1 Timoti 5:1 - Yennu Gbounpaauŋ Mɔɔr

¹ A daa yakii nan jakpersɔɔ, ŋaan pak turɔ kaman nan a mɔŋ mɔŋ baa na, kii dia naasimm kaman nan a mɔŋ mɔŋ ninjamm na,

Yennu Gbouŋ Mɔɔr

¹ A daa yakii nan jakpersɔɔ, ŋaan pak turɔ nan a mɔŋ baa na, kii dia naasimm nan a mɔŋ ninjamm na,

1 Timoti 5:1 ပူးပေါင်းရင်းမြစ်များ

Matiu 23:8

Ŋaan yimm ŋanin, i daa te ki bi yi-i ‘Wannteebi,’ kimaan i kura tee naa waase nan leeb, ki mɔk i Wanntɔɔ yenɔkɔɔ.

Toona 14:23

Ki doi kur ni ki bi tuu gann Yisaweira saakab, ki din mei Yennu ki lorin mɔi, ki jikit Yisaweira nan bi saakab na ki kubintib bi Yomdaanɔ Yisa nuu ni, wunba ki bi poŋ teenɔ yada na.

Toona 15:4

Ba baar Jerusalem yoonba, ki Yisaweira nan bi saakab nan toomiinba na din gaarib saantuk. Ŋanne ki Pɔɔl nan Banabas betib linba kur ki Yennu tun namm.

Toona 15:6

Li paak ki toomiinba nan saakab na lakin leeb, a bin dukin maan maŋ po.

Toona 20:17

Ŋanne ki Pɔɔl din tun toomii a bin nyi Miletus doo ni, a ki saan Efesus ki saa yiin Yisaweira saakab na.

Rom Teeb 13:7

Li paak, turimm linba tee bi yar; li-i jaŋ nan bin gaar niib lampo, amii linba ki a mɔk paak lampo, fan pa ki turib; li-i jaŋ nan ki a baak nirɔ, fan baakɔ; li-i biakii jaŋ nan fii tiin nirɔ, fan tinɔ.

Galasia teeb 6:1

N naa waas, li-i tee ki i la ki sɔɔ tun toonbiit, yimm nba be nan Yennu Seyeeŋ na, li ŋan ki yin sommɔ nan loomm sɔnii kur ni, ki wun ŋamm set fanu, kii mi ki bikinu sa te ki i mun bot.

1 Timoti 5:17

Masia niib yudamm nba diab fanu na ŋan nan nibaakir bonchiann; ki binba mɔɔntir Masia labaar ki wantib li paak, ŋamme mantik ŋan nan nibaakir;

1 Timoti 5:2

ki jii pookpera na ki bii tee kaman nan a naanba na, ki poopaannii na-ii naan nan a mɔŋ mɔŋ niipoob na nan binbenyeeŋ kura ni.

Taitus 2:2

A kpaan jasaakab ki bii be soonna, kii sub, kii dia bi mɔŋ, kii dia Masia labaar fanu, kii loon niib, kii mɔk gbankur.

Taitus 2:6

A bia kpaan naasimm ki bin dia bi mɔŋ.

Jeems 3:17

Ŋaan yan nba nyi Yennu boor, li ki mɔk biiti; wunba mɔk yan maŋ, u mɔk parmaasir ki be soonna, ki gbia u leeb; u mɔk ninbatinu bonchiann, ki bia tuun toonŋana bonchiann; u ki mɔk lukitin, ki bia ki mɔk kpinkpannii.

Jeems 5:14

Sɔɔ-i be i boor ki yiar, wun yiin Masiaweira saakab ki bin tan sɔɔrɔ kpan nan ti Yomdaanɔ Masia sann ni, ŋaan miar Yennu ki turɔ.

1 Piita 5:1

Yudamm nba be i sinsuuk ni, n kpaaniie, min wunba mun tee yudaanɔ, ki n ninbinn din la Masia nba din dii fara biaŋinba, ki n bia sa lakin di mant bonchiann nba tan sa nyi paanu ni na,

2 Jɔɔnn 1:1

Min Jɔɔnn nba tee Masiaweira saakɔɔ nee, sɔbin gbouŋ na ki teen fin nba tee n niipoo nba ki Yennu gannɔ na, nan a waas. N looni nan barmɔnii, ŋaan li bia ki tee min kuukɔɔ kaa looniini. Binba kur mun saak Yennu barmɔnii maŋ wannu, bi mun bia looni nnee.

3 Jɔɔnn 1:1

Min Jɔɔnn nba tee Masiaweira saakɔɔ nee, sɔbin gbouŋ na ki teen n yɔɔk fin Gaius, fin nba ki n nian nan mɔnii.

Fiitu 4:4

Ki naangbant piinnlee nan ŋanna dɔɔ ki lint naangbouŋ na. Ki saakab piinnlee nan banna lia tapeenii ki yir sarima fokirii ki kar naangbant piinnlee nan ŋanna maŋ paak.