1 Timoti 2:8 - Yennu Gbounpaauŋ Mɔɔr

⁸ N loon ki jab-ii mei Yennu siaminba kur. Jab nba set tee popeendamm ki ki mɔk wutoor amii mɔniɔk na sa fit donn bi nii sanpaapo kii mei Yennu.

Yennu Gbouŋ Mɔɔr

⁸ N loon ki jab-ii mei Yennu siar kur boor. Jab nba set tee popeendamm ki ki mɔk wutoor koo mɔniɔk na saa fit donn bi nii sanpaapo ki miar Yennu.

1 Timoti 2:8 ပူးပေါင်းရင်းမြစ်များ

Matiu 21:21

Ŋanne ki u jiin ki betib a “Barmɔniie ki n beeri na, li-i tee ki i teen Yennu yada nan barmɔnii ki ki birisɔɔ, i mun sii tuun kaman nan ma tun tiik na biaŋinba nee; ŋaan li ki tee nna kuukɔɔ kaa ki i sa tumi, ŋaan li-i tee ki i bet jɔɔr na gbaa a wun fikit ki saa baa mɔkgbeŋŋir na ni, u sa fikita.

Matiu 5:44

ŋaan min ŋanin beerie la, nan yii loon man i datai mun, kii yeen wunba sukii-i na a ‘Yennu mɔsonŋann-ii be a paak;’ kii tuun linba ŋan kii teen binba nami; kii mei Yennu kii teen binba dinti fara na.

Matiu 6:12

Nyikin chab ti toonbiit kaman nan ta mun nyikit ki chabit binba tuumit biit biaŋinba na.

Barŋanii nba ki LUK din sɔb nae na 23:34

Ki Yisa yet ki yaa a “N Baa Yennu, nyikin chab niib na, kimaan bi ki bann ba tuun linba na paaki.” Ki bi din chent u liata ki dia ŋaan tɔ tiatia a bin la wunba sa di ki yent u liata maŋ.

Barŋanii nba ki LUK din sɔb nae na 24:50

Ŋanne ki Yisa nyii namm doo maŋ ni ki saan namm Betani. Leŋe ki u saa donn u nii sanpaapo ŋaan senn mɔsonŋann bi paak.

Jɔɔnn 4:21

Ki Yisa betɔ, “N diamm, teentin yada, yoo baat ki niib tan kii jiantir ti Baa Yennu jɔɔr na paaki, ki bia tan kii jiantirɔ Jerusalem mun biaki.

Toona 10:2

U din tee Yenjiantitɔɔe; ki ŋɔɔ nan u ŋaateeb kura din jiantir Yennu. U din sommit Juu teeb ni talasdamm bonchiann, ki bia din mei Yennu yoo kur.

Toona 10:31

ki yet a ‘Kɔnelius, Yennu gbat a miaruwa, ki bia tian a ninkpabauŋ toona po.

Toona 10:4

Kɔnelius nba din got la malaka maŋ na, ki jaŋmaanii soorɔ, ki u yet a “N yomdaanɔ, bee?” Ki malaka maŋ jiin a “Yennu gaar a miaruwa, ki bia gaar a ninkpabauŋ toona nba ki a tuun ki teen niib, ki bia tian a po.

Toona 21:5

Ki ti saanu yoo tan baar nan tin saan, ki ŋamm nan bi poob nan bi waas din chianit, ki saa nyii doo na ni, ki dianit. Ki ti kura gbaan mɔk-kpiŋ ki miar Yennu.

Toona 7:60

ŋaan gbaan ki yikin sanpaapowa a “N Yomdaanɔ, daa jikit bi biit na ki biiribi.” U yet nnee ŋaan ji kpo.

1 Korint teeb 1:2

Yisa Masia paake ki i tee Yennu niib, ki u yiini kii teen u niib nan binba kur yi ti Yomdaanɔ Yisa Masia sann siaminba kur; ŋɔɔe tee bi Yomdaanɔ ki mun bia tee ti Yomdaanɔ.

1 Korint teeb 7:7

N bo loon ki sɔɔ kur-ii be kaman nan ma be biaŋinba nee, ŋaan sɔɔ kur nan u piiniie ki li nyii Yennu boor jiak jiak.

2 Korint teeb 2:14

Ŋaan ti teen Yennu niipoouk, kimaan ta gaa nan Masia na paak te ki ti nyant bonsiar kur. Yennu jiit a ti fiit Masia ki wann sɔɔ kur mun; ki u barŋanii bannu tee kaman nan tulaarii nba nubir man biaŋinba nee.

Filipi teeb 1:12

N naa waas, n loon ki yin bann nan linba kura tumin na somm barŋanii maŋ a lin saan tɔɔnne nan barmɔnii.

1 Tesalonika teeb 1:8

Kimaan ti Yomdaanɔ barŋanii maŋ din nyii i boore, ki lin Masedonia nan Akaya tinii ni, ki linba bia pukin, ya teen Yennu yada biaŋinba poŋ lin lokir kur powa. Li paak, li ji ki kpaa talas nan ki ti pak siar bi boori.

1 Timoti 5:14

Li paak, min bo sii loon ki pakɔi nba tee poobis na-n kun jabe ki mar waas, ki got bi ŋei fanu, ki ti datai daa laat yaak ki piak biit jiint ti po,

Taitus 3:8

Barii na tee barmɔniie. N loon ki a jii a dudukit kur kii wantib linba na, ki binba teen Yennu yada na-n jii bi yoo ki tun linba ŋan; ŋanne ŋan ki mɔk nyɔɔt ki tur sɔɔ kura.

Hiibru teeb 10:22

yi ŋaan ki tin chat nakin Yennu boor ni man nan para nba be fanu, nan barmɔnii yada, ki daa mɔk birsuku, nan ti para nba ki Yisa sɔn nyinn dudukbiit li ni na, ki jii ti gbanant nba ki ti din wuur nan nyun nba kaa jakint na.

Jeems 4:8

Chatir nakin Yennu boor man, ki u mun sa nakini. Yimm biitdamm, wuut i nii man; yimm dudukit ŋannlelee damm, ŋammit i para man.

1 Piita 3:7

Poosɔrib, i mun-ii be fanu man nan i poob, kii mi nan bi tee tariie i boor, kii teemm nibaakir, kimaan yimm nan ŋamm kur tan sa gaar Yennu piinŋann nba tee manfoor; ŋanne bia sa te ki Yennu sa gaar i miaru.