2 Korint teeb 13:9 - Yennu Gbounpaauŋ Mɔɔr

⁹ Li-i tee ki i mɔk paŋ ki tuun toona nba fan, ŋanne sa maŋ ti para ni, kimaan ti ki loon ki tin wanni ti paŋ kaa; li paak te ki ti mei Yennu ki teeni, a i ŋamm i binbeŋ.

Yennu Gbouŋ Mɔɔr

⁹ Li-i tee ki i mɔk paŋ ki tuun toona nba ŋan, ŋanne saa maŋ ti para, kimaan ti ki loon ki tin wanni ti paŋ kaa; li paake ki ti mei Yennu ki teeni, a yin ŋamm i binbeŋ.

2 Korint teeb 13:9 ပူးပေါင်းရင်းမြစ်များ

Rom Teeb 15:2

Ŋaant man ki ti kura baka-ii be ti naa waas paak ki sommib ki bin wei Yisa Masia sɔnu fanu.

1 Korint teeb 1:10

N naa waas, n barimiie ti Yomdaanɔ Yisa Masia sann ni a yin taan mɔb, ki mɔniɔk daa be i sinsuuk ni, ki yii taa mɔyemmkɔɔ nan dudukyennkɔɔ.

1 Korint teeb 2:3

Ma baar i boor ni yoonba, n baar nan chɔkinte, ki jaŋmaanii nan jijekit soorin.

1 Korint teeb 4:10

Ti tee jatite Masia paak, ŋaan yimm ŋanin tee yandamme Masia sɔnu ni; ti ki mɔk paŋ, ŋaan yimm ŋanin mɔk paŋ; ki niib teeni nibaakir ŋaan yisin timm.

2 Korint teeb 11:30

Mi-i faa parbiir, n sii faa parbiir n kpinkpant baŋŋu paake.

2 Korint teeb 13:11

N naa waas, linba ji biar tee min chabie. Ŋammit i sɔnu man, kii saak n kpaanii man, kii mɔk mɔtaauk, nan parmaasir; ki Yennu nba loonit ki teent parmaasir na sii be nani.

2 Korint teeb 13:4

U din jii u paŋ maŋe ki bakin bir ŋaan din sak ki bi kpaau dapunpunn paak. Mɔtana, Yennu paŋ paak ki u be u manfoor ni. Mɔtana, timm nba lakin be u ni na, ti ki mɔk paŋi, ŋaan ta lakin taan nanɔ na paak, ti mun mɔk manfoor Yennu paŋ paake, ki fit jii li paŋ ki wanni.

2 Korint teeb 4:12

Ki kuun dia ti nii, li paak ki yimme mɔk manfopaann.

2 Korint teeb 7:1

N naa walonkai, Yennu nba senn mɔsona ki turit na paak, yi ŋaan ki ti nyik linba kur tee toonbiit, nan linba kur tee dudukbiit, ŋaan tiin Yennu, kii tee popeendamm nan barmɔnii.

Kolosa teeb 1:28

Li paak, Masia maŋ poe ki ti mɔɔntir, ki kpaan sɔɔ kura, ki want sɔɔ kur nan yan booru kur, a tin te sɔɔ kur-n chee nan Masia weiu, ki jiib wann Yennu.

Kolosa teeb 4:12

Epafras wunba mun bia tee i yenɔ nan Yisa Masia toontunnɔ na foonti. U mei Yennu nan nunmɔnn yoo kura ki teeni a ŋɔɔ Yennu-n te ki yin set kenken, kii tee nisubirteeb nba tuun Yennu loomm na,

1 Tesalonika teeb 3:10

Nyiɔk nan yennu kur ti meiɔ nan ti para kura a wun te ki timm nan yimm-n la leeb ki tin ŋamm i yada.

2 Timoti 3:17

a nisɔɔ nba jiantir Yennu binbeŋ-ii ŋan, ki wun teen siir kii tuun toonŋana booru kura.

Hiibru teeb 12:23

Yimm tan baar niib nba ki Yennu teemm u waas na boore, ki bi sana sɔb Yendɔuŋ nie. I baar Yennu nba tee nisaarik kur barbuurɔ na boor ni, nan popeendamm nba ki Yennu te ki bi sei be fanu na boor nie.

Hiibru teeb 13:21

li Yennu-n ŋamm i binbeŋ fanu a yii tuun u loomm, kii tuun toonŋana kur; Yisa Masia paak wun te ki tii tee binba sii pent u par. Ŋɔɔe yen dontir nan yoo nba kaa gbennu. Mɔmɔmm.

Hiibru teeb 6:1

Li paak, ŋaant man ki tii dia saakayan kii tumii Masia barii ki saan tɔɔnn po; ŋaan ŋamm ki tumii u barii bonchiann ki pukin pinpiik ni wannu po; li ji ki kpaa talas a bin ŋamm wanni a Nyikin toonbiit nan kuun sɔnu, ki teen Yennu yada,

1 Piita 5:10

Ŋaan li-i tee ki i di fara yoo waaminna, ki Yennu nba mɔk ninbatinu kur na sa ŋamm i binbeŋ, ki chee i para, ki turi paŋ; ŋɔɔe din yiini Masia paak a yii di u mant nba kaa gbennu na.