1 Timoti 4:14 - Yennu Gbounpaauŋ Mɔɔr

¹⁴ Daa tammit Yennu Seyeeŋ piinii nba be a ni na po; ki Yennu din tura piinii maŋ kimaan sɔkiniinba din pak a po yoo nba ki yudamm din yii bi nii a paak.

Yennu Gbouŋ Mɔɔr

¹⁴ Daa tammit Yennu Seyeeŋ piinii nba be a ni na po; Yennu din tura piinii maŋ yoo nba ki sɔkiniinba din pak a po, ki yudamm bia yii bi nii a paak nae.

1 Timoti 4:14 ပူးပေါင်းရင်းမြစ်များ

Toona 11:30

Ki bi din teen nna, ki tun Banabas nan Sɔɔl nan likirii na, a bin saa tur Yisaweira saakab Judea tiŋ ni.

Toona 13:3

Li poorpo ki bi bia lor mɔi ki miar Yennu, ki yii nii bi paak ŋaan chabib.

Toona 19:6

Ki Pɔɔl jii u nii ŋaan yii bi paak, ki Yennu Seyeeŋ sik kɔɔ bi ni, ki bi ji piak barganii, ki bia piak sɔkint Yennu mɔmaan.

Toona 22:5

“Li-i tee ki i loon siara li po, Yennu jiantu yudaanɔ nan ti yudamm kur sa fit ki teen n siara linba ki n piak na paak nan li set tee barmɔniie; ki dasiar ki n tan saan gaar gbant bi peŋ ki tur Juu teeb nba be Damaskus na, ŋaan saan leŋ ma n saa soor niib nba waa Yisa sɔnu na, ki baamm bant, ki jen namm Jerusalem nna, ki bin dat bi tuba.

Toona 6:6

Mɔtaauk niib na nba gannib yoonba, ki bi te ki bi saan set toomiinba na tɔɔnn po, ki toomiinba maŋ miar Yennu ki turib ŋaan jii bi nii ki yii bi paak.

Toona 8:17

Ki Piita nan Jɔɔnn yii bi nii bi paak, ki bi gaar Yennu Seyeeŋ.

1 Tesalonika teeb 5:19

I daa gɔi Yennu Seyeeŋ nba loon biaŋinba;

1 Timoti 1:18

N bik Timoti, n jikit kpaanii maŋ ki tee a nuu ni. Kpaanii maŋ tee kaman nan mɔbona nba ki sɔkiniinba din poŋ pak a po sianyoo nba gar na. Jiin barii maŋ ki teenn jatiat ki kɔn kunkɔnŋann,

1 Timoti 4:15

I tuun linba na nan ninmɔnn, ki sɔɔ kur-n la a pukinu.

1 Timoti 5:17

Masia niib yudamm nba diab fanu na ŋan nan nibaakir bonchiann; ki binba mɔɔntir Masia labaar ki wantib li paak, ŋamme mantik ŋan nan nibaakir;

1 Timoti 5:19

Tɔn, bi-i paan saakasɔɔ barii, a daa te ki a baka be li ni, nɔkira siara damm teen niib bannlee amii bin gar nna.

1 Timoti 5:22

A daa mantik jekir ki yii a nii sɔɔ paak a wun teen Masiaweira yudaanɔ. A daa kɔɔnt a nuu siab toonbiit tumu ni; i dia a mɔŋ fanu.

1 Timoti 6:12

Yabit a mɔŋ kii waa yada sɔnu nan nunmɔnn, kii mɔk manfoor nba kaa gbennu; ki Yennu din yiina ki a gaar manfoor maŋ yoo nba ki a din nyinn a mɔŋ siarŋann niib bonchiann numm ni na.

2 Timoti 1:6

Li paak, ki n tiana ma fan fiin piinii nba ki Yennu tura yoo nba ki n din jii n nii yii a paak na,