1 Timoti 2:7 - Yennu Gbounpaauŋ Mɔɔr

⁷ Li paak ki Yennu gannin ki n teen Masia toomii ki mɔɔntir barŋanii maŋ ki teen binba ki tee Juu teeb na, ki wannib ŋɔɔ Masia maan nba tee barmɔnii na, a bin teenɔ yada. Ma beeri linba na, n ki fa faak kaa, li tee barmɔniie.

Yennu Gbouŋ Mɔɔr

⁷ Li paak ki Yennu gannin ki n tee Masia toomii, ki mɔɔntir barŋanii maŋ ki teen binba ki tee Juu teeb na, ki wantib ŋɔɔ Masia maan nba tee barmɔnii na, a bin teenɔ yada. Maa beeri linba na, n ki fa faak kaa, li tee barmɔniie.

1 Timoti 2:7 ပူးပေါင်းရင်းမြစ်များ

Jɔɔnn 7:35

Ki Juu teeb na boi bi leeb a “U yaa wun tan saan lee, ki ti kan lau? U yaa wun tan saan Griik doi ni siaminba ki Juu teeb be na, kii sii want Griik teeb na amii?

Toona 14:27

Bi baaru Antiok maŋ nie, ki bi tikir Yisaweira na, ki tan betib linba kur ki Yennu tun namm, nan wa loot sɔnu biaŋinba ki tur binba ki tee Juu teeb a bin teen Yisa yada ki teen u weira.

Toona 22:21

Ki ti Yomdaanɔ betin a ‘Finii saawa, a mine yaa n tuma niib nba be banfɔka ki ki tee Juu teeb na tinii ni.’ ”

Toona 26:20

Ŋaan sinsinn n din dɔŋ ki mɔɔnt Damaskus teebe, ki pukin Jerusalem nan Judea tiŋ ni doi nba be lokir kur po. Li poorpoewa, ki n tan mɔɔnt ki tur binba ki tee Juu teebi. N wannu ki tur niib na kur tee a bin nyik bi biit kii waa Yennu sɔnu, kii tuun bonŋann, ki lin wann nan bi set nyik bi biit nan mɔnii.

Toona 9:15

Ki ti Yomdaanɔ betɔ a “Fini saawa! a ŋɔɔe tee wunba ki n gannɔ a wuu tuun n toonn, ki te ki boorganu nan bi kpanbara nan Israel teeb-n bann n sann,

Rom Teeb 1:9

Yennu tee n siara daanɔ nan n ki mi nyik Yenmiaru i kura paaki. Ŋɔɔ maŋe ki n waau nan n par kura ki mɔɔntir u Bija barŋanii na, ŋɔɔe tee n siara daanɔ.

Rom Teeb 10:14

Tɔn, niib-i kii teenɔ yada, bi sa teen nlee ki miarɔ sommir po? Ki bi-i kii gbat barŋanii maŋi, bi sa teen nlee ki teenɔ yada? ki bi-i kii mɔɔnt barŋanii maŋi, nlee ki niib sa gbat li po?

Rom Teeb 11:13

N piak ki teen yimm nba ki tee Juu teeb nee: Yennu nba te ki n tee Masia toomii i boor ni na, n sii mɔk yuugontir n toonn maŋ paak.

Rom Teeb 15:16

ki te ki n tee Yisa Masia toontunnɔ, a n mɔɔnt u barŋanii ki tur binba ki tee Juu teebi, a ki bi sii tee piinii ki teenɔ, ki u Seyeeŋ na sa te ki bin teen nifoŋamm ki penn u par.

Rom Teeb 9:1

N tee Masia nirɔe ki ki fa faaki. Yennu Seyeeŋ nee yen n dudukit ki teen siara a n ki fa faak, linba ki n yaa n pak na tee mɔniie;

1 Korint teeb 9:1

N ki yen n mɔŋii? N ki tee Masia toomii kaa-aa? N ki la ti Yomdaanɔ Yisa-aa? N toona nba ki n tuun ki teen ti Yomdaanɔ na paak kaa ki i mun tee mɔsakdammii?

2 Korint teeb 11:31

Ti Yomdaanɔ Yisa Baa Yennu, wunba yen paku nan yoo nba kaa gbennu na, ŋɔɔe mi nan n piak barmɔniie;

Galasia teeb 1:16

Ki wa din dukin ki nyinn u Bik maŋ paanu ni ki wannin a n mɔɔnt u barŋanii ki tur binba ki tee Juu teeb yoonba, n din ki saan nisaarik boor ni ki saa faa sɔɔ baani.

Galasia teeb 1:20

Yennu mɔŋ mi nan ma sɔb linba na tee barmɔniie ki faak kaa leŋi.

Galasia teeb 2:16

ŋaan ti mi nan see ki nirɔ-n teen Yisa Masia yada, ŋanne sa te ki Yennu-n yet a u tee niŋanɔ u boor; li ki tee ta tuun sennu nba yaa tii tuun linba paak kaa; li paak, ti mɔŋ mun teen Yisa Masia yada a Yennu-n yet a ti tee niŋamm u boor yada maŋ paake, ŋaan li ki tee sennu toona tumu paak kaa. Kimaan Yennu kan yet a sɔɔ tee niŋanɔ u boor sennu maŋ toona tumu paaki.

Galasia teeb 2:9

Jems nan Piita nan Jɔɔnn mɔŋ nba ki bi yib saakab na, ŋaan bi mɔŋ din bann nan Yennue turin toongannkar na; li paak min nan Banabas nan ŋamm din foont leeb ki yokin ti leeb nii ni, ŋanne din want a ti kura mɔk mɔtaauk nan ti leeb. Timm nan ŋamm din sake a min nan Banabas-ii mɔɔntir barŋanii kii teen binba ki tee Juu teeb na, ki bi mun-ii mɔɔntir kii teen Juu teeb.

Galasia teeb 3:9

Li paak, Yennu tee mɔsonŋann binba teenɔ yada na paak, kaman nan wa din teen mɔsonŋann Abraham nba din teenɔ yada na paak.

2 Timoti 1:11

Yennu poŋ din yiinin a n teen toomii nan wanntɔɔ ki mɔɔnt barŋanii maŋ.

2 Piita 2:5

Nnee biak, u din ki nyik yaayoo ni tingbouŋ niib na. U din te ki nyume dii tingbouŋ maŋ, ki kpii binba kur ki tiinɔ na, ŋaan tinn Nowa, wunba din mɔɔntir Yenweiu po, ki din tinn u ŋaateeb bannlore ki pukin u paak.