1 Timoti 6:4 - Yennu Gbounpaauŋ Mɔɔr

⁴ u gbee nan karinbaaniie ki ki bann siari, ki bia mɔk mɔniɔk nan kunkɔna niauŋ, ki li baat nan funfunn, nan kunkɔna, nan nisukit, nan pinpakbiit,

Yennu Gbouŋ Mɔɔr

⁴ u gbee nan karinbaaniie ki ki mi siari, ki bia mɔk mɔniɔk nan kunkɔna niɔŋ, ki li baat nan funfunn, nan kunkɔna, nan nisukit, nan pinpakbiit,

1 Timoti 6:4 ပူးပေါင်းရင်းမြစ်များ

Toona 15:2

Ki Pɔɔl nan Banabas nan ŋamm nɔi nan leeb bonchiann nan nunmɔnn, ki Yisaweira na tan dukin ki nyinn Pɔɔl nan Banabas nan bi ni siab, a bin saan Jerusalem, ki saa la toomiinba na nan Yisaweira saakab, maan maŋ po.

Toona 18:15

ŋaan la tee maan nba jii ki jiin i mɔŋ mɔmaan, nan i sana, nan i mɔŋ sennu naie, i mɔŋ mɔŋ-n got li ni, kimaan n ki sak a n sa bu li mabooru,”

Toona 8:9

Jasɔɔ nna mun din be doo maŋ ni, ki tee nyɔkluurɔ, ki u sann din yi Simon, ki yosau ki u tuu tan tee u bakitnauŋ toona, ki li din bakitir niib kur nba be doo maŋ yakir po, ki u din yi u mɔŋ a u tee nijaanne.

Rom Teeb 12:16

Yii mɔk man dudukyennkɔɔ ki daa mɔk dontinmɔŋ; ŋaan kii saak toona nba ki mɔk dontinmɔŋi, ki daa dukii nan i mɔk ninyentiri.

Rom Teeb 13:13

Ŋaant ki ti toona-ii yeen kaman nan niib nba tuu be yentu ni na, ki daa nyu daan ki yibi, ki daa tuun yuukpeensimi. Ti daa baa joona, ki daa tuun toonbiit booru booru, ki daa kɔn kunkɔna, ki daa mɔk funfuna nan leebi.

Rom Teeb 14:1

Gaat man yadakanpɔɔna damm na, ŋaan daa nɔi namm mɔniɔk bi yada ni.

Rom Teeb 2:8

Ŋaan binba mɔk kunkɔna, ki ki sak linba tee barmɔnii na, ŋaan tuun toonbiit, Yennu wutoor sa do bi paak.

1 Korint teeb 11:16

Ŋaan sɔɔ-i loon wun nɔi mɔniɔk ki jiin li po, n sa yet a timm amii Yenweiraleeb nba kur ki mɔk sennleer ki pukin na po.

1 Korint teeb 11:18

Sinsinn, n gbia ki bi yeen a ya tuu lakin leeb na, a lukitin tuu be i sinsuuk ni, ki n set gaar yenninba ki li tee mɔmɔmme.

1 Korint teeb 3:18

Sɔɔ daa kpann u mɔŋi. Sɔɔ-i be i sinsuuk ni ki dukii nan u tee yan daanɔe tingbouŋ na binbeŋ ni, li ŋan wun kpant u mɔŋ jatuk ki set teen yan daanɔ.

1 Korint teeb 3:3

kimaan i binbeŋ bia daa be kaman nan tingbouŋ na niib binbeŋ nee; kimaan funfunn nan mɔniɔk-i be i sinsuuk ni, i ki waa tingbouŋ na teeb binbeŋ kaa-aa?

2 Korint teeb 11:20

Ma yeen linba na tee nnee: nisɔɔ-i soori ki ji-i teeni u daaba, ki ŋmab i bont, ki kpanni, ki mɔk karinbaanii, ki pebiti tanpakii, ŋaan i tuu di sukuru nan li yɔɔe.

Galasia teeb 5:15

Ŋaan li-i tee ki i tee i leeb danii ki biir i leeb kaman nan muuk ni bonkobit na, i set sa baan i leeb yann na.

Galasia teeb 5:26

Li ki ŋan ki tii mɔk karinbaanii, amii tii fiint ti leeb wutoa, amii tii mɔk funfunbiit nan ti leebi.

Galasia teeb 6:3

Sɔɔ-i kii tee siar, ŋaan bikii a u mun tee sɔɔe, u kpann u mɔŋe.

Filipi teeb 1:15

Ŋaan siab mɔɔntir Masia maan maŋ kimaan bi tee punpondamm nan kunkɔnkɔnnae, ŋaan ki siab mun mɔɔntir nan bi para ni nan barmɔnii loomm.

Filipi teeb 2:14

Yii tuun siar kura ki daa burimi, amii ki nɔi mɔniɔku;

Filipi teeb 2:3

I daa tuun bonsiar ki li nyi i funfunn nan i karinbaanii loomm ni, ŋaan yii be soonna nan i leeb man, kii dukii i leeb po ki gar ya dukii i mɔŋ po biaŋinba.

Kolosa teeb 2:18

Sɔɔ-i yaa ŋɔɔe gar leeb ki laat yerintii ki loon a yi sikin i mɔŋ kii jiantir malakanba, i daa saak man; nna sa biiriwa. Li daanɔ dont u mɔŋ u dudukbiit ni, ŋaan ki li kaa paaki;

2 Tesalonika teeb 2:4

U tan kan sak Yenjiantu nan jiantii kura, ŋaan jɔɔb u mɔŋ teen yudaanɔ nba gar linba ki niib jiantir kura. U tan sa kɔɔ Yenjiantu diiuk ni gbaa ki pur u mɔŋ Yennu.

1 Timoti 1:4

ki daa fiin bi yejamm ni barkpera nan yaadindɔnfɔkit nba baat nan mɔniɔk. Ŋann ki mɔk sommir ki teen niib ki bi sa tumii Yennu sɔnu; yada paake te ki ti bannir.

1 Timoti 1:7

Bi loon bii tee Yennu sennu wannteebe, ŋaan ki mi bi mɔŋ mɔŋ mɔbona paak, ki bia ki mi ba piak linba po maŋ paaki.

1 Timoti 3:6

Li kpaa talas ki wuu tee daanɔ nba poŋ waa Masia ki li yukira; nnee-i kaa, ki u tan sa mann kpet donn u mɔŋ nan karinbaanii ki la tubdatu kaman nan Sintaanii nba din tun biaŋinba ki la tubdatu na.

2 Timoti 2:14

A tiar a niib linba na, ki turib kpaanii Yennu boor a bi daa kɔn mɔbona paaki; ŋann ki mɔk nyɔɔt, ŋaan li biir binba gbiin nee.

2 Timoti 2:23

A tin ki nyik jatii nan li mɔniat. A poŋ mi nan li joontir nan kunkɔnae.

2 Timoti 3:4

bi tan sii nyi leeb poae, ki tee nikaatkaatdamm, ki dont bi mɔŋ; bi tan sii loon bi mɔŋ mɔŋ loomme ki gar Yennu,

Taitus 3:9

Ŋaan nyik mɔnɔyanna, nan yejamm ni yaadindɔuŋ kannu, ki daa kɔn nan leeb, ki bia daa nɔi mɔniɔk sennu paak, kimaan linba na kura ki ŋan, ki ki mɔk nyɔsiati.

Jeems 1:19

N naa waas, n loon yin bann nee; yii gbiintir yian, ŋaan kii mi biaŋinba ki i piak, ki bia daa dont wutoor yian yiami,

2 Piita 2:12

Li nibooru ki mi malakanba nba be biaŋinba, ŋaan sukiib. Niib maŋ ki mɔk dudukiti; bi tuun linba ki bi loon, ki naan nan muuk ni bonkobibiit nba ki niib tuu soorib ki kpib nee. Bi mɔŋ toonbiite sa mantik biirib;

2 Piita 2:18

Bi piak karinbaanii barii nba ki mɔk nyɔɔte a bin kpann niib nba yabit bi mɔŋ a bin nyik biitdamm, ki kpannib a bii tuun gbanant loonbiit kii tuun bonchonchonn toona,

Juud 1:10

Ŋaan niib na ŋanin sukii bont kur nba ki bi ki bann li paake, ŋaan tuun linba kur ki bi loon kaman nan bonkobit nba ki mɔk dudukit na, ki biir bi mɔŋ.

Juud 1:16

Bi tee bunburimii damme; bi numm ki mi gboo; ki bi tuun bi mɔŋ loonbiit, ki mɔk parbifaant bonchiann, ki korin niib a bin la siar.

Fiitu 3:17

Yimme yeen a i tee mɔkitae ki mɔk linba kur ki i loon, a ki siar kan pɔtiini, ŋaan ki ki mi ya mɔk parbiir nan ninbaauk biaŋinba. I tee nandamme, ki somm yana, ki tee jɔɔnii.