2 Korint teeb 11:3 - Yennu Gbounpaauŋ Mɔɔr

³ N mɔk jijeet i paak ma n mi niib tan sa mann kpanni a i ji daa waa Masia fanu, kaman nan Sintaanii nba din kpann Adam ŋaapoo Iif biaŋinba na.

Yennu Gbouŋ Mɔɔr

³ N mɔk jijeet i paak a niib tan saa mann kpanni a i ji daa waa Masia fanu, nan Sintaanii nba din kpann Adam ŋaapoo Iif biaŋinba na.

2 Korint teeb 11:3 ပူးပေါင်းရင်းမြစ်များ

Matiu 24:24

kimaan li yoo maŋ, faak Masianba nan faak sɔkiniinba tan sa nyi ki tuun nyina nan bakitnauŋ toonjaana a bin kpann niib; ki li-i taŋŋi fit gbaa, bi tan sa kpann Yennu nigannkab tiauŋɔ gbaa.

Jɔɔnn 8:44

I tee i baa Sintaanii waase, ki loon ki i tuun i baa maŋ yanbɔɔtoona. Sinsinn u poŋ din tee nikpiiruko, ki bia fɔk nan barmɔnii, kimaan barmɔnii kaa u ni nan waama. U-i faar faak yoonba, li poŋ tee u toonkpere, kimaan wa tee faak daanɔ na. Fai kur nyi u boore.

Rom Teeb 12:8

li-i tee ki a kpaan a leeb kpaanii, fan tun nna; fin nba mun pi piinii, i tuun nna kaman nan burchimɔ na; wunba mun mɔk yaak niib paak, li ŋan wun tun yaak toonn maŋ bonŋann; ki wunba mun mɔk ninbatinu nan niib, li ŋan wuu mɔk ninbatinu nan parpeenn.

2 Korint teeb 1:12

Linba paak te ki ti mɔk yuugontir na tee nnee: ti dudukite wantit nan ti mɔk barmɔnpaku nan yentinu tingbouŋ na niib boor, ki mantik daan be nna ki jiin timm nan yimm weinanleeb po na; ki Yennu sommir paake te ki ti be nna maŋ, li ki tee nisaarii yan paak kaa.

2 Korint teeb 11:20

Ma yeen linba na tee nnee: nisɔɔ-i soori ki ji-i teeni u daaba, ki ŋmab i bont, ki kpanni, ki mɔk karinbaanii, ki pebiti tanpakii, ŋaan i tuu di sukuru nan li yɔɔe.

2 Korint teeb 11:29

Nisɔɔ-i tee yadapɔɔrin daanɔ, li mun tuu baŋ n kpinkpante; nisɔɔ-i te ki u lɔɔ tun toonbiit, li bont dont n wutoore.

2 Korint teeb 2:17

Ŋmee jaŋ nan toona maŋi? Tɔn, ti ki tee kaman nan binba dia Yennu mɔmaan maŋ ki li tee kpinkpouŋ turib na kaa, ŋaan ti mɔk barmɔnpaku, kimaan ŋɔɔ Yennu tunt; li paak ki ti be u tɔɔnn, ki mɔɔntir u mɔmaan Yisa sann ni.

2 Korint teeb 4:2

Li paake te ki ti yêt bunbɔnn ni toona, nan bontiteet nba baat nan fei, ti ki tuun ki dɔk niib na, ti ki lebit Yennu maan ki kpann niibi, ŋaan ti mɔŋ be Yennu tɔɔnn ki mɔɔntir u maan paanu ni nan barmɔnii, a sɔɔ daa mɔk dudukbiit ki jii jiin ti bontiteet po.

Galasia teeb 1:6

Li bakitime nan ya gaan labagann na yiama, ŋaan nyik Yennu wunba din yiini Masia ninbatinu paak na.

Galasia teeb 2:4

Binba be ki fa faak bi mɔŋ paak a bi mun tee Masiaweira na ŋanin din loon ki Taitus-n tun nnawa. Li niib din kɔɔ ti sinsuuk ni woonin ni, a bin bann ta mɔk yentinmɔŋ nba Yisa Masia ni na. Bi loon tii tee Moses sennu daabae,

Galasia teeb 3:1

Yimm Galasia teeb, bonjatana! Yimm nba poŋ mi Yisa Masia dapunpunn paak kuun po nyik nyik na, ŋmee jin tan kpanniini?

Galasia teeb 4:11

Ŋanne te ki n mɔk jijeet i paak nan ma tun linba kur turi na biar yanne na.

Efesus teeb 4:14

Ti ji kii tee waas kaa; nifobiit nan kpinkpannii damm ji kii diat laŋ lin kaman nan ba poŋ teen siab biaŋinba na.

Efesus teeb 4:22

Li paak, yabit i mɔŋ man ki nyann niauŋ nba be i binbekperik nba na ni.

Efesus teeb 6:24

Yennu-n somm binba kur loon ti Yomdaanɔ Yisa Masia nan loomm nba kaa gbennu na.

Kolosa teeb 2:18

Sɔɔ-i yaa ŋɔɔe gar leeb ki laat yerintii ki loon a yi sikin i mɔŋ kii jiantir malakanba, i daa saak man; nna sa biiriwa. Li daanɔ dont u mɔŋ u dudukbiit ni, ŋaan ki li kaa paaki;

Kolosa teeb 2:4

Li paak te ki n beeri, i daa te ki sɔɔ-n jii mɔmant ki kpanniini,

Kolosa teeb 2:8

Li paak, i daa te ki sɔɔ dia nisaarik yan kpinkpann-yana ki kpanni; linba ki gaa nan Masia po, ŋaan tee tingbouŋ na yan nan nisaarik wannu,

1 Tesalonika teeb 3:5

Li paak, la daan tan paak n nii yoonba, ki n daan tun Timoti, a wun saa bann a i nyik Masia sɔnu amii, ki laan Sintaanii bikini, ki ti toona fara kur teen yannee?

1 Timoti 1:3

I be Efesus kaman nan ma poŋ meia biaŋinba yoo nba ki n din be sɔnu ni ki saa Masedonia na. A kpaan nisiab nba want wannboorganu na ki bin nyik

1 Timoti 2:14

Ki nyik nna, Sintaanii din fit kpann Iife ki u biir Yennu sennu, u din ki kpann Adami.

2 Timoti 3:13

ki nibiit nan kpinkpannii damm lek tan sii ŋammit pukii bi bitime, ki kpann leeb, ki bi leeb mun sa kpannib.

Taitus 1:10

N beera linba na, kimaan mɔyêtdamm be bonchiann, ki Juu tesiab mantik teen nnee, ki dia bi mɔmaan nba kaa nyɔɔt ki kpann bi leeb na.

Hiibru teeb 13:9

I daa ŋaant ki wannsaanbooru booru-n te ki i boti, ki i tan sa mann tut sɔnŋanu maŋ. Li ŋan ki Yennu sommir-n tur nirɔ paŋ u par ni; jeet sennii weiu kan turɔ paŋi. Nisiab nba dia jeet sennii poŋ ki laat sommsiar li ni.

2 Piita 3:17

N naa walonkai, i poŋ mi ba tee biaŋinba. Yimm nba waa barmɔnii na, yi bann i yan ni man, ki daa waa biitdamm faak sɔnii na, ŋaan yabir ki daa baa i sinsee boa.

2 Piita 3:3

Sinsinn, n loon ki yii tian nan nisiab nba waa bi para loonbiit tan sii be dajoontii ni, ki tan sii sarikiti,

1 Jɔɔnn 2:18

N waas, dunia gbennu yoo baat. I poŋ mi gbat a Masia datasɔɔ sa baar; ki mɔtana, Masia datasiab bonchiann poŋ baar na, ki ŋanne te ki ti set bann nan dunia gbennu yoo baat.

1 Jɔɔnn 4:1

N walonkai, i daa tee nisiab kur nba yaa a bi mɔk Yennu Seyeeŋ na maan yada, ŋaan bikintib man, ki got laan bi sei maŋ nyii Yennu boor ni amii lee, kimaan faak sɔkiniinba bonchiann nba kpann niib na poŋ baar na ki yat lin niib ni.

Juud 1:4

kimaan nisiab nba ki tiin Yennu na din kɔɔ i sinsuuk ni woonin nie, ki lebit ŋɔɔ Yennu ninbatinu labaar a bii tuun bi gbanant loonbiit; bi ki saak Yisa Masia mɔbi; ŋɔɔ kuukɔɔe tee ti yudaanɔ nan ti Yomdaanɔ. Li yukira ki biitdamm maŋ tubdatu poŋ sɔb Yennu gbouŋ ni na.

Fiitu 12:15

Ki waakperbiiuk na puut nyunpana poo na paak kaman nan mɔkir ni nyun na, a nyun na-n diu;

Fiitu 12:9

bi jii waakperbiiuk na ki nyinnɔ; u poŋ tuu tee waauk nba tuu beewa, ki u sann yi Sanbiirtɔɔ amii Sintaanii, ki tuu kpann tingbouŋ na teeb kur na. Ki bi nyinn ŋɔɔ nan u malakanba ki lub tingbouŋ na ni.

Fiitu 20:2

ki soor waakperbiiuk nba din tuu be nawa, ki tuu tee Sanbiirtɔɔ amii Sintaanii na, ki lorɔ,