1 Timoti 4:8 - Yennu Gbounpaauŋ Mɔɔr

⁸ Toona tumiiu nba pukii gbanant paŋ mɔk nyɔɔt waaminnee, ŋaan yentinu tumiiu nyɔɔte yab gar bonsiar kur. Kimaan li mɔk nyɔɔt ki turit tingbouŋ na ni mɔtana, nan Yendɔuŋ ni yoo nba baat na.

Yennu Gbouŋ Mɔɔr

⁸ Fi-i tumii a gbanant biaŋinba ki li sii kakii, li mɔk nyɔɔta, ŋaan yentinu binbeŋ tumiiu mantik mɔk nyɔɔt. Kimaan li mɔk nyɔɔt ki turit tingbouŋ na ni mɔtana, nan Yendɔuŋ ni, yoo nba baat na.

1 Timoti 4:8 ပူးပေါင်းရင်းမြစ်များ

Matiu 12:32

Wunba piak barbiit ki teen min nifosaarik Bik, Yennu sa nyik chabɔ; ŋaan wunba tan piak barbiit ki teen Yennu Seyeeŋe, Yennu kan mi ki nyik chab li daanɔ dunia na ni, amii dunia nba tan sa baar na ni.”

Matiu 19:29

Ki wunba kur nyik u ŋaak, amii u yɔɔrib, amii u waarii, amii u baa, amii u naa, amii u waas, amii u kpaant, n sann paak, u tan sa la bona booru booru kobik, ki bia la manfoor nba kaa gbennu.

Matiu 6:33

Ŋaant man ki i baka-ii be Yennu naan ni nan yentinu ni labaar, ki u sa jii bona nba na kur ki turi.

Barŋanii nba ki MAK din sɔb nae na 10:30

u tan sa bia la bona ki lin gar wa nyik linba na. U tan sa la ŋei, nan ninjamm, nan niipoob, nan naanba, nan waas, nan kpaant, kobii-kobiie tingbouŋ na ni, ki bia gaar muksuk ki pukin; ki yoo nba baat na ki u bia tan sa la manfoor nba kaa gbennu.

Barŋanii nba ki LUK din sɔb nae na 5:38

See ki a jii dapaanin ki liak linlenpaann ni.

Rom Teeb 8:28

Binba ki Yennu yiimm na, ki u mɔk linba paak ki u yimme, ki bi mɔk loomm nanɔ, ki ti mi nan linba kur tuun, u te ki li teen bonŋann ki teen ŋamme.

1 Korint teeb 3:22

min Pɔɔl nan Apolos nan Piita nan tingbouŋ na, nan manfoor nan kuun, nan mɔtana nan yoo nba baat na, yimme yen linba na kura.

1 Korint teeb 8:8

Ŋaan nant kaa sa te ki ti ki fɔk nan Yennu; kimaan ti-i dii, li ki pukint siari; ti-i biakii kii dii, li bia ki jiintit poori.

1 Timoti 4:7

Daa saak faak labaar kimaan li ki tee Yennu yari; li ki mɔk nyɔɔti; ŋaan tumii yentinu binbeŋ nan nunmɔnn.

1 Timoti 6:3

Sɔɔ-i want wannganu ki ki wei ti Yomdaanɔ Yisa Masia mɔbona nan Yennu sɔnu wannu na,

1 Timoti 6:5

nan mɔniɔk yoo kura nibiit boor ni; ŋamm yaa dudukit ki somm fanu, ki ji ki mɔk barmɔnii; bi dukii nan Yennu sɔnu tee sɔnu nba sa te nirɔ-n teen mɔkitɔɔe.

1 Timoti 6:6

Li-i tee ki nirɔ numm gboot wa mɔk linba, Yennu sɔnu set mɔk nyɔɔte,

2 Timoti 3:5

bi tan sii dia Yenjiantu sanne, ŋaan ki saak Yennu paŋ. Nyint a mɔŋ li nibooru ni.

Taitus 3:8

Barii na tee barmɔniie. N loon ki a jii a dudukit kur kii wantib linba na, ki binba teen Yennu yada na-n jii bi yoo ki tun linba ŋan; ŋanne ŋan ki mɔk nyɔɔt ki tur sɔɔ kura.

Hiibru teeb 13:9

I daa ŋaant ki wannsaanbooru booru-n te ki i boti, ki i tan sa mann tut sɔnŋanu maŋ. Li ŋan ki Yennu sommir-n tur nirɔ paŋ u par ni; jeet sennii weiu kan turɔ paŋi. Nisiab nba dia jeet sennii poŋ ki laat sommsiar li ni.

1 Jɔɔnn 2:25

ki mɔsonn nba ki u senn ki turit na tee a u sa turit manfoor nba kaa gbennu na.

Fiitu 3:12

Wunba nyann nyannu na, n sa teenɔ Yennu diiuk ni jaantarik, ki u ji kan nyi leŋi. Ki n bia sa sɔb Yennu sann u paak, ki sɔb Yennu doo sann u paak, ki bia sɔb n mɔŋ sanpaann na u paak. Yennu doo maŋe tee Jerusalem paann nba sa nyi Yendɔuŋ ni Yennu boor ni na, ki tan sik tiŋ na ni.

Fiitu 3:21

Wunba nyann nyannu na, n sa turɔ yaak ki wun tan lakin kar nanin n naangbouŋ na paak, kaman nan ma nyann nyannu kur ki lakin kar nan n Baa Yennu u naangbouŋ na paak biaŋinba na.