1 Timoti 4:13 - Yennu Gbounpaauŋ Mɔɔr

¹³ Jiin a yoo nan a yaak ki karin Yennu gbouŋ ki wannib li paak, kii mɔɔntir Masia barii mɔkmɔk nan yoo nba ki n tan sa baar.

Yennu Gbouŋ Mɔɔr

¹³ Jiin a yoo nan a yaak kii karin Yennu gbouŋ, kii wantib li paak, kii mɔɔntir Masia barii na mɔkmɔk nan yoo nba ki n tan saa baar.

1 Timoti 4:13 ပူးပေါင်းရင်းမြစ်များ

Jɔɔnn 5:39

“Tɔn, ŋaan i lek tuu karin Yennu gbouŋ na, kimaan i tuu dukii mi a manfoor nba kaa gbennu be leŋe, ki Yennu gbouŋ maŋ want n po,

Toona 17:11

Leŋ niib yan din kɔɔ Yisa maan maŋ ni ki gar Tesalonika teeb, ki bi set din sak maan na nan bi para kura, ki daa kur ki bi karin Yennu gbouŋ, ki gorii, a bin laan Pɔɔl nba piak linba maŋ, a li set tee mɔnii amii nlee.

Toona 6:4

ŋaan ki timm-n jii ti mɔŋ yoo ki teen Yenmiaru ni, nan Yennu maan wannu ni, ki daa naki.”

Rom Teeb 12:8

li-i tee ki a kpaan a leeb kpaanii, fan tun nna; fin nba mun pi piinii, i tuun nna kaman nan burchimɔ na; wunba mun mɔk yaak niib paak, li ŋan wun tun yaak toonn maŋ bonŋann; ki wunba mun mɔk ninbatinu nan niib, li ŋan wuu mɔk ninbatinu nan parpeenn.

1 Korint teeb 14:26

N naa waas, n ji sa yet a bia? Li-i tee ki i lakin leeb a yi jiant Yennu, ki sɔɔ mɔk yaŋ, ki sɔɔ mɔk wannu, ki sɔɔ mɔk mafiit kar ki sa wann, ki sɔɔ mɔk barganii paku, ki sɔɔ mun mɔk barganii maŋ kpintu; yi teen linba na kur ki lin somm Masiaweira.

1 Korint teeb 14:3

ŋaan wunba sɔkint Yennu maan ki teen niib, u teemm paŋe, ki kɔɔntib para, ki bia teemm parpeenn.

1 Korint teeb 14:6

N naa waas, mi-i baar i boor ki tan piak barganii, somm lanne ki n sommitiini? Sommir kaa; see ki n baar ki fiit bona nba nyii Yennu boor ki wanni, amii yan, amii ki sɔkin Yennu maan ki turi, amii wannu.

1 Timoti 4:16

I mi a mɔŋ nan a wannu po. I dia wannu nba na, kimaan li-i tee ki a diar, a sa tinn a mɔŋ nan binba ki a wantib na.

1 Timoti 4:6

Li-i tee ki a jii kpaanii nba na tur Yisa Masiaweira na, a sii tee u toontunŋanɔe, ki sii dint a mɔŋ nan maan nba ki ti teen yada na nan wannŋanu nba ki a waa maŋ na.

2 Timoti 3:15

ki a bisin niwa a poŋ mi Yennu gbouŋ nba fit teena yan ki wanta fa sa teen Yisa Masia yada ki tinn biaŋinba na.

2 Timoti 4:2

a fii mɔɔntir u barii; ki yoo-i lekii jaŋ amii li-i kii jaŋi, fii mɔɔntir, kii piak niib bi toonbiit po, kii kpaanib, kii kɔɔntib para, kii wantib barii maŋ nan sukuru yoo kura,

Taitus 2:15

Wantib linba na kura, kii cheen bi para, kii kpaanib Yennu nba tura yudant biaŋinba na; sɔɔ daa goriia yanni.