1 Timoti 5:10 - Yennu Gbounpaauŋ Mɔɔr

¹⁰ ki poŋ tuu mɔk sanŋann u toona paak, ki tee wunba poŋ tuu mi waas wubiru fanu, ki gaan saamm u ŋaak ni, ki tuun sikininmɔŋ toona ki teen u leeb nba waa Masia na, ki sommit niib fara ni, ki poŋ jii u mɔŋ kura teen toonŋana tumu ni.

Yennu Gbouŋ Mɔɔr

¹⁰ ki poŋ tuu mɔk sanŋann u toona paak, ki tee wunba tuu mi waas wubiru fanu, ki gaan saamm u ŋaak ni, ki tuun sikin-n-mɔŋ toona ki teen u leeb nba waa Masia na, ki sommit niib nba be fara ni, ki jii u mɔŋ kur teen toonŋana tumu ni.

1 Timoti 5:10 ပူးပေါင်းရင်းမြစ်များ

Matiu 25:17

Nnee ki wunba mun bia din gaar pɔŋ tusa ŋannlee na mun din nyii ki kpentir ki la nyɔɔt pɔŋ tusa ŋannlee ki pukin li paak.

Matiu 5:16

Yimm mun-ii be nna; ŋaant ki i yentu-n yent tur nifosaarii, a bii laat i toonŋana kii dont i Baa Yennu nba be Yendɔuŋ ni na.

Barŋanii nba ki LUK din sɔb nae na 7:38

ki din set Yisa poor, u taa boor, ŋaan mɔ; ki u ninnyuut baa Yisa taa paak ki tan maak; ki u din tan jii u yut ki fian Yisa taa, ŋaan barin pit, ki tan but tulaarii na u taa paak.

Barŋanii nba ki LUK din sɔb nae na 7:44

ki din jiant got poo na, ŋaan bet Simon, “A la poo na-aa? N kɔɔ a ŋaak nna, ki a ki turin nyun ki n fobit n taa, ŋaan poo maŋ ŋanin fobit n taa nan u ninnyuut, ki bia jii u yut ki fiarin.

Toona 10:22

Ki bi jiin a “Chanbaa Kɔneliuse tumit. U tee lanjimanba yudaanɔe, ki tee niburchimɔe biak, ki jiantir Yennu, ki Juu teeb kur teenɔ nibaakir. Tɔn, Yennu malaka won baar betɔ a wun yiina ki a baar u ŋaak ni, ki wun tan gbat linba ki a sa pak ki turɔ.”

Toona 22:12

“Ki jasɔɔ nna mun din be Damaskus, ki u sann yi Ananias, ki u din tee yentinɔ, ki bia din dia Moses sennu fanu, ki Juu teeb kura nba be Damaskus na din teenɔ nibaakir bonchiann.

Toona 6:3

Li paak, gotir ki gann jab bannlore i sinsuuk ni, binba ki i mi nan bi binbeŋ ŋan, ki bi bia mantik gbee nan Yennu Seyeeŋ nan yanfantir, ki tin teemm toona na yudamm;

Toona 9:36

Poosɔɔ mun din be Jɔpa, ki u sann yi Tabita, ŋaan Griik maan ni, bi din yiu Dɔkas, ki li paak tee piarɔ. U din tee Yisaweirɔe, ki din tuun toonŋana bonchiann ki teen niib, ki bia din sommit talasdamm.

Toona 9:39

Ki u fiir ki bi jen nanɔ. Wa baar yoonba, ki bi jiiu ki doo nanɔ ditɔɔtuk maŋ ni. Ki pakɔi din be diiuk na ni, ki bi kur ŋaa lint Piitawa, ŋaan mɔ, ki jikit bi liata nan bi chinchena ki wantɔ, ki yeen a “Dɔkas nba tuu be u manfoor ni ki nyar linba ki teente na.”

Rom Teeb 12:13

ŋaan paat linba ki i mɔk na ki tur Yennu niib nba ki mɔki, ŋaan kii gaan saamm kii chantirib i ŋei ni.

Efesus teeb 2:10

Yisa Masia nie ki Yennu teent ta tee binba, ki turit toonŋana binbeŋ a tii tuun linba ki u din poŋ lor a ti tun na.

Kolosa teeb 1:10

ki yin fit kii be kaman nan ti Yomdaanɔ nba loon biaŋinba, ki bia fit kii tuun linba sii pent u par, ki yin fit kii tuun toonŋana kur, kii ŋammit bant Yennu.

1 Timoti 2:10

linba sa turib fant tee binbenŋaŋ kaman nan pooyentina nba bo sii be biaŋinba na.

1 Timoti 3:2

Li ki ŋan ki Masiaweira yudaanɔ-ii mɔk bisiati. Li kpaa talase ki wuu mɔk poo yenɔkɔɔ, kii tee subindaanɔ, kii dia u mɔŋ fanu, kii gaan saamm u ŋaak ni kii chantirib, kii tee wunba sa fit wann niib Yennu maan,

1 Timoti 3:7

Li kpaa talas ki wuu tee daanɔ nba ki binba ki waa Masia na gbaa-n yet a u binbeŋ ŋan, ki u daa mi di fei ki Sintaanii baruk tan sa mann ki soorɔ.

1 Timoti 5:16

Ŋaan poosɔɔ nba tee Masiaweirɔ ki mɔk pakɔi u ŋaak ni, li kpaa talas ki wun gotib fanu, ki daa jikit bi jikpiatir jint Masia niibi, ki Masia niib mun-n got pakɔi nba be bi kuukɔɔ na.

1 Timoti 5:25

Toonŋana mun bia tee nnee, li yenninba nyii paanuwa, linba lek ki nyii paanu ni gbaa, ŋaan li kan fit bɔri.

1 Timoti 6:18

Bii tuun toonŋana, ki bi toonŋana maŋ-ii yab; ki bi nii-ii yaa nan piinii turu.

2 Timoti 1:5

N tian fa teen Yisa Masia yada nan barmɔnii biaŋinba; ki a yaa Lois nan a naa Yunis mun poŋ din teenɔ yadawa. N ki mɔk birsuk nan a mun bia teenɔ yada.

2 Timoti 2:21

Wunba-i nyik biit ki tee popeendaanɔ, u sii tee kaman nan ŋmaŋ nba mɔk nyɔɔt ti Yomdaanɔ boor, ki jaŋ nanɔ, ki teen siir a wun tun toonŋana kura.

2 Timoti 3:15

ki a bisin niwa a poŋ mi Yennu gbouŋ nba fit teena yan ki wanta fa sa teen Yisa Masia yada ki tinn biaŋinba na.

2 Timoti 3:17

a nisɔɔ nba jiantir Yennu binbeŋ-ii ŋan, ki wun teen siir kii tuun toonŋana booru kura.

Taitus 2:14

ŋɔɔe din gaar ti paak ki kpo a wun nyinnit biit kur daabsin ni, ki te ki ti tee popeendamm nba tee u kuukɔɔ yab, kii teen niib nba numm mɔn nan toonŋana tumu.

Taitus 2:7

A mɔŋ-ii be fanu bonsiar kur ni, kii want leeb ba sii be fanu biaŋinba. A wann niib Masia labaar nan barmɔnii, kii sub.

Taitus 3:1

A tiarib ki bin tur bi tiŋ yudamm nan yentdamm nibaakir, ki sak bi mɔi, ki teen siir ki tun toonŋana kura.

Taitus 3:14

Li kpaa talas ki Masiaweira-ii tuun toonŋana kii sommit niib bi fara ni, ki daa be binbeŋ nba kaa nyɔɔti.

Taitus 3:8

Barii na tee barmɔniie. N loon ki a jii a dudukit kur kii wantib linba na, ki binba teen Yennu yada na-n jii bi yoo ki tun linba ŋan; ŋanne ŋan ki mɔk nyɔɔt ki tur sɔɔ kura.

Hiibru teeb 10:24

Yi ŋaan ki tin yabir ki fiin leeb loomm nan bi toonŋana,

Hiibru teeb 13:2

I daa tammit saamm gaaru po, kimaan nisiab din tan gaar malakanba saauŋ, ŋaan ki mi a bi tee malakanbae.

Hiibru teeb 13:21

li Yennu-n ŋamm i binbeŋ fanu a yii tuun u loomm, kii tuun toonŋana kur; Yisa Masia paak wun te ki tii tee binba sii pent u par. Ŋɔɔe yen dontir nan yoo nba kaa gbennu. Mɔmɔmm.

1 Piita 2:12

ŋaan kii be fanu tingbouŋ na niib sinsuuk ni, ki li-i tee ki bi sukii-i a i tee biitdamm, bi sa la i toonŋana ki dont Yennu, daar nba ki u tan sa baar na.

1 Piita 4:9

Yii gaar leeb saauŋ ki daa burimi.

3 Jɔɔnn 1:12

Sɔɔ kur piak Demetrius; ki u benu nee bia want nan u waa barmɔnii wannu; ki ti mɔŋ mun piakɔ; ki a mun mi nan ti set tee barmɔnii damme.