2 Korint teeb 13:7 - Yennu Gbounpaauŋ Mɔɔr

⁷ Ti mei Yennu teeni a i daa tuun toonbiiti. Li ki tee a ti want ti mɔŋ a ti tee barmɔnii damm kaa; li-i lekii tee ki i dukii a timm ki tee Masiaweira, ŋaan ti loon ki yii tuun toonŋanae,

Yennu Gbouŋ Mɔɔr

⁷ Ti mei Yennu teeni a i daa tuun toonbiiti. Li ki tee ti yaa tin wann a ti mɔk mɔnii kaa; li-i lekii tee ki i dukii a ti ki mɔk mɔnii, ŋaan ti loon ki yii tuun toonŋanae,

2 Korint teeb 13:7 ပူးပေါင်းရင်းမြစ်များ

Matiu 6:13

A daa te ki ti kɔɔ jinjammii ni, ŋaan nyinnit bonbiir ni.’

Jɔɔnn 17:15

N ki meia ma a nyinnib tingbouŋ na ni kaa, ŋaan n meia ma i baak bi paake fanu, ki bonbiiuk daanɔ Sintaanii daa baat ki biiribi.

Rom Teeb 1:28

Nifosaarii nba din ki loon ki bin bann Yennu, li paake ki Yennu nyikib nan bi dudukbiit, ki bi tuun toona nba bi bonchiann.

Rom Teeb 12:17

I daa tuun biit ki jiint biit paaki; kotir i mɔŋ kii tuun linba ki niib kur sa la ki li ŋan.

Rom Teeb 13:13

Ŋaant ki ti toona-ii yeen kaman nan niib nba tuu be yentu ni na, ki daa nyu daan ki yibi, ki daa tuun yuukpeensimi. Ti daa baa joona, ki daa tuun toonbiit booru booru, ki daa kɔn kunkɔna, ki daa mɔk funfuna nan leebi.

Rom Teeb 16:10

Ki bia foont Apeles wunba din la bikinu ŋaan lek bia daa waa Masia nan barmɔnii na; ki foont Aristobulus ŋaateeb;

1 Korint teeb 11:19

Li set tee mɔniie nan lukitin kpan be i sinsuuk ni, kimaan ŋanne sa wann binba set waa barmɔnii sɔnu na yeenin ni.

2 Korint teeb 10:10

Nisiab yeen a n sɔbin gbant ki li naan nan pandaansɔɔ yar nee, a ŋaan ki mi-i taŋŋi baar i boor ni yoonba a n ji tuu ki mɔk paŋ, a ki n mɔbona na ji tuu tee yanne.

2 Korint teeb 10:18

Kimaan nisɔɔ nba piak u mɔŋ, li ki want nan Yennu numm gboou kaa; ti Yomdaanɔ-i piak wunba, ŋanne want nan Yennu numm gboou.

2 Korint teeb 13:6

N mɔk dindann nan i sa bann nan timm ŋanin tee u niibe nan barmɔnii.

2 Korint teeb 13:8

kimaan ti ki loon ki tin jiin Yennu mɔmaan poori; ti loon ki mɔmaan maŋe-n dɔŋ tɔɔnn po.

2 Korint teeb 13:9

Li-i tee ki i mɔk paŋ ki tuun toona nba fan, ŋanne sa maŋ ti para ni, kimaan ti ki loon ki tin wanni ti paŋ kaa; li paak te ki ti mei Yennu ki teeni, a i ŋamm i binbeŋ.

2 Korint teeb 6:4

Ti binbeŋ nba tee biaŋinba nae want niib nan ti set tee Yennu toontunnae, kimaan ti laat fara, nan muksuk, nan maan, ŋaan lek di sukuru li kur na ni.

2 Korint teeb 8:21

Ti Yomdaanɔ mi nan ti tuun nnee nan li sɔnu, ki ti loon ki niib-n mun bann nan ti set tuun nan li sɔnue.

Filipi teeb 4:8

N naa waas, linba joont tee nnee, yi ŋaan ki i dudukit-n gbee nan linba tee barmɔnii, nan linba ŋan nan baakir, nan linba ŋan, nan linba mɔk burchint, nan linba took, nan linba yeen, nan linba mɔk fant, nan linba ŋan nan paku.

1 Tesalonika teeb 5:23

Yennu nba teent parmaasir na tiauŋ-n teeni popeendamm ki gbenn, ki dia i sei nan i manfoa nan i gbanant mun, ki li daa mɔk biit ti Yomdaanɔ Yisa Masia jenu maŋ po.

1 Timoti 2:2

Yii mei Yennu batnba nan binba kur tee yikoo damm na paak, a tii be nan laafia nan parmaasir, kii tee yentina, kii be soonna.

2 Timoti 2:15

Yabit a mɔŋ paak ki Yennu-n paka, kii tee toontunnɔ nba dia barmɔnii mɔmaan ki want niib fanu ki tan kan di fei u toona paak.

2 Timoti 4:18

Ŋɔɔe bia sa nyinnin bonbiit kura ni, ki kunnin ki kɔɔnin u naan nba be sanpaapo nan laafia. Ŋɔɔe yen dontir nan yoo nba kaa gbennu. Mɔmɔmm.

Jeems 1:12

Binba nyann bikinu na, parpeenn tee bi yare, kimaan Yennu sa turib nyɔɔt nba tee manfoor nba ki u din senn mɔsonn a u sa tur binba loonɔ na.

1 Piita 2:12

ŋaan kii be fanu tingbouŋ na niib sinsuuk ni, ki li-i tee ki bi sukii-i a i tee biitdamm, bi sa la i toonŋana ki dont Yennu, daar nba ki u tan sa baar na.