1 Timoti 4:4 - Yennu Gbounpaauŋ Mɔɔr

⁴ Bonsiar kur nba ki Yennu din nan na ŋan ki tee jeete; ti-i turɔ niipoouk li paak ki di, li ŋan nan dinu; ti daa yêen li siari,

Yennu Gbouŋ Mɔɔr

⁴ Bont nba kur ki Yennu nan na tee jeŋante. Ti-i turɔ niipoouk li paak ki dii, li ŋan nan dinu; ti daa yêen li siari,

1 Timoti 4:4 ပူးပေါင်းရင်းမြစ်များ

Toona 10:15

Ki kunkɔr na bia ŋamm yetɔ a “Linba ki Yennu kpintir a li ki kɔɔ, daa yeen a li kɔɔ.”

Toona 15:29

Ya sii tuun linba maŋe na: I daa di jeet nba ki bi mann pata. I bia daa di sɔmi. I biakii mi ki i ŋman bonkobuk nba ki bi ŋmakir kpii, ŋaan kii so i mɔŋ nan bonchonchonn toona. Li-i tee ki i dia i mɔŋ nna, li sii ŋan i po. Li kurii na.”

Toona 21:25

Ŋaan binba ki tee Juu teeb ŋaan teen Yisa yada ki waau na ŋarin, ti poŋ sɔb gbouŋ ki turib, ki betib a bi ji daa mi ki di jeet nba ki bi mann patiri, amii ki ŋman sɔmi, amii bonkobuk nba ki bi ŋmakir ki kpii, ŋaan bia soor bi mɔŋ nan bonchonchonn toona.”

Rom Teeb 14:14

Min nan ti Yomdaanɔ Yisa nba taan leeb ki ji tee niyenɔ na, ŋanne te ki n bann nan jeet kaa ki kɔɔ. Ŋaan sɔɔ-i dukin nan jesiat kɔɔ, ŋann ŋanin li kɔɔ u boor.

Rom Teeb 14:20

I mi ki a biir Yennu toona, jeet paak. Jeet kur ŋane, ŋaan li ki ŋan ki a di jeet nba sa te ki a naa bik-n baa.

Rom Teeb 14:6

Wunba dukii a dayena ŋan ki gar dalia na, u tee nna ki teen ti Yomdaanɔ baakire; ki wunba mun di jeet kur na, u tee nnee ki teen ti Yomdaanɔ baakir mun, kimaan u teen Yennu niipoouk jeet na paak; ki wunba mun kɔɔ jesiat na mun tee nnee ki teen ti Yomdaanɔ baakir, ki mun bia teen Yennu niipoouk.

1 Korint teeb 10:23

Siab yeen a “Sɔnu be ki tin tun linba kur.” Mɔmɔmm; ŋaan bont kur kaa ŋani, bont kur kaa bia mɔk nyɔɔti.

1 Korint teeb 10:25

Yi ŋman nant nba ki bi kɔi daak ni, ŋaan daa boi ki laan bee nantee, ki daa ŋaant ki li daama a dudukit ni,

1 Korint teeb 10:26

kimaan li sɔb Yennu gbouŋ ni a “Tingbouŋ na nan li bont kur tee Yennu yare.”

1 Korint teeb 10:30

Li-i tee ki n tur Yennu niipoouk n jeet na paak, nlee ki sɔɔ sa pak ki biir n sann jeet nba ki n tur Yennu niipoouk li paak na?”

1 Timoti 4:3

Li nibooru want a jakunt nan pookɔɔnt ki ŋani, a ki jesiat bia ki ŋan nan dinu; ŋaan timm nba bann Masia barŋanii ki teenɔ yada na, ti mi nan Yennu din nan jebooru kura a niib-ii die, ki turɔ niipoouk li paak.