2 Korint teeb 2:4 - Yennu Gbounpaauŋ Mɔɔr

⁴ Ma din sɔb gbouŋ na ki turi, n din sɔbir nan parbiir bonchiann nan ninnyuut; li din ki tee a n loon ki n biir i para ni kaa, ŋaan n din loon ki yin bann loomm nba ki n mɔk ki jii jiin i poe.

Yennu Gbouŋ Mɔɔr

⁴ Maa din sɔbin gbouŋ na ki teeni, n din sɔbir nan parbiir bonchiann nan ninnyuute; li din ki tee a n loon ki n biir i para kaa, ŋaan n din loon ki yin bann lomm bonchiann nba ki n mɔk ki jiin i poe.

2 Korint teeb 2:4 ပူးပေါင်းရင်းမြစ်များ

2 Korint teeb 11:2

N looni bonchiann kaman nan Yennu nba looni biaŋinba na. I tee kaman nan sapaamɔ nba ki mi jɔɔ nae, ki n loon ki n jiie ki tur Masia ki yii waa ŋɔɔ kuukɔɔ.

2 Korint teeb 12:15

li paake te ki li maŋin nan man jii n mɔŋ ki turi, ki tun nan nunmɔnn ki sommi. Ki mi-i looni bonchiann, yimm sii loonin waaminnee?

2 Korint teeb 2:9

Linba na paake te ki n din sɔbin ma n laan i set saak n mɔb bonsiar kur ni.

2 Korint teeb 7:12

Ma din sɔb gbouŋ maŋ ki turi na, li ki tee nisɔɔ nba tun toonbiit na paak kaa ki n din sɔbiri, li bia din ki tee nisɔɔ nba ki u biirɔ na paak kaa din te ki n sɔbiri. N din loon ki yin bann i baka nba be ti boor ni na biaŋinba Yennu boor, ŋanne din te ki n sɔbir.

Filipi teeb 3:18

N poŋ din beti linba na po yoo nba gar nawa, ŋaan n bia ŋammit beerie mɔtana nan ninnyuut, nisiab be ki bi binbeŋ jiib teemm Masia dapunpunn paak kuun na dataie.