1 Timoti 5:11 - Yennu Gbounpaauŋ Mɔɔr

¹¹ Ŋaan a daa pukii poopaannii na pakɔi kann ni, kimaan bi-i taŋŋi loon jakunt yoonba bi tuni nyikit Masia li yooe,

Yennu Gbouŋ Mɔɔr

¹¹ Ŋaan a daa pukii pakɔpoopaanii na pakɔi kann ni, kimaan bi-i taŋi loon jakunt yoo nba, bi nyikit Masiaweiu li yooe,

1 Timoti 5:11 ပူးပေါင်းရင်းမြစ်များ

1 Timoti 4:3

Li nibooru want a jakunt nan pookɔɔnt ki ŋani, a ki jesiat bia ki ŋan nan dinu; ŋaan timm nba bann Masia barŋanii ki teenɔ yada na, ti mi nan Yennu din nan jebooru kura a niib-ii die, ki turɔ niipoouk li paak.

1 Timoti 5:12

ki ji pot bi mɔsonn nba ki bi din senn turɔ sinsinn na, ki ji kɔɔ biit ni.

1 Timoti 5:14

Li paak, min bo sii loon ki pakɔi nba tee poobis na-n kun jabe ki mar waas, ki got bi ŋei fanu, ki ti datai daa laat yaak ki piak biit jiint ti po,

1 Timoti 5:9

A daa kaan pakɔi nba daa ki kpet gar bina piinnloob na ki kɔɔnt pakɔi kann ni. Linba pukin, li kpaa talas ki wuu tee wunba din kun jɔɔ yenɔkɔɔe,

Jeems 5:5

Ya be tingbouŋ na ni, i be i yama ni, ki waa i gbanant niauŋ; i dint i mɔŋe, ŋaan i lek be kaman nan naajakpamma nba ki bi sa kpiu na.

2 Piita 2:18

Bi piak karinbaanii barii nba ki mɔk nyɔɔte a bin kpann niib nba yabit bi mɔŋ a bin nyik biitdamm, ki kpannib a bii tuun gbanant loonbiit kii tuun bonchonchonn toona,

Fiitu 18:3

Kimaan booru kur poŋ nyuu u nianbiiuk daan nawa, ki tingbouŋ na kpanbara chomm nanɔ, ki tingbouŋ na kpinkpenta kpant mɔkita u nianbiiuk nba mantik yabit na.”

Fiitu 18:7

a ki te wun la muksuk nan parbiir a ki lin jaŋ nan wa din tuu be u yama ni ki dont u mɔŋ biaŋinba na, ki yeen u par ni a ŋɔɔ poobate kar na, a ki li ki tee a u tee pakɔɔki, a li paak a u kan mi la parbiiri.

Fiitu 18:9

Tingbouŋ na kpanbara nba chomm nanɔ ki di u mant na, bi-i taŋŋi la u muu dinu munyuut na, bi tan sa bui ki fabin u paak.