1 Timoti 5:8 - Yennu Gbounpaauŋ Mɔɔr

⁸ Wunba ki gorii u nikpiimm, amii linba mantik gar tee u kii fiin u mɔŋ mɔŋ ŋaak niib po, li daanɔ kɔŋ yadawa; ki wunba ki tee Masiaweirɔ gbaa sɔu.

Yennu Gbouŋ Mɔɔr

⁸ Wunba ki gorii u nikpiimm, mantik wuu kii fiin u mɔŋ ŋaak niib po, li daanɔ ji ki mɔk yada Masia ni; ki wunba ki tee Masiaweirɔ gbaa sɔu.

1 Timoti 5:8 ပူးပေါင်းရင်းမြစ်များ

Matiu 18:17

Li-i tee ki u bia ki sak wun gbat ki turibi, fan pak ki wann Yennu niib kura; ki li-i tee ki u bia ki sak nan wun gbat ki tur Yennu niibi, yin ji ŋaan ki u tee kaman nan wunba ki tee Yenweirɔ na, amii lampogaartɔɔ na.

Matiu 7:11

Ki li-i tee ki yimm nba tee biitdamm na mi biaŋinba ki i sa tur i waas bonŋana, ki i Baa Yennu nba be sanpaapo na mantik sa tur binba meiɔ na bonŋana.

Jɔɔnn 15:22

“Mi-i diŋŋi kii sik ki tan pak ki turibi, bi bo kii mɔk biiti. Ŋaan ma sat ki sik pak turib na, sɔnsau ji kaa ki bi sa fit bɔr bi biiti.

1 Korint teeb 6:6

Ŋaan ki i naawayemm saa nan bi leeb barbuurɔ wunba ki teen Masia yada na boor, ki u bu bi buut.

2 Korint teeb 12:14

Li taar munntaae na ki n tuu tee siir ma n baar i boor ni. Ŋaan n ki yaa n baar ki loon siar kaa i boor ni, ŋaan n loon yimme, li ki tee n loon i likirii kaa. Waas ki loon bont teen bi dammi. Wadamme loon bont ki teen waas. Yimm tee n waase;

2 Korint teeb 6:15

Masia nan Sintaanii sa fit taan mɔbaa? Nisɔɔ nba waa Yisa sɔnu nan wunba ki waa-r, bi sa fit taan binbenyeŋaa?

Galasia teeb 6:10

Li paak, ti-i la yaak, ŋaant ki tin tun linba ŋan ki tur sɔɔ kura; ŋaan mantik kii tuun kii teen binba teen Masia yada ki tee u weira na.

2 Timoti 2:12

Ti-i ŋammit yabii, ti mun tan sa di naan nanɔe; ŋaan ti-i yaa a ti ki miu, u mun tan sii yaa a u ki miti;

2 Timoti 3:5

bi tan sii dia Yenjiantu sanne, ŋaan ki saak Yennu paŋ. Nyint a mɔŋ li nibooru ni.

Taitus 1:16

Bi yi bi mɔŋ Yenmiirae, ŋaan ki bi toona want nan bi ki sak bann Yennu. Bi tee mɔyêtdamme, ki ki pent Yennu par ni, ki kan fit tun toonŋansiari.

2 Piita 2:1

Faak sɔkiniinba nba din be Juu teeb sinsuuk ni sianyoo biaŋinba na, nnee ki faak wannteeb mun bia sii be i sinsuuk ni, ki wanti faak wannu woonin ni, linba sa biiri. Bi sa yêt ti Yomdaanɔ Yisa wunba din daab na gbaa; ki Yennu sa dat bi tuba yiama.

Juud 1:4

kimaan nisiab nba ki tiin Yennu na din kɔɔ i sinsuuk ni woonin nie, ki lebit ŋɔɔ Yennu ninbatinu labaar a bii tuun bi gbanant loonbiit; bi ki saak Yisa Masia mɔbi; ŋɔɔ kuukɔɔe tee ti yudaanɔ nan ti Yomdaanɔ. Li yukira ki biitdamm maŋ tubdatu poŋ sɔb Yennu gbouŋ ni na.

Fiitu 2:13

ŋɔɔe yet a ‘N mi nan siaminba ki i be na tee siaminba ki Sintaanii naangbouŋ na be, ki n mi nan i set dia n sann; yoo nba ki bi din tan kpii Antipas nba din tee n siara daanɔ nan barmɔnii, i mɔŋ doo nba ki Sintaanii be na, li yoo maŋ gbaa ki i ki yêt n sɔnu.

Fiitu 3:8

ŋɔɔe yet a ‘N mi i toona nba tee biaŋinba, ŋaan gotir, n loot gann ki turi, ki sɔɔ kan fit loonni. N mi nan paŋ nba ki i mɔk na, li waar, ŋaan nanna kura, i bia lek dia n wannu na, ki ki nɔi nan i ki mimi.