2 Korint teeb 5:8 - Yennu Gbounpaauŋ Mɔɔr

⁸ Ti mɔk parcheenn ki summan tin nyi gbanant na nie ki kun ti Yomdaanɔ boor ni.

Yennu Gbouŋ Mɔɔr

⁸ Ti mɔk parcheenn ki sunman tin nyi gbanant na nie ki kun ti Yomdaanɔ boor.

2 Korint teeb 5:8 ပူးပေါင်းရင်းမြစ်များ

Matiu 25:21

Ki u yomdaanɔ na betɔ a ‘N faan, a tee daabiŋanɔe, ki bia tuun fanu; fa dia waaminna fanu biaŋinba na, li paak, n sa jii saamewa ki teen a nuu ni. Parpeenn nba ki n mɔk na, li ji tee min nan fin yare.’

Matiu 25:23

Ki u yomdaanɔ yetɔ a ‘N faan, a tee daabiŋanɔe, ki bia tuun fanu; fa dia waaminna fanu biaŋinba na, li paak, n sa jii saamewa ki teen a nuu ni. Parpeenn nba ki n mɔk na, li ji tee min nan fin yare.’

Barŋanii nba ki LUK din sɔb nae na 2:29

“N Yomdaanɔ, min nba tee a daabir na, ŋaant ki n kpo ki kun nan parmaasir kaman nan fa poŋ din betin biaŋinba na,

Jɔɔnn 12:26

Daanɔ nba loon wuu tuun n toonn, see ki wuu waan, ki ma tan sii be siaminba, ki n toontunnɔ mun tan sii be leŋ. Ki bia jenna, daanɔ nba tuun n toonn, n Baa Yennu tan sa donnɔ.”

Jɔɔnn 14:3

Ki mi-i kun ki sa teen i diit na siir ki gbenn, n bia sa jenna ki tan jii-i, ki i mun tan sii be siaminba ki n tan sii be na.

Jɔɔnn 17:24

“N Baa, a turib mine, ki n loon ki bii taŋŋi be ma tan sii be siaminba, ki bin fit lian la fa dont n sann biaŋinba na, kimaan a din loonime yoo nba ki a daa din ki nan dunia na.

Toona 21:13

Ŋaan ki u ji din jiin a “Bee teen ki i mɔ ki loon ki i kɔnn n kpinkpenti? Ba tan sa lorin Jerusalem na paak kuukɔɔ kaa, ŋaan min ŋarin poŋ teen siir nan ki n kpo ti Yomdaanɔ Yisa paaka.”

2 Korint teeb 5:6

Li paak, ti mɔk parcheenn yoo kura, ki bann nan ti sei-i be tingbouŋ na gbanant na ni, ti kaa sanpaapo ti Yomdaanɔ boor ni;

2 Korint teeb 5:9

Li paak, ti-i be tingbouŋ na ni, amii ti-i taŋŋi be u boor ni, ti ninbinn mɔn a ti penn u par nie.

1 Jɔɔnn 3:2

N walonkai, mɔtana ti tee Yennu waase, ŋaan li lek daa ki wann yent nan ta tan sii be biaŋinba. Ŋaan ta daa mi linbae na, a Yisa-i taŋŋi jeni, ti tan sa la wa set tee biaŋinba, ki li paak, ti tan sa kpint ki naan nan ŋɔɔ nee.

Fiitu 22:3

Ki Yennu nba por mɔb ki wann linba kur, li ji kii be doo maŋ ni; Yennu nan Pebik na naangbouŋ maŋ sii be doo maŋ ni, ki u toontunna na sii jiantirɔ.