2 Korint teeb 1:12 - Yennu Gbounpaauŋ Mɔɔr

¹² Linba paak te ki ti mɔk yuugontir na tee nnee: ti dudukite wantit nan ti mɔk barmɔnpaku nan yentinu tingbouŋ na niib boor, ki mantik daan be nna ki jiin timm nan yimm weinanleeb po na; ki Yennu sommir paake te ki ti be nna maŋ, li ki tee nisaarii yan paak kaa.

Yennu Gbouŋ Mɔɔr

¹² Linba te ki ti mɔk yuugontir na tee nnae: ti dudukite wantit nan ti mɔk barmɔnpaku nan yentinu, tingbouŋ na niib boor, mantik taa daa be nani ki timm nan yimm tee weinanleeb na; Yennu sommir paake te ki ti be nna maŋ, li ki tee nisaarii yan paak kaa.

2 Korint teeb 1:12 ပူးပေါင်းရင်းမြစ်များ

Toona 23:1

Ŋanne ki Pɔɔl got tituk kaanu damm maŋ sirrr, ki tan yet a “Chanbaanba nan n naa waas, ma din be ki tan tuu mɔtana, n mi nan li fan nan Yennu.”

Toona 24:16

Ki li paak, n yabii n mɔŋ yoo kur ma n tun linba took sɔnu, ki n par-ii be fanu Yennu nan nisaarik boor ni.

Rom Teeb 9:1

N tee Masia nirɔe ki ki fa faaki. Yennu Seyeeŋ nee yen n dudukit ki teen siara a n ki fa faak, linba ki n yaa n pak na tee mɔniie;

1 Korint teeb 1:17

Kimaan Masia ki tumin a n tan wur niib; u tumin a n tan mɔɔnt u barŋanii nee ki tur niib. Li ki tee a n jikit nisaarik mir kaa ki beeribi; mi-i bo-i kii tuun nna, li bo sa te ki Masia nba kpo dapunpunn paak na, u kuun maŋ-n teen yanne.

1 Korint teeb 12:8

Seyeeŋ na sa tur sɔɔ ki u mɔk yan paku; ki bia tur sɔɔ bannu ki u piak bannu maan; ŋaan ki li kur nyi Seyeen-yenɔ nie.

1 Korint teeb 15:10

Ŋaan Yennu sommir paake ki n tee ma tee wunba, ki sommir nba ki u jii ki turin na, li ki tee yanni; n tun ki gar toomiinba na kura, ŋaan li ki tee a mine tumi, li tee Yennu sommir nba be n ni nee tun.

1 Korint teeb 2:13

Li paak, ki ti ki piak maan nba tee nisaarik wannu yami; ŋaan ti piak linba ki Yennu Seyeeŋ wantit, ki bia want Yennu barmɔnii na ki teen niib nba ki Yennu Seyeeŋ be bi ni na;

1 Korint teeb 4:4

N nɔɔk ni yeene, ŋaan li ki want a n ki tuun biiti, ŋaan ti Yomdaanɔe tee wunba bu n buut.

1 Korint teeb 5:8

Li paak, ta waa u sɔnu biaŋinba na, ŋaant ki tin nyik binbenkper na, ki nyinn dudukbiit nan biit kur na, kii ji kii tee u weira nan barmɔnii, ki biit-ii kaa ti ni.

2 Korint teeb 1:17

Ki n lor maŋ daan tee laat loree? amii ma daan lor ma n sa tun linba maŋ, li daan tee kaman nan tingbouŋ na yab nba tuu yet a, “Nn, nn,” ŋaan bia tan yet a “Aaii, aaii” nee-ee?

2 Korint teeb 11:3

N mɔk jijeet i paak ma n mi niib tan sa mann kpanni a i ji daa waa Masia fanu, kaman nan Sintaanii nba din kpann Adam ŋaapoo Iif biaŋinba na.

2 Korint teeb 2:17

Ŋmee jaŋ nan toona maŋi? Tɔn, ti ki tee kaman nan binba dia Yennu mɔmaan maŋ ki li tee kpinkpouŋ turib na kaa, ŋaan ti mɔk barmɔnpaku, kimaan ŋɔɔ Yennu tunt; li paak ki ti be u tɔɔnn, ki mɔɔntir u mɔmaan Yisa sann ni.

2 Korint teeb 4:2

Li paake te ki ti yêt bunbɔnn ni toona, nan bontiteet nba baat nan fei, ti ki tuun ki dɔk niib na, ti ki lebit Yennu maan ki kpann niibi, ŋaan ti mɔŋ be Yennu tɔɔnn ki mɔɔntir u maan paanu ni nan barmɔnii, a sɔɔ daa mɔk dudukbiit ki jii jiin ti bontiteet po.

2 Korint teeb 8:8

Li ki tee ma yeeni linba na a n mukisi kaa a yin tur; n poŋ beti biaŋinba ki Yennu nisiab nunbinn mɔn nan bin turɔ piinii, a lin te ki n bann biaŋinba ki i mun loonɔ.

Galasia teeb 6:4

Li ŋan ki sɔɔ kur-n bikin u mɔŋ binbeŋa, ki fit kii mɔk yuugontir u mɔŋ mɔŋ toonŋana paak, ki daa bikii wa tun linba nan u lɔɔ toona,

Efesus teeb 6:14

I set man, ki jii barmɔnii ki bobin i sai ni, kii mɔk yentinu nba tee kaman nan naagbankɔŋŋir na,

Filipi teeb 1:10

ki yin fit gann linba mantik ŋan, ki li poorpo ki i be ki tan daa mɔk jakint nan biit Masia daar maŋ ni,

1 Tesalonika teeb 2:10

Yimm nan Yennue tee ti siaradamm ki jiin ta din be nani nan binbenyeeŋ nan yentinu, ki kaa biit biaŋinba na po.

1 Timoti 1:5

Ŋaan n kpaanii maŋ paak tee a lin fiin loomm nan popeenn nan dudukŋant nan yada nan mɔnii.

Taitus 2:7

A mɔŋ-ii be fanu bonsiar kur ni, kii want leeb ba sii be fanu biaŋinba. A wann niib Masia labaar nan barmɔnii, kii sub.

Hiibru teeb 13:18

I mei Yennu man ti paak. Ti ki mɔk dudukbisiat ti toona ni, kimaan ti loon tin tun linba tooke yoo kur.

Jeems 4:6

Ŋaan u bia teent sommir bonchiann. Li paak, li sɔb Yennu gbouŋ ni a “Yennu kɔn nan karinbaanii damme, ŋaan sommit binba sikin bi mɔŋ.”

1 Piita 3:16

Yi gatɔ soonna kii tiin Yennu, ki ŋaan ki i benu-ii ŋan, ki bi-i sukii-i ya tuun toonŋana Masia paak na, bi sa di fei bi sukit maŋ ni.

1 Piita 3:21

Nyun maŋ tee Yennu nyunwuru ninnauŋ nba tinnit mɔtana nee; li ki tee ti gbanant paak wuru, ŋaan li tee ti mei Yennu a wun wuur ti para ni Yisa Masia kuun fiiru na paake.