2 Korint teeb 4:5 - Yennu Gbounpaauŋ Mɔɔr

⁵ Ti ki mɔɔntir ti mɔŋ mɔŋ po kaa, ŋaan ti mɔɔntir Yisa Masia poe, a ŋɔɔe tee ti Yomdaanɔ na, ŋaan want nan timme tee u toontunna ki teeni, u sann paak.

Yennu Gbouŋ Mɔɔr

⁵ Ti ki mɔɔntir ti mɔŋ po kaa, ŋaan ti mɔɔntir Yiisa Masia poe, a ŋɔɔe tee ti Yomdaanɔ na, ŋaan want nan timme tee u toontunna ki teeni, u sann paak.

2 Korint teeb 4:5 ပူးပေါင်းရင်းမြစ်များ

Matiu 23:8

Ŋaan yimm ŋanin, i daa te ki bi yi-i ‘Wannteebi,’ kimaan i kura tee naa waase nan leeb, ki mɔk i Wanntɔɔ yenɔkɔɔ.

Matiu 3:11

Min ŋanin wuuri nyun ki li want nan i nyik i biita, ŋaan wunba yaa wun baar n poor po na cheen; ki n poŋ ki ŋan nan ki n jii u taasaati; ŋɔɔe sa jii Yennu Seyeeŋ nan muu ki wuur i para.

Jɔɔnn 7:18

Daanɔ nba piak u mɔŋ mɔŋ wannu, ŋɔɔ loon nibaakir ki teen u mɔŋe. Ŋaan wunba loon a niib-ii baakit wunba tumɔ na, ŋɔɔe tee popeendaanɔ, ki ki mɔk biiti.

Toona 10:36

I mi nan Yennu din tur Israel teeb u maan nba want barŋanii na po, a Yisa Masia nie ki timm nan Yennu maŋ nan leeb; ŋɔɔ Yisa Masiae tee ti kur Yomdaanɔ.

Toona 2:36

Ki Piita bia yet a “Tɔn, li ŋan ki yimm Israel teeb kur-n bann nan li tee Yisa nee, wunba ki i daan te ki bi kpaau dapunpunn paak ki kpiiu na, ŋɔɔe ki Yennu wann nan u tee u Niganntɔɔ Masia, ki bia tee ti Yomdaanɔ biak.”

Toona 5:31

ki jiiu donnɔ ki kaanɔ u niidiitu po, ki teenɔ Yudaanɔ nan Tinntɔɔ, a Israel teeb-ii nyik bi biit, ki wun nyik bi toonbiit ki chabib.

1 Korint teeb 1:23

timm ŋanin mɔɔntir ki wantib biaŋinba ki Masia kpo dapunpunn paak nee, ki maan maŋ dont Juu teeb wutoa, ki bia tee jatmaan ki teen binba ki tee Juu teebi.

1 Korint teeb 10:33

Yii tuun man kaman nan ma tuun biaŋinba na; n loon ki n tun ki penn sɔɔ kur par bont kur ni; ŋaan li ki tee a n tuun linba ki n loon, amii linba ŋan ki turin kaa; ŋaan n tuun linba ŋan ki turibe, kimaan n loon ŋanne-n tinnib.

1 Korint teeb 12:3

N loon ki yin bann nan Yennu Seyeeŋ na-i be wunba ni, li daanɔ kan fit yet mɔb ki biir Yisa; sɔɔ mun kan fit yet a Yisae tee ti Yomdaanɔ, see ki Yennu Seyeeŋ na be u ni ki te ki u yet nna.

1 Korint teeb 15:47

Sinsinn nirɔ na din nyii tant nie, ki nirɔ nba wei na nyii Yendɔuŋ ni.

1 Korint teeb 2:2

Ŋaan ma din be nani na, n din ki mɔk duduksiat ki pukin Yisa Masia po, nan u dapunpunn paak kuun na po.

1 Korint teeb 4:15

Ŋaan li-i tee ki i lek mɔk wannteeb tusa piik Masia ni, i ki mɔk baanba bonchianni; kimaan Yisa Masia nie ki n mari barŋanii nba ki n wanni na paak.

1 Korint teeb 8:6

ŋaan timm yaa boor ni ŋanin, Yen-yenɔkɔɔe be; ŋɔɔe tee ti Baa Yennu nba din nan bonsiar kur, ki u nie ki ti fo; ki Yomdaan-yenɔkɔɔe be, wunba tee Yisa Masia. U paake ki bonsiar kur nan; u paake biak ki ti fo.

2 Korint teeb 1:19

Kimaan Yisa Masia nba tee Yennu Bija na, wunba ki min nan Sailas nan Timoti din mɔɔnt u po ki turi na, u ki tee “Nn” nan “Aaii” kaa, ŋaan u mɔlora kur ni tee “Mme.”

2 Korint teeb 1:24

Ti kan fit mukisi ki wanni ya sa teen yada biaŋinba, kimaan ti mi nan i mɔk yada ki see fanu, ŋaan ti tuun nani a tii wanti ya sa teen biaŋinbae kii mɔk parpeenn.

Galasia teeb 5:13

N naa waas, Yennu yiini yentinmɔŋ nie, ŋaan i daa te ki i yentinmɔŋ maŋ tan te ki i niauŋ-n tan mann nyanniini. Ŋaan yimm-n jii loomm ki somm i leeb man.

Filipi teeb 1:15

Ŋaan siab mɔɔntir Masia maan maŋ kimaan bi tee punpondamm nan kunkɔnkɔnnae, ŋaan ki siab mun mɔɔntir nan bi para ni nan barmɔnii loomm.

Filipi teeb 2:11

ki sɔɔ kura tan sa yet a ŋɔɔ Yisa Masia tee Yomdaanɔ kii dont ti Baa Yennu sann.

2 Timoti 2:10

Ŋaan Yennu nigannkab na paak ki n lek di sukuru fara kura ni, a bin mun la tinnu Yisa Masia paak, kii mɔk parpeenn nba kaa gbennu na.

Taitus 1:11

Li kpaa talas ki fin gɔɔr bi barii, kimaan bi likilonbiiuk paak ki bi lin want niib linba ki ŋan nan bii want, ki ŋmat ŋasai niib kur dudukit.

2 Piita 2:3

Bi sii mɔk nianchiauŋ, ki sii kpanni ki ŋmabi. Yoo nba din gar na Yennu poŋ din yet a bi tee biitdamme, ŋaan li ji kan yukir ki u sa dat bi tuba.