1 Timoti 3:2 - Yennu Gbounpaauŋ Mɔɔr

² Li ki ŋan ki Masiaweira yudaanɔ-ii mɔk bisiati. Li kpaa talase ki wuu mɔk poo yenɔkɔɔ, kii tee subindaanɔ, kii dia u mɔŋ fanu, kii gaan saamm u ŋaak ni kii chantirib, kii tee wunba sa fit wann niib Yennu maan,

Yennu Gbouŋ Mɔɔr

² Li ki ŋan ki Masiaweira yudaanɔ-ii mɔk bisiati. Li kpaa talase ki wuu mɔk poo yenɔkɔɔ, kii tee subindaanɔ, kii dia u mɔŋ fanu, kii gaan saamm u ŋaak ni kii chantirib, kii tee wunba saa fit wann niib Yennu maan,

1 Timoti 3:2 ပူးပေါင်းရင်းမြစ်များ

Barŋanii nba ki LUK din sɔb nae na 1:6

Bi bannlee maŋ binbeŋ din ŋan Yennu boor ni, ki bi din saak u mɔb sennu kur nyiknyik;

Barŋanii nba ki LUK din sɔb nae na 2:36

Tɔn, ki Yennu sɔkiniilɔɔ mun din be leŋ ki tee poo, ki u sann yi Anna, wunba tee Fanuel bik, ki bia tee Aser booru ni nirɔ, ki din tee pokperchaanwoŋ, wunba din yoo bina ŋannlore,

Rom Teeb 12:13

ŋaan paat linba ki i mɔk na ki tur Yennu niib nba ki mɔki, ŋaan kii gaan saamm kii chantirib i ŋei ni.

Filipi teeb 2:15

ŋanne sa te ki i daa mɔk biit, ŋaan kii mɔk popeenn, kii tee Yennu waas nba ki mɔk daŋ, kimaan i be nijakina nan biitdamm sinsuuk nie na. Li kpaa talas ki yii nyirii bi sinsuuk ni kaman nan ŋmaajara nba nyirii sanpaapo biaŋinba na,

1 Timoti 3:12

Li kpaa talas ki Masiaweira sommtɔɔ-ii mɔk poo yenɔkɔɔ, ki bia fit dia u waas nan u ŋaak niib fanu.

1 Timoti 3:8

Li bia kpaa talas ki Masia niib sommteeb-ii munii mɔk binbenŋaŋ, ki daa mɔk mɔleemii. Li kpaa talas ki bi daa nyu daan bonchiann, ki bia daa tee binba di fobit bi liklommu ni.

1 Timoti 4:3

Li nibooru want a jakunt nan pookɔɔnt ki ŋani, a ki jesiat bia ki ŋan nan dinu; ŋaan timm nba bann Masia barŋanii ki teenɔ yada na, ti mi nan Yennu din nan jebooru kura a niib-ii die, ki turɔ niipoouk li paak.

1 Timoti 5:10

ki poŋ tuu mɔk sanŋann u toona paak, ki tee wunba poŋ tuu mi waas wubiru fanu, ki gaan saamm u ŋaak ni, ki tuun sikininmɔŋ toona ki teen u leeb nba waa Masia na, ki sommit niib fara ni, ki poŋ jii u mɔŋ kura teen toonŋana tumu ni.

1 Timoti 5:22

A daa mantik jekir ki yii a nii sɔɔ paak a wun teen Masiaweira yudaanɔ. A daa kɔɔnt a nuu siab toonbiit tumu ni; i dia a mɔŋ fanu.

1 Timoti 5:9

A daa kaan pakɔi nba daa ki kpet gar bina piinnloob na ki kɔɔnt pakɔi kann ni. Linba pukin, li kpaa talas ki wuu tee wunba din kun jɔɔ yenɔkɔɔe,

2 Timoti 2:24

Li ki ŋan ki ti Yomdaanɔ toontunnɔ-ii kɔn nan niibi. Li ŋan ki wuu tee burchimɔe sɔɔ kur boor ni, kii tee wanntɔŋanɔ nba mɔk sukuru,

Taitus 2:2

A kpaan jasaakab ki bii be soonna, kii sub, kii dia bi mɔŋ, kii dia Masia labaar fanu, kii loon niib, kii mɔk gbankur.

Hiibru teeb 13:2

I daa tammit saamm gaaru po, kimaan nisiab din tan gaar malakanba saauŋ, ŋaan ki mi a bi tee malakanbae.

Hiibru teeb 3:14

Kimaan ti-i dia ti sinsinn yada na chib ki saa baar ti manfoor joontu, timm nan Masia tee bonyenne.

1 Piita 4:7

Bont kura gbennu ji ki fɔk; li paak, yi soor i mɔŋ kii sub kii mei Yennu.

1 Piita 4:9

Yii gaar leeb saauŋ ki daa burimi.

1 Piita 5:8

Yii dia i mɔŋ man, ŋaan kii mi i dataak nba tee Sintaanii na po; u line kaman nan yambɔr nee, ki loon wun la sɔɔ ki soor ŋman.