2 Korint teeb 3:6 - Yennu Gbounpaauŋ Mɔɔr

⁶ Ŋɔɔe din te ki ti jaŋ nan u lorpaanu toona; ki lorpaanu maŋ ki tee Moses sennu nba ki bi din sɔb na kaa, li tee Seyeeŋ yare; kimaan sennu maŋ din baat nan kuume, ŋaan ki Yennu Seyeeŋ teent manfoor nba kaa gbennu.

Yennu Gbouŋ Mɔɔr

⁶ Ŋɔɔe din te ki ti jaŋ nan u mɔlorpaann toonn na; ki mɔlorpaann maŋ ki tee Moses sennu nba ki u din sɔb na kaa, li tee Seyeeŋ yare; kimaan sennu maŋ baat nan kuume, ŋaan ki Yennu Seyeeŋ teent manfoor nba kaa gbennu.

2 Korint teeb 3:6 ပူးပေါင်းရင်းမြစ်များ

Matiu 13:52

Ki u betib a “Li paak, Yennu sennu wanntɔɔ nba kur tumii n wannu ki jii jiin Yennu naan po ki bann li paak fanu, u tee kaman nan ŋaadaanɔ nba nyint bonkpera nan bonpaana u mɔkint ni nee.”

Matiu 26:28

Linba nee tee n sɔn nba sa te ki Yennu mɔsonn-n set nan barmɔnii, sɔn nba tan sa nyi n gbanant ni, nisaarii bonchiann paak, a Yennu-n nyik chab bi biite na.

Barŋanii nba ki MAK din sɔb nae na 14:24

Ki u yetib a “Linba nee tee n sɔn nyinn; ki n sɔn na sa nyi n gbanant ni nisaarii bonchiann paak, ki wann nan Yennu senn mɔsonpaann.

Barŋanii nba ki LUK din sɔb nae na 22:20

Ki dinu na poorpoe ki u bia jii nyunyuŋmaŋ na nan tilɔɔna nyun na, ŋaan yetib a “Tilɔɔna nyun na tee Yennu mɔsonn lorpaanne, linba ki n lor nan n sɔn, ki li luun i paak.

Jɔɔnn 5:21

N Baa nba fiint kpeemm biaŋinba ki teemm manfoa na, nnee mun, ki min nba tee u Bija na mun sa tur binba ki n gann na manfoa.

Jɔɔnn 6:63

Yennu Seyeeŋ kuukɔɔe teen niib manfoor; ŋaan gbanant na tee yanne. Mɔmaan nba ki n pak ki turi nae baat nan Yennu Seyeeŋ nba teen niib manfoor maŋ.

Rom Teeb 1:5

Ŋɔɔ paake ki Yennu ninbatinu be n paak ki te ki n tee u toomii, ki n jii u sann ki saan nibooru kur boor ni, ki te ki bi teenɔ yada ki saak u mɔb;

Rom Teeb 3:20

Sɔɔ kaa ki sa fit wei sennu na nba senn biaŋinba ki teen niŋanɔ Yennu tɔɔnn; sennu na paake te ki nifosaarik bann nan u tuun toonbiit.

Rom Teeb 4:15

Sennu nee baat nan Yennu wutoor li mɔyêtuk paak, ŋaan bi-i kii senn sennu, mɔyêtuk sii kaa.

Rom Teeb 4:17

kaman nan la sɔb Yennu gbouŋ ni ki u yet Abraham a “N teena nibooru bonchiann baae.” Li paak, Yennu boor Abraham tee ti baae, Yennu wunba ki Abraham teenɔ yada na, ŋɔɔe te ki kpeemm laat manfoa, ki bia piak linba daa ki be po kaman nan li set be.

Rom Teeb 7:6

Mɔtana ŋanin, sennu na ki diati, kimaan ti din kpoe ki sennu na ji ki mɔk ti yaaki. Li paak, ti ji fit tuun ki teen Yennu nan manfopaann nba ki u Seyeeŋ turit; ti ji ki tuun nan sennkper nba ki bi din sɔb gbouŋ ni na kaa.

Rom Teeb 8:2

kimaan ma tee Yisa Masia yɔɔ na paake, ki Seyeeŋ nba teent manfoor na fatin biit nba baat nan kuun na nuu ni ki lun.

1 Korint teeb 11:25

Jeet na dinu poorpo, ki u bia jii nyunyuŋmaŋ nan tilɔɔna nyun, ŋaan yetib a “Tilɔɔna nyun na tee n sɔn nyinn, ki wann nan Yennu senn mɔsonpaann ki tur niib; a ki yoo nba kur ki i yaa i nyu, nyun man kii tian n po.”

1 Korint teeb 12:28

Ŋanne ki Yennu gann toomiinba u niib sinsuuk ni ki bi tee saakab; ki wei gann sɔkiniinba; ki gann wannteeb; ki wei paan binba tuun bakitnauŋ toona; ki gann binba te ki baatib paak, ki gann sommteeb; ki wei paan saakab nba ŋan ki gorii toona paak; ki wei paan binba piak mabooru booru.

1 Korint teeb 15:45

Kimaan li sɔb Yennu gbouŋ ni a “Sinsinn nirɔ Adam na din tee nifosaarike;” ŋaan nirɔ nba joont ki baar na tee Seyeeŋ nba teent manfoore.

1 Korint teeb 3:10

Yennu nba sommin biaŋinba na paak, n tee kaman nan tanmaaŋanɔ nee, ki piin fiakir, ki sɔɔ mun maa ki tɔɔnt li paak. Ŋaan wunba kur maa ki tɔɔnt li paak, wun soor u mɔŋ.

1 Korint teeb 3:5

Ŋmee tee Pɔɔli, ki ŋmee mun tee Apolosi? Ti kpan tee Yennu toontunna nba din te ki i sak Yisa mɔb nee. Ti kur na tuun toona nba ki ti Yomdaanɔ turit a tii tuume.

2 Korint teeb 11:23

bi-i yi bi mɔŋ Masia toontunnaie, mine set tuun mantik; (n piak kaman nan jatuk nee; teentin gafara man!) mine set tun Masia toona nan barmɔnii bonchiann, ki kɔɔ dansarii bonchiann. Niib boon kpaasa bonchiann Masia paak. N din la nunbɔŋ ki din per kuuma.

2 Korint teeb 3:14

Ŋaan ki bi dudukit din ki yenti; bi-i karin Yennu gbounkper na yoonba, li tee kaman nan chinchenn maŋ bia daa dɔɔk bi dudukit nan dinna gbaa, kimaan see wunba jii u mɔŋ ki tabin nan Masiae, ki chinchenn maŋ tuu dɔkit u dudukit ni.

2 Korint teeb 3:3

Li dɔɔ paanu ni nan yimme tee Masia gbouŋ maŋ ki u din sɔb ki tunt nann; li tee gbouŋ nba ki nisaarik kaa jii makmɔɔnu ki sɔb tanpatlai paaki, ŋaan manfodaanɔ Yennu Seyeeŋe sɔbir nisaarii para ni.

2 Korint teeb 3:7

Yoo nba ki bi din sɔb sennu maŋ tann paak na, li yooe ki Yennu yentsaakar din sik ki nyirii Moses numm po; ki li nyiriku paak, ki Israel teeb lek din ki fit goriiɔ. Ki li-i tee ki sennu maŋ nba din baat nan kuun ki bia gaar na din baar nan yentsaakar,

2 Korint teeb 3:9

Li-i tee ki sennu nba wann niib a bi mɔk biite din baar nan yentsaakar, ki Seyeeŋ sɔnu nba te ki niib tee niŋamm na be nan yentsaakar ki garir.

Galasia teeb 3:21

Tɔn, ŋanne want nan sennu na kɔn nan Yennu mɔsona-aa? Aaii, li ki want nna kaa; ŋaan Yennu-i bo-i senn sennu nba sa fit teen nirɔ manfoor, u bo sa yet a niib tee niŋamm u boor sennu maŋ weiu paaka.

Efesus teeb 2:1

Yoo nba din gar na, i mɔyêtuk nan biit paak, li want nan i kpoe.

Efesus teeb 2:5

li paak, ta din yêt Yennu mɔb ki li want nan ti kpoe na yoonba, li yoo na, ki u din nyinnit kuun ni, ki kɔɔnit manfoor ni Masia paak; Yennu ninbatinu paak ki i tinn na.

Efesus teeb 3:7

Yennu ninbatinu paak ki u din turin yaak a n teen u toomii kii mɔɔntir u barŋanii wa turin paŋ biaŋinba na.

1 Timoti 4:6

Li-i tee ki a jii kpaanii nba na tur Yisa Masiaweira na, a sii tee u toontunŋanɔe, ki sii dint a mɔŋ nan maan nba ki ti teen yada na nan wannŋanu nba ki a waa maŋ na.

2 Timoti 1:11

Yennu poŋ din yiinin a n teen toomii nan wanntɔɔ ki mɔɔnt barŋanii maŋ.

Hiibru teeb 12:24

I baar Yisa, wunba tee sindantinnɔ ki baar nan Yennu mɔlorpaann na boore. I baar Yisa boor, ki u sɔn nba din nyii u ni na want barii nba ŋan ki gar Abel sɔn.

Hiibru teeb 13:20

Yennu nba teent parmaasir nae din fiin ti Yomdaanɔ Yisa kuun ni. Ŋɔɔ Yisae tee ti guutɔjaann na, kimaan u din kpo, ki u sɔn ŋamm Yennu mɔlor nba sii see yoo nba kaa gbennu;

Hiibru teeb 7:22

Li paak, nnee te ki Yisa tee wunba wann nan mɔsonn nba chee na kaa lotu.

Hiibru teeb 8:13

Yennu nba piak mɔlorpaann maŋ po nee, ki sinsinn mɔlor na teen mɔsonkper; ki bonsiar nba kpet ki kokir, li ji kan yukir nan botu.

1 Piita 3:18

kimaan Masia din gaar biitdamm kur paak ki kpo yomkɔɔe; niŋanɔ maŋe din gaar biitdamm paak ki kpo, a wun te tin saan Yennu boor. Bi din kpiu, ŋaan ki u bia din fiir kuun ni Yennu Seyeeŋ paak.

1 Jɔɔnn 1:1

N sɔbin gbouŋ na ki teeni a n wanni wunba ki bi yiu Yennu Mɔb nba teen niib manfoa na poe. Yoo nba ki dunia din tan piint namu na, ŋaan sɔɔ ki Mɔb maŋ poŋ bee. Mɔmaan maŋ nba din sik tingbouŋ na ni yoonba, ki ti gbiintir u pinpauk, ki bia laatɔ nan ti ninbina ki goriiɔ, ki ti nii bia siitɔ,