2 Jɔɔnn 1:6 - Yennu Gbounpaauŋ Mɔɔr

⁶ Ti-i yɔɔ saak Yennu sennu, ŋanne want nan ti loonɔ nan mɔnii, ki sennu maŋ nba ki ti din dɔŋ gbia li po pinpiik niwa mɔkmɔk nan dinna na, li sennu yaa a tii waa loomm sɔnue.

Yennu Gbouŋ Mɔɔr

⁶ Ti-i yɔɔ saak Yennu sennu, ŋanne want nan ti loonɔ nan mɔnii, ki sennu maŋ nba ki ti din gbia pinpiik niwa mɔkmɔk nan dinna na, li sennu yaa tii waa lomm sɔnu.

2 Jɔɔnn 1:6 ပူးပေါင်းရင်းမြစ်များ

Jɔɔnn 14:15

“Li-i tee ki i loonin, i sii saak n mɔb,

Jɔɔnn 14:21

“Daanɔ nba bant n sennii ki bia saakir, li daanɔe loonin. N Baa Yennu sii loon ŋɔɔe, ki n mun sii loonɔ, ki sa fiit n mɔŋ ki wannɔ ma tee wunba.”

Jɔɔnn 14:23

Ki Yisa jiin betɔ a “Daanɔ nba loonin, u sii saak n maan, ki n Baa Yennu sii loonɔ, ki min nan n Baa Yennu sa baar u boor ki sii yɔɔ be u ni.

Jɔɔnn 15:10

Li-i tee ki i saak n mɔb, n loomm sii be i ni. Li mun bia tee nnee ki n saak n Baa Yennu mɔb, ki u loomm mun be n ni.

Jɔɔnn 15:14

“Li-i tee ki i tuun ma beti biaŋinba na, i tee n yɔɔsinbae.

1 Jɔɔnn 2:24

Ya din sint gbat Yisa maan nba pinpiik ni na, yii dia nna man fanu. Li-i tee ki i dia maan maŋ, i sii gaa ti Baa Yennu nan u Bija Yisa paake,

1 Jɔɔnn 2:5

Ki bia jenna, wunba dia u maan, ŋɔɔe set loon Yennu nan u yan kur. Ki bia jenna, daanɔ nba yaa a u gaa u paak, see ki u binbeŋ-ii tee kaman nan Yisa binbeŋ nba din tee biaŋinba na. Ŋanne ki u sa bann nan u gaa Yennu paak.

1 Jɔɔnn 2:7

N walonkai, ma sɔbin loomm sennu nba ki teeni na, li ki tee sennpaanu kaa, ŋaan li tee sennu nba ki i din dɔŋ gbia ki li yukir na poe, ki sennkper maŋe tee Yisa maan nba ki i din gbia na.

1 Jɔɔnn 5:15

Ti-i mi nan u set gaan ti miaru, tin bann nan ti poŋ gaar linba ki ti meiɔ li po nawa.

1 Jɔɔnn 5:3

ki li-i biakii tee ki ti dia u sennu, ŋanne want nan ti loonɔ. Ki bia jenna, u sennu maŋ ki paari,

2 Jɔɔnn 1:5

N niipoo, n meia, ŋaant ki ti kur-ii loon ti naa walees. Linba na ki tee sennpaanu kaa ki n sɔbani, ŋaan li tee sennu nba ki ti din dɔŋ gbia li po pinpiik niwa mɔkmɔk nan dinnae.