2 Korint teeb 11:1 - Yennu Gbounpaauŋ Mɔɔr

¹ Mi-i piak jatiie, ŋaan yimm-n lek yabir i mɔŋ ki di sukuru n paak.

Yennu Gbouŋ Mɔɔr

¹ Mi-i piak jatiie, ŋaan yimm n lek yabir i mɔŋ ki di sukuru nanin.

2 Korint teeb 11:1 ပူးပေါင်းရင်းမြစ်များ

Matiu 17:17

Ki Yisa jiin boib a “Yimm mɔtana niib nba mantik kaa yada, ki bia ki waa Yennu fanu, n sa yukir nani nlee? yoo nlee ki n sa di sukuru nani mantiki? Baat nan bik maŋ nna.” Ki bi baar nanɔ.

Toona 18:14

Pɔɔl nba din yaa wun pak yoonba, ki Galio yet Juu teeb maŋ a “Yimm Juu teeb, li-i tee ki maan na tee mabiiuk amii mɔyêtukue, li bo sii ŋan ki n di sukuru ki gbiinti,

Toona 26:29

Ki Pɔɔl jiin a “N pinpauk-i fɔk amii la ki fɔki, min yaa Yenmiaru tee ki fin nan niib kura nba gbiintir n maan na dinna na, see ki fin nan ŋamm-n teen Yisaweira kaman nan ma tee biaŋinba na, ŋaan jarit nba na kuukɔɔe ki i kii mɔki.”

1 Korint teeb 1:21

Yennu nba mɔk yan na te ki tingbouŋ na teeb yan kan fit te ki niib-n bannɔ. Li paak, ki u te ki binba teen Yisa yada na tinn; jatii labaar nba ki ti mɔɔntir ki teen niib na paak ki bi tinn.

1 Korint teeb 3:18

Sɔɔ daa kpann u mɔŋi. Sɔɔ-i be i sinsuuk ni ki dukii nan u tee yan daanɔe tingbouŋ na binbeŋ ni, li ŋan wun kpant u mɔŋ jatuk ki set teen yan daanɔ.

1 Korint teeb 4:10

Ti tee jatite Masia paak, ŋaan yimm ŋanin tee yandamme Masia sɔnu ni; ti ki mɔk paŋ, ŋaan yimm ŋanin mɔk paŋ; ki niib teeni nibaakir ŋaan yisin timm.

1 Korint teeb 4:8

I poŋ mɔk linba kur ki i loonii? i poŋ teen gordammaa? ta lek kaa i boor nna, ŋaan i tee kpanbara-aa? N poŋ loon yin set tee kpanbara nan barmɔnii, ki timm nan yimm-n taan teen kpanbara.

2 Korint teeb 11:19

I dukii a i mɔk yame, ŋaan ki bee te ki i di jatit sukuru ki mɔk parpeenn nammi?

2 Korint teeb 11:21

Ta din ki teeni nna na paake te ki i biir ti sana a ti ki mɔk paŋ amii nlee? Nisɔɔ-i mɔk par ki want u mɔŋ, n mun sa tee nnee. N set piak kaman nan jatuk nee!

2 Korint teeb 11:4

Nisɔɔ-i baar i boor ni ki beeri labalia nba ki tee Yisa labaar nba ki ti din beti na, bee te ki i tuu di sukuru nan li yɔɔ? Bee te ki i gaan labaar nba ki tee Yisa barŋanii; bee te ki i bia gaan seek nba ki tee Yennu Seyeeŋi?

2 Korint teeb 12:11

Li-i bo-i tee ki yimme piakin, ŋanne bo sii ŋan; ŋaan ya ki piakin paak te ki n piak n mɔŋ kaman nan n tee jatuko na. Mi-i kii tee siar, ŋaan binba kpann a bi tee Masia toomiinba na ki garimi.

2 Korint teeb 5:13

Ti-i tee ninkamaŋit dammie, Yennu paake te ki ti tee nna; ŋaan ti-i munii kii tee ninkamaŋit dammi, i paake te ki ti tee nna.

Hiibru teeb 5:2

Ŋaan u mɔŋ nba tee butundaanɔ na sɔnii bonchiann ni na paak, u sii fit be nan binba pɔɔr yan ki kpet sɔnu na soonna,