2 Korint teeb 10:1 - Yennu Gbounpaauŋ Mɔɔr

¹ Tɔn, i siab yeen a ma din be i boor ni na, a n din ki mɔk par i boor ni; a ŋaan mi-i saan ki be siarpo, a n tuu mɔk pare, ki ji sɔbin gbant ki kpaani. Min Pɔɔl tiauŋ, n mɔk nibaakir ki be soonna kaman nan Masia nba be biaŋinba na, ki barimi a yin ŋamm i binbeŋ man,

Yennu Gbouŋ Mɔɔr

¹ Tɔn, i siab yeen a mi-i be i boor ni, n ki mɔk par, a ŋaan mi-i saan ki be siarpo, n tuu mɔk pare, ki ji sɔbin gbant ki kpaani. Min Pɔɔl tiɔŋ, n mɔk baakir ki be soon nna nan Masia nba be biaŋinba na, ki barimi a yin ŋamm i binbeŋ,

2 Korint teeb 10:1 ပူးပေါင်းရင်းမြစ်များ

Matiu 11:29

Yi sak n weiu man, kii tumii n wannu, ki i sa la foon ki tur i sei, kimaan n tee sikininmɔŋ daanɔe, ki n par mei.

Matiu 21:5

“Yetir Sion doo teeb a ‘Gotir man, i bat nee baat i boor ni na. U tee wunba sikint u mɔŋe ki jak boŋ nba set tee bonbik na paak.’ ”

Toona 8:32

Yennu gbouŋ maan nba ki jatɔɔkir maŋ din karin na, ŋannii na a “Ki u sak saan kaman nan peeuk na ki bi daarɔ a bin saa kpiu. a ki u ŋmin kaman nan pebik nba ki bi tuu pot pot u kobit ki u ŋmin na, a ki u ki yaat u mɔbi,

Rom Teeb 10:20

Ki Aisaya mɔk par, ki yet a Yennu yaa a niib nba ki fiin u po na, bi tan lauwa; a ki niib nba ki boi u po na, ki u jii u mɔŋ ki fiit wannib.

Rom Teeb 12:1

Li paak, n naa waas, Yennu ninbatinu paake te ki n barimi ma yi jii i gbanant ki turɔ, ki lii tee mannu nba fo, kii waa ŋɔɔ kuukɔɔ, ki li sa maŋɔ; ŋanne tee Yenjiantu nan barmɔnii.

Rom Teeb 15:15

ŋaan ma sɔbin gbouŋ na ki teeni na, n mɔk parcheenn ki yaa n tiari baryena, kimaan Yennu mɔk ninbatinu n paak

1 Korint teeb 2:3

Ma baar i boor ni yoonba, n baar nan chɔkinte, ki jaŋmaanii nan jijekit soorin.

1 Korint teeb 4:10

Ti tee jatite Masia paak, ŋaan yimm ŋanin tee yandamme Masia sɔnu ni; ti ki mɔk paŋ, ŋaan yimm ŋanin mɔk paŋ; ki niib teeni nibaakir ŋaan yisin timm.

1 Korint teeb 4:21

I loon lanne? I loon ki n baar i boor nan ninmɔnn amii n baar soonnee?

2 Korint teeb 10:10

Nisiab yeen a n sɔbin gbant ki li naan nan pandaansɔɔ yar nee, a ŋaan ki mi-i taŋŋi baar i boor ni yoonba a n ji tuu ki mɔk paŋ, a ki n mɔbona na ji tuu tee yanne.

2 Korint teeb 10:2

ki mi-i taŋŋi baar i boor ni yoonba, n kan dat i siab tuba. N mi nan mi-i baar i boor ni yoonba see ki n dat nisiab nba ya a ti waa tingbouŋ na niib nba waa linbae na tuba.

2 Korint teeb 10:7

Yimm gorii nisaarik numm po kuukɔɔe. Nisɔɔ-i be i sinsuuk ni ki yaa a u tee Masia yɔɔe, yin te ki li yɔɔ-n tiar nan ti mun tee Masia niibe kaman nan wa tee biaŋinba na.

2 Korint teeb 11:21

Ta din ki teeni nna na paake te ki i biir ti sana a ti ki mɔk paŋ amii nlee? Nisɔɔ-i mɔk par ki want u mɔŋ, n mun sa tee nnee. N set piak kaman nan jatuk nee!

2 Korint teeb 11:30

Mi-i faa parbiir, n sii faa parbiir n kpinkpant baŋŋu paake.

2 Korint teeb 12:5

Li bakitnauŋ bont kuukɔɔ paak ki n sii mɔk parbifaant; n kan pak n mɔŋi; n sa pak n mɔŋ n nuu baŋŋu paake.

2 Korint teeb 3:12

Ta mɔk dindann nba na paake te ki ti mɔk parcheenn.

2 Korint teeb 5:20

Li paak ki ti ji tee Masia taatara ki Yennu te ki ti yi niib. Masia paak ki ti barimi a yin tunn ki teen Yennu yɔɔsinba.

2 Korint teeb 6:1

Li paak, timm nba tuun Yennu toona u sommir paak na, ti barimiie, i daa te ki u ninbatinu na tee yanni.

2 Korint teeb 7:4

N ki mɔk birsuk i paaki; n mɔk yuugontir nani, ki n par mei i paak bonchiann. Ti fardinu ni kur ŋaan n mɔk parpeenn nani.

Galasia teeb 4:13

Ma din yiar na paake din te ki n mɔɔnt barŋanii sinsinn ki turi.

Galasia teeb 5:2

Min Pɔɔl mɔŋ mɔŋ beeri a li-i tee ki i sak ki dia punkokitu sennu na, li want nan Masia ki mɔk nyɔsiat turiini.

Efesus teeb 3:1

Linba na paake te ki min Pɔɔl wunba kɔɔ dansarik Yisa Masia toona paak na, n lek mei Yennu yimm nba ki tee Juu teeb na paak.

Efesus teeb 4:1

Min nba kɔɔ dansarik ti Yomdaanɔ toona paak na, n kpaaniie a yii ŋaan ki i binbeŋ-ii tee fanu kaman nan Yennu nba loon ki lii tee biaŋinba na.

Filipi teeb 4:5

Yi ŋaan ki sɔɔ kur-n bann i niŋantin po. Ti Yomdaanɔ baate mɔtana.

Kolosa teeb 1:23

li paak, yii yabii man setik nan mɔnii, ki teen Yisa yada kii see chimm, ki daa fɔrii nyi dindann nba ki i la yoo nba ki i din gbat u barŋanii; ki bi din mɔɔntir barŋanii maŋ ki teen niib kur nba be tingbouŋ na ni; ki min Pɔɔl teen li toontunnɔ na.

2 Tesalonika teeb 3:17

Min Pɔɔl sɔbin nan n mɔŋ mɔŋ nuue ki foonti na. N gbant kura siarae na; n sɔbin ki joontir n gbant nnee.

Filemonn 1:19

Na nna, n sɔbin nan n mɔŋ mɔŋ nuue; min Pɔɔl sa pa-a; ŋaan min kaa sa beta, a mɔŋ mi nan a dia n pann a manfoor paak.

Filemonn 1:9

ŋaan loomm paak ki n meia, min Pɔɔl nba tee saakɔɔ ki bia kɔɔ dansarik mɔtana Yisa Masia paak na,

1 Piita 2:11

N naa walonkai, ya tee saamm tingbouŋ na ni na, n kpaaniie a yi nyik gbanant loonbiit nba kɔn nan i sei na,

Fiitu 1:9

Tɔn, min Jɔɔnn wunba tee i naa bik ki taan nani ki di fara nan sukuru Yisa paak, ma din lin ki mɔɔntir Yennu maan, nan Yisa barŋanii, ki bi din jiin ki saan nanin Patmos tiŋ nba ki nyun lintir na ni.