1 Timoti 5:5 - Yennu Gbounpaauŋ Mɔɔr

⁵ Pakɔɔk nba be u kuukɔɔ ki kaa sɔɔ, ŋaan ki u dindann be Yennu ni, ki u mei Yennu yoo kur, ŋɔɔe tee barmɔnii pakɔɔk.

Yennu Gbouŋ Mɔɔr

⁵ Pakɔɔk nba be u kuukɔɔ ki kaa sɔɔ, ŋaan ki u dindann be Yennu ni, ki u mei Yennu yoo kur, ŋɔɔe tee barmɔnii pakɔɔk.

1 Timoti 5:5 ပူးပေါင်းရင်းမြစ်များ

Barŋanii nba ki LUK din sɔb nae na 18:1

Li yoo na ki Yisa yimm barjouk a wun wannib nan li ŋan ki bii mei Yennu yoo kura, ŋaan daa mɔk kpinkpangbatuku, ki betib a

Barŋanii nba ki LUK din sɔb nae na 18:7

Wa yaa a u sa turɔ mɔnii na, ki Yennu nigannteeb nba meiɔ yennu nan nyiɔk na, ŋɔɔ Yennu kan bu ki turibii? U sa yukiraa?

Barŋanii nba ki LUK din sɔb nae na 2:37

ki u sɔrɔ tan kpo ŋaan nyikɔ pakɔɔk binpiinniin nan ŋanna; ŋaan u din tuu ki nak Yennu jiantu ŋasaakak yennu nan nyiɔk, ki jiantir Yennu ki lorin mɔb ki meiɔ.

Toona 26:7

Li mɔsonn maŋ paake ki timm Juu teeb booru piik nan munnlee tuu mɔk dindann ki dukii nan ti tan sa la. Li paak te ki bi jiantir Yennu nan nunmɔnn yennu nan nyiɔk na. Chanbaa Agripa, li dindann maŋ paakera, ki Juu teeb paanin maan na.

Toona 6:1

Li poorpoe ki Yisaweira ŋammit yabitir ki pukii, ki bunburimii tan baar Juu teeb nba piak Griik maan, nan Juu teeb nba piak bi mɔŋ maan na sinsuuk ni; kimaan binba piak Griik maan na din yet a bi-i toor jeet daar kur, bi pakɔi ki laat bi tora nan leeb na.

Toona 9:39

Ki u fiir ki bi jen nanɔ. Wa baar yoonba, ki bi jiiu ki doo nanɔ ditɔɔtuk maŋ ni. Ki pakɔi din be diiuk na ni, ki bi kur ŋaa lint Piitawa, ŋaan mɔ, ki jikit bi liata nan bi chinchena ki wantɔ, ki yeen a “Dɔkas nba tuu be u manfoor ni ki nyar linba ki teente na.”

Toona 9:41

Ki Piita dɔnn ki soor u nuu ki fiin sennɔ, ŋaan yiin Yennu niib nan pakɔi na, ki tan jiiu ki wannib nan u jen u manfoor niwa.

Rom Teeb 1:12

Ma want linba tee a min nan yimm nba teen yada biaŋinba na, ti sii kɔɔnt ti leeb para, ti yada teenu na paake.

Rom Teeb 1:5

Ŋɔɔ paake ki Yennu ninbatinu be n paak ki te ki n tee u toomii, ki n jii u sann ki saan nibooru kur boor ni, ki te ki bi teenɔ yada ki saak u mɔb;

1 Korint teeb 7:32

N ki loon ki siar-n daamiini. Jakpakir ŋanin gorii wa sa teen biaŋinba ki tun ti Yomdaanɔ toonae ki te ki lin penn ti Yomdaanɔ par;

1 Korint teeb 7:34

Li paak, u niauŋ bɔkit munnlee-e. Pookarankaan amii sapaamɔ baka mun be ti Yomdaanɔ toona nie nan wa sa teen biaŋinba ki u gbanant nan u seek-ii taŋŋii tee Yennu yar fanu; ŋaan wunba mɔk jɔɔ ŋanin gorii tingbouŋ na bona nan wa sa teen biaŋinba ki penn u sɔrɔ pare.

Efesus teeb 6:18

Yii mei Yennu yoo kur nan ninmɔnn, u Seyeeŋ nba sommi biaŋinba na; ki yin chekin i mɔŋ nan gbankur ki pukin Yenmiaru kii teen Masiaweira kura,

Filipi teeb 4:6

I daa biir i para bonsiar paaki. Yimm-ii mei Yennu linba kpaa talas turi paak. Yii mei Yennu, kii teenɔ niipoouk i para ni yoo kura ki betɔ i loomm nba tee linba.

1 Timoti 2:1

Li paak, linba gar kur tee yii puk Yennu, kii meiɔ, kii boiɔ, kii teenɔ niipoouk niib kur paak.

1 Timoti 5:16

Ŋaan poosɔɔ nba tee Masiaweirɔ ki mɔk pakɔi u ŋaak ni, li kpaa talas ki wun gotib fanu, ki daa jikit bi jikpiatir jint Masia niibi, ki Masia niib mun-n got pakɔi nba be bi kuukɔɔ na.

1 Timoti 5:3

I teen pakɔi nba be bi kuukɔɔ na nibaakir,

2 Timoti 1:3

Yennu nba ki n jiantirɔ nan dudukŋant kaman nan n yejamm nba din tuun biaŋinba na, mi-i meiɔ, n tian a po yoo kura n Yenmiaru ni, nyiɔk nan yennu ni, ki teenɔ niipoouk a paak.

1 Piita 3:5

Yaayoo ni pooŋamm nba din teen Yennu yada na, nnee ki bi din faŋŋit bi mɔŋ, ki din saak bi sɔrib mɔi.