2 Korint teeb 10:4 - Yennu Gbounpaauŋ Mɔɔr

⁴ li paak, ti ki jikit nisaarik paŋ kaa a ti kɔn li kunkɔnni, ti jikit Yennu paŋ nba sa biir Sintaanii paŋ kur nee ki kɔn. Ti piak ki nyant niib nba ki sak Yennu mɔmaan nee,

Yennu Gbouŋ Mɔɔr

⁴ Li paak, ti ki jikit nisaarik paŋ kaa a ti kɔn li kɔnni, ti jikit Yennu paŋ nba saa biir Sintaanii paŋ kur nae ki kɔn. Ti piak ki nyant niib nba ki saak Yennu mɔmaan nae,

2 Korint teeb 10:4 ပူးပေါင်းရင်းမြစ်များ

Toona 7:22

Ki bi din wann ŋɔɔ Moses yan kur nba ki Ijipt teeb mɔk, ki u din tan teen wunba mi pinpauk bonchiann, ki bia tuun paŋ toona.

Rom Teeb 13:12

Nyiɔk na bɔnn ki gaare, ki li ji loon lin yent. Li paak, ŋaant man ki tin nyik bunbɔnn ni toona nba tee toonbiit na, ŋaan jii tɔbtiat nba ki Yennu teent na.

Rom Teeb 6:13

Daa teen i gbanant siar po yaak ki li tuun toonbiit, ŋaan jii i mɔŋ ki tur Yennu, ŋaan kii tee kaman nan i nyii kuun nie ki kɔɔ manfoor ni na; jiin i mɔŋ kur ki tur Yennu ki wun jii-i ki tun yentinu toona.

1 Korint teeb 2:5

a ya teen Yisa Masia yada na, li ki tee nisaarik yan paak kaa, ŋaan li tee Yennu paŋ paake.

1 Korint teeb 9:7

Lanjima lannɔe tuun toonn ŋaan pa u mɔŋi? ki ŋmee sii wuu tiinii ŋaan kan di li lɔɔna? amii ŋmee sii kpaar bonkobit ŋaan kan nyu li biimi?

2 Korint teeb 10:8

Ti Yomdaanɔ din turin yudantuk na a n sommie ki yin fit weiɔ fanu, u din ki turin a n biiri kaa. Mi-i lekii nyu bara ki gar ma bo sa nyu biaŋinba, ŋaan n kan di fei.

2 Korint teeb 13:10

Li paak, ma ki be i boor ni na, ki n sɔbin gbouŋ na ki teeni, a mi-i taŋŋi baar i boor ni yoonba, li kii kpaa talas ki n dat i tuba ki wanni n paŋ; ŋanne te ki n sɔbir. Ti Yomdaanɔe din turin yudantuk na a n sommi ki yin wei u sɔnu fanu. U din ki turin yudantuk maŋ a n biiri kaa.

2 Korint teeb 3:5

Ti ki want ti mɔŋ nan ti sa fit tun siar nan ti mɔŋ mɔŋ paŋ kaa, ŋaan Yennu sann paak ti sa fit tun siara.

2 Korint teeb 4:7

Ŋaan timm nba mɔk Seyeeŋ mɔkint na tee kaman nan yɔkmaanu nee, ki li want nan paŋ nba gar paŋ kur tee Yennu yare, ŋaan li ki tee ti yari.

2 Korint teeb 6:7

ki beerib Yennu mɔmaan nba tee barmɔnii na, ki mɔk ŋɔɔ Yennu paŋ; ki bia mɔk yentinu binbeŋ nba tee jatiat nba be ti nuudiitu ni nan nuugaŋ ni na.

1 Tesalonika teeb 5:8

Ŋaan timm nba ki tee nyiɔk yab na, tii sub man, ki jii yada nan loomm lia kaman nan naagbankɔŋŋir na, ki bia jii tinnu dindann ki yir kaman nan naagbankɔŋŋir na.

1 Timoti 1:18

N bik Timoti, n jikit kpaanii maŋ ki tee a nuu ni. Kpaanii maŋ tee kaman nan mɔbona nba ki sɔkiniinba din poŋ pak a po sianyoo nba gar na. Jiin barii maŋ ki teenn jatiat ki kɔn kunkɔnŋann,

2 Timoti 2:3

A sak nan fardinu Yisa Masia paak kaman nan lanjiŋanɔ na.

Hiibru teeb 11:30

Israel teeb nba din tan baar Jeriko yoonba, bi yada paake ki bi din somm lint li joona daa ŋannlore, ki li baa.