2 Korint teeb 10:7 - Yennu Gbounpaauŋ Mɔɔr

⁷ Yimm gorii nisaarik numm po kuukɔɔe. Nisɔɔ-i be i sinsuuk ni ki yaa a u tee Masia yɔɔe, yin te ki li yɔɔ-n tiar nan ti mun tee Masia niibe kaman nan wa tee biaŋinba na.

Yennu Gbouŋ Mɔɔr

⁷ Yimm gorii nisaarik numm po kuukɔɔe. Sɔɔ-i be i sinsuuk ni ki yaa u tee Masia yɔɔe, li yɔɔ n tiar nan ti mun tee Masiaweirae nan waa tee biaŋinba na.

2 Korint teeb 10:7 ပူးပေါင်းရင်းမြစ်များ

Matiu 23:5

Linba kur ki bi tuun na, bi tuun a niib-n la ki pakibe. Gotir ba jii Yennu sennu waaminna nba sɔb gbanbis paak na ki lor lor bi gbanant paak ki li gbeŋ gbeŋ biaŋinba; bia gotir bi liatbaant mɔgbana nba fɔk fɔk ki yarin yarin biaŋinba.

Barŋanii nba ki LUK din sɔb nae na 16:15

Ki Yisa yetib a “Yimm nba na want i mɔŋ nan i tee niburchimme, ŋaan Yennu mi i para ni. Linba ki nirɔ dukii nan li tee bonjaanne ŋaan li nubire Yennu boor.

Jɔɔnn 7:24

Daa gorii nirɔ nanyer po ki bu u buuti, ŋaan i tuu dukin bonŋann ki la nan li mɔnii.”

1 Korint teeb 1:12

Linba ki n yeen na tee a i siab yaa a bi tee Pɔɔl yabe, ki leeb mun yaa a bi tee Apolos yabe, ki siab mun bia yaa a bi tee Piita yabe, ki yemm mun yaa a bi tee Masia yabe.

1 Korint teeb 14:37

Wunba mi nan u tee Yennu sɔkinii amii ki mɔk Yennu Seyeeŋ piinii, wun bann nan linba ki n sɔbin ki teeni na tee ti Yomdaanɔ sennue.

1 Korint teeb 15:23

Sɔɔ kur sa fiir u kuun fiiru yoo; Masiae fiir sinsinn, ki binba tee u niib mun tan sa fiir u baaru daar maŋ.

1 Korint teeb 3:23

Ki Masia mun yeni, ki Yennu mun yen Masia.

1 Korint teeb 9:1

N ki yen n mɔŋii? N ki tee Masia toomii kaa-aa? N ki la ti Yomdaanɔ Yisa-aa? N toona nba ki n tuun ki teen ti Yomdaanɔ na paak kaa ki i mun tee mɔsakdammii?

2 Korint teeb 10:1

Tɔn, i siab yeen a ma din be i boor ni na, a n din ki mɔk par i boor ni; a ŋaan mi-i saan ki be siarpo, a n tuu mɔk pare, ki ji sɔbin gbant ki kpaani. Min Pɔɔl tiauŋ, n mɔk nibaakir ki be soonna kaman nan Masia nba be biaŋinba na, ki barimi a yin ŋamm i binbeŋ man,

2 Korint teeb 11:18

Niib bonchiann want bi mɔŋe; li paak, n mun sa wann n mɔŋa.

2 Korint teeb 11:23

bi-i yi bi mɔŋ Masia toontunnaie, mine set tuun mantik; (n piak kaman nan jatuk nee; teentin gafara man!) mine set tun Masia toona nan barmɔnii bonchiann, ki kɔɔ dansarii bonchiann. Niib boon kpaasa bonchiann Masia paak. N din la nunbɔŋ ki din per kuuma.

2 Korint teeb 11:4

Nisɔɔ-i baar i boor ni ki beeri labalia nba ki tee Yisa labaar nba ki ti din beti na, bee te ki i tuu di sukuru nan li yɔɔ? Bee te ki i gaan labaar nba ki tee Yisa barŋanii; bee te ki i bia gaan seek nba ki tee Yennu Seyeeŋi?

2 Korint teeb 12:11

Li-i bo-i tee ki yimme piakin, ŋanne bo sii ŋan; ŋaan ya ki piakin paak te ki n piak n mɔŋ kaman nan n tee jatuko na. Mi-i kii tee siar, ŋaan binba kpann a bi tee Masia toomiinba na ki garimi.

2 Korint teeb 13:3

Ŋanne sa wann nan Masiae te ki n piak. U ki tee butimɔɔ kaa i sinsuuk ni, u mɔk paŋ i boor ni.

2 Korint teeb 5:12

Ti ki dont ti mɔŋ kaa i boor ni, ŋaan ti loon ki tin turi yaak ki yin fit fa parbia ti paak, ki fit pak tur binba gorii nifosaarik nanyer po ki mɔk yuugontir u paak, ŋaan ki gorii u binbeŋ ni na.

Galasia teeb 3:29

Ki i-i tee Masia yabie, ŋann i tee Abraham yaaboonae, ki tan sa gaar piinii nba ki Yennu din senn mɔsonn a u sa turib na.

1 Jɔɔnn 4:6

Ŋaan timm ŋarin tee Yennu yabe; ki binba mi Yennu, ŋamme fiin ti maan po. Ŋaan binba ki tee Yennu yabi, bi ki fiin ti maan po. Ŋanne sa te ki ti sa bann wunba mɔk Yennu Seyeeŋ nba want barmɔnii wannu, nan wunba mɔk Sintaanii seek nba want faak wannu.