1 Timoti 3:7 - Yennu Gbounpaauŋ Mɔɔr

⁷ Li kpaa talas ki wuu tee daanɔ nba ki binba ki waa Masia na gbaa-n yet a u binbeŋ ŋan, ki u daa mi di fei ki Sintaanii baruk tan sa mann ki soorɔ.

Yennu Gbouŋ Mɔɔr

⁷ Li kpaa talas ki wuu tee daanɔ nba ki binba ki waa Masia na gbaa n yet a u binbeŋ ŋan, ki u daa di fei, ki Sintaanii baruk tan saa mann soorɔ.

1 Timoti 3:7 ပူးပေါင်းရင်းမြစ်များ

Barŋanii nba ki MAK din sɔb nae na 4:11

Ki u yetib a “Yimm ŋanin, Yennu fiit woonin ni barii ki jii jiin u naan po ki wanniiwa, ŋaan binba ki be i ni na ŋanin gbia bonsiar kura nan barjokite

Toona 10:22

Ki bi jiin a “Chanbaa Kɔneliuse tumit. U tee lanjimanba yudaanɔe, ki tee niburchimɔe biak, ki jiantir Yennu, ki Juu teeb kur teenɔ nibaakir. Tɔn, Yennu malaka won baar betɔ a wun yiina ki a baar u ŋaak ni, ki wun tan gbat linba ki a sa pak ki turɔ.”

Toona 22:12

“Ki jasɔɔ nna mun din be Damaskus, ki u sann yi Ananias, ki u din tee yentinɔ, ki bia din dia Moses sennu fanu, ki Juu teeb kura nba be Damaskus na din teenɔ nibaakir bonchiann.

Toona 6:3

Li paak, gotir ki gann jab bannlore i sinsuuk ni, binba ki i mi nan bi binbeŋ ŋan, ki bi bia mantik gbee nan Yennu Seyeeŋ nan yanfantir, ki tin teemm toona na yudamm;

1 Korint teeb 10:32

Daa tee linba ki ŋan Juu nirɔ numm ni, amii Griik nirɔ numm ni, amii Yennu niib numm ni.

1 Korint teeb 5:12

Li ki tee n toonn kaa ki n sii bu binba ki waa Masia buut. Yennue sa bu bi buut; ŋaan i leeb nba tee Masiaweira nee ki i sii bu ŋamm buut.

2 Korint teeb 6:3

Timm ŋanin ki tuun bonsiar linba sa gɔɔr sɔɔ Yisa Masia sɔnu ni, ki sɔɔ-n tan mann yet a ti toona na mɔk biiti.

2 Korint teeb 8:21

Ti Yomdaanɔ mi nan ti tuun nnee nan li sɔnu, ki ti loon ki niib-n mun bann nan ti set tuun nan li sɔnue.

Kolosa teeb 4:5

I mi man i binbeŋ nba tee biaŋinba ki tur binba ki tee Masia niib na, kii jii i yoo kii tuun fanu.

1 Tesalonika teeb 4:12

Ŋanne sa te ki binba ki tee Masiaweira na-n turi nibaakir, ki li ji kii kpaa talas ki yin jɔɔb i mɔŋ ki denn sɔɔ i bonlonkara paaki.

1 Tesalonika teeb 5:22

ki nyi biitbooru booru kura ni.

1 Timoti 3:6

Li kpaa talas ki wuu tee daanɔ nba poŋ waa Masia ki li yukira; nnee-i kaa, ki u tan sa mann kpet donn u mɔŋ nan karinbaanii ki la tubdatu kaman nan Sintaanii nba din tun biaŋinba ki la tubdatu na.

1 Timoti 5:14

Li paak, min bo sii loon ki pakɔi nba tee poobis na-n kun jabe ki mar waas, ki got bi ŋei fanu, ki ti datai daa laat yaak ki piak biit jiint ti po,

1 Timoti 6:9

ŋaan binba loon bii tee mɔkita, ŋamme baa jinjammii ni, nan barit ni, nan jatii nan pobiir nba biir niib ki baantib yann na ni,

2 Timoti 2:26

ki la yan ki lɔkit Sintaanii barit, a bin ji sak ŋɔɔ Yennu loomm.

Taitus 2:5

kii dia bi mɔŋ, kii tee popeendamm, kii tee ŋaapooŋamm, kii be fanu, kii saak bi sɔrib mɔi. Ŋanne sa te ki sɔɔ kan fit pak bonbiir ki jikit saa Yennu labaar po.

Taitus 2:8

I piak mɔmɔmm nba ki sɔɔ kan mi yiinir yanni, ki binba loon ki bii kɔn nant daa laat bonbiir nba ki bi sa pak ti po; ŋanne ki bi sa di fei li paak.

3 Jɔɔnn 1:12

Sɔɔ kur piak Demetrius; ki u benu nee bia want nan u waa barmɔnii wannu; ki ti mɔŋ mun piakɔ; ki a mun mi nan ti set tee barmɔnii damme.