1 Timoti 5:20 - Yennu Gbounpaauŋ Mɔɔr

²⁰ Binba tuun toonbiit na, i yakii namm, niib ni, ki binba biar na-n tin jaŋmaanii.

Yennu Gbouŋ Mɔɔr

²⁰ Binba tuun toonbiit na, a yakii namm Masiaweira numm ni, ki binba biar na n tin jaŋmaanii.

1 Timoti 5:20 ပူးပေါင်းရင်းမြစ်များ

Toona 19:17

Yoo nba ki Juu teeb nan binba ki tee Juu teeb kura nba be Efesus na gbat nna, ki jaŋmaanii ji soor bi kura, ki bi donn ti Yomdaanɔ Yisa sann bonchiann.

Toona 5:11

Li yoo na ki jaŋmaanchiauŋ soor Yisaweira kur nan binba kur gbat maan maŋ po.

Toona 5:5

Ananias nba gbat nna maŋ yoonba, ki u kpo ki baa li yoo na. Ki jaŋmaanchiauŋ kɔɔ binba kur gbat u kuun maŋ po.

2 Korint teeb 7:11

Yennu nba te ki i la parbiir na, i mɔŋ la biaŋinba ki li turi nyɔɔta; i baka be Yennu labaar ni, ki i bia loon ki i wann nan i ki mɔk biiti; i bia tiin Yennu; i loon ki i bia lan; i bia loon ki i tun Yennu loomm; i poŋ dat biitdaanɔ na tubira. Ya tun nna maŋ na, li set want nan i ki mɔk bisiat labaar maŋ ni.

Efesus teeb 5:11

ki daa tokii binba tuun bunbɔnn ni toona ki nyɔɔt kaa li ni, ŋaan te ki bi bunbɔnn ni toona maŋ-n yent.

1 Timoti 1:20

Bi siabe tee Haimeneus nan Aleksander, binba ki n daan jiib teemm Sintaanii nuu ni a wun mukisib. Linba nee sa wannib yan ki bin nyik Yennu sann biiru.

2 Timoti 4:2

a fii mɔɔntir u barii; ki yoo-i lekii jaŋ amii li-i kii jaŋi, fii mɔɔntir, kii piak niib bi toonbiit po, kii kpaanib, kii kɔɔntib para, kii wantib barii maŋ nan sukuru yoo kura,

Taitus 2:15

Wantib linba na kura, kii cheen bi para, kii kpaanib Yennu nba tura yudant biaŋinba na; sɔɔ daa goriia yanni.