi, ŋaan ti mɔŋ be Yennu tɔɔnn ki mɔɔntir u maan paanu ni nan barmɔnii, a sɔɔ daa mɔk dudukbiit ki jii jiin ti bontiteet po.

2 Korint teeb 5:11

Ta tiin ti Yomdaanɔ biaŋinba na, li paak ki ti daak niib. Yennu mi ti binbeŋ nba be biaŋinba; ki n mɔk dindann nan i mun bia mi i para ni nan n binbeŋ nba be biaŋinba.