2 Korint teeb 2:11 - Yennu Gbounpaauŋ Mɔɔr

¹¹ i daa teen Sintaanii yaaki, kimaan ti mi u sɔnii nba tee biaŋinba.

Yennu Gbouŋ Mɔɔr

¹¹ a Sintaanii daa laat yaaki, kimaan ti mi u sɔnii nba tee biaŋinba.

2 Korint teeb 2:11 ပူးပေါင်းရင်းမြစ်များ

Matiu 4:10

Ki Yisa betɔ, “Seetir nna Sintaanii. Li sɔb Yennu gbouŋ ni a ‘Nirɔ-ii jiantir u Yomdaanɔ Yennu kuukɔɔe, kii bia kii waa ŋɔɔ kuukɔɔ.’ ”

Barŋanii nba ki LUK din sɔb nae na 22:31

Ki Yisa yet Simon Piita a “Simon, Simon, gbiintir, Sintaanii barin a wun la yaak nba ki u sa bikin i kur ki lenni kaman nan dii nba ki bi tuu leenn fouŋ na, ki laan i tee dii amii fouŋo.

Jɔɔnn 13:2

Li yoo na ki ŋɔɔ nan u poorpoweiteeb din di jeet; ki Sintaanii poŋ din dɔŋ ki te ki Judas Iskariot wunba tee Simon bik na dukin a u sa nyi Yisa poor.

Toona 1:25

ki wun teen toomii ki gaar a toonn na yiar nba ki Judas nyik ŋaan saan saa be siaminba ŋan nanɔ na.”

1 Korint teeb 7:5

I daa yêen leeb i gbanant loomm nakira yoo nba ki i tan taan mɔyemmkɔɔ a yin miar Yennu; ki li poorpo ki yii bia taan nan leeb, ki Sintaanii daa fit ki bikinti ki nyanti ya kan fit soor i mɔŋ na paak.

2 Korint teeb 11:14

Bi-i tuun nna, ya daa te ki li teei yaarlituku; nnee ki Sintaanii tiauŋ nant u mɔŋ kaman nan yentu malaka na.

2 Korint teeb 11:3

N mɔk jijeet i paak ma n mi niib tan sa mann kpanni a i ji daa waa Masia fanu, kaman nan Sintaanii nba din kpann Adam ŋaapoo Iif biaŋinba na.

2 Korint teeb 4:4

Bi ki teen Masia yada, kimaan Sintaanii nba ki tingbouŋ na niib jiantirɔ na dɔkint bi dudukite. Ŋɔɔe dɔkint bi nunii po a bi daa laat yentu nba dɔkit bi paak na. Li yentu nyi barŋanii nba want Masia paŋ na boor nie; ŋɔɔe tee Yennu naauŋ.

2 Timoti 2:25

kii tee wunba dia soonna binbeŋ kii kpaan binba nɔi nanɔ na, kimaan li pasiar Yennu-n tan turib yaak ki bin nyik bi dudukbiit ki bann barmɔnii wannu,

1 Piita 5:8

Yii dia i mɔŋ man, ŋaan kii mi i dataak nba tee Sintaanii na po; u line kaman nan yambɔr nee, ki loon wun la sɔɔ ki soor ŋman.

Fiitu 13:8

Niib kur nba be tingbouŋ na ni, ki bi sana ki sɔb manfoor gbouŋ ni yoo nba ki dunia daa din kaa na, bi sa jiant muuk ni bonkobuk na. Manfoor gbouŋ na tee Pebik nba ki bi din kpiiu na yare.

Fiitu 2:24

“Ŋaan i siab nba be Tiataira ki ki waa poo maŋ sɔnii na, ki bia ki waa linba ki siab yir Sintaanii woonin ni labaar na, n yeen yimme a n kan jinni jikpiata.