1 Timoti 1:9 - Yennu Gbounpaauŋ Mɔɔr

⁹ I tian nan sennu ki see nifoŋamm paak kaa, ŋaan li see binba tee mɔyêtdamm na paake, nan binba ki tiin Yennu, nan biitdamm paak, nan jakint damm, nan binba ki teen Yennu nibaakir paak, nan binba kpi bi baanba nan bi naanba, nan nifokpiira,

Yennu Gbouŋ Mɔɔr

⁹ Ii tian nan sennu ki see niŋamm paak kaa, ŋaan li see binba tee mɔyêtdamm na paake, nan binba ki tiin Yennu, nan biitdamm, nan jakint damm, nan binba ki teen Yennu baakir na paak, nan binba kpi bi baanba nan bi naanba, nan nikpiira,

1 Timoti 1:9 ပူးပေါင်းရင်းမြစ်များ

Matiu 10:21

“Li yoo maŋ, nirɔ tuu tan sa fikis u mɔŋ mɔŋ ninja ki bin kpiu; ki baanba mun tan sa fikis bi waas ki bin kpib; ki waas mun bia tan sa kɔn nan bi damm ki chabib nan kuun.

Rom Teeb 1:30

ki piak biir bi leeb, ki ki loon Yennu, ki sukii bi leeb ki mɔk garuk ki dont bi mɔŋ, ki bia ŋammii dukii dudukbiit sɔnii, ki ki tee bi naanba nan bi baanba nibaakir.

Rom Teeb 4:13

Yennu din senn mɔsonn ki tur Abraham nan u yaaboona a tingbouŋ na tan sii tee bi yare, li din ki tee nan Abraham nba waa sennu na paak kaa ki Yennu senn li mɔsonni, ŋaan li din tee u yada paake nan Yennu nba din jiiu ki u tee niŋanɔ u tɔɔnn na.

Rom Teeb 5:20

Sennu na baar a lin ŋamm fiit wann toonbiit nba yab biaŋinbae; ki toonbiit nba yab na, Yennu ninbatinu mun yab ki gar nna.

Rom Teeb 6:14

Biit daa mɔk i yaak, kimaan sennu na ki yeniini, ŋaan Yennu ninbatinu nee yeni.

Galasia teeb 3:19

Li-i bo-i tee nnaie, sennu na nyɔɔt tee bee, ŋann amii? toonbiit paake, ki Yennu din tur nifosaarii sennu na ki pukin u mɔsonn na paak, ki din loon a sennu maŋ-ii diab mɔkmɔk nan yoo nba ki Abraham yaaboonn nba ki Yennu din senn mɔsonn ki turɔ na tan baar. Ki malakanba din jii sennu maŋ ki teen nisaarik nuu ni a u tee sɔkintɔɔ,

Galasia teeb 5:18

Li-i tee ki i saak ki Yennu Seyeeŋ ŋmakitiri sɔnu, i ji ki be sennu maŋ ni.

Galasia teeb 5:21

nan punponn, nan dayibu, nan bandakir, ki bia jii bonlia nba naan nna ki pukin; n ji beeri kaman nan ma poŋ beti biaŋinba na, binba tuun linba na kan mi di Yennu naami.

Galasia teeb 5:23

nan sikininmɔŋ, nan mɔŋdianu. Sennsau ji kaa ki sa biir wunba diari.

2 Tesalonika teeb 2:8

Ki yoo maŋ ki nifobiiuk maŋ tan sa nyi paanu ni, ki ti Yomdaanɔ Yisa tan sa kpiu nan ŋɔɔ Yisa tiauŋ mɔmaan, ki ŋɔɔ Yisa baaru nan u yentchiauŋ tan sa biirɔ.

1 Timoti 4:7

Daa saak faak labaar kimaan li ki tee Yennu yari; li ki mɔk nyɔɔti; ŋaan tumii yentinu binbeŋ nan nunmɔnn.

1 Timoti 6:20

Timoti, i guu barŋanii nba ki Yennu jii ki teen a nuu ni na. A nyik jat mɔniɔk nan labafaanu nba ki mɔk nyɔɔt ki bia ki tee Yennu yari, ki nisiab yir “bannu” na;

2 Timoti 2:16

A nyinn a mɔŋ labafaanu nba ki tee Yennu yari ki bia ki mɔk nyɔɔti, ki sa te ki niib-n fɔkit nan Yennu.

2 Timoti 3:2

Niib tan sii tee jawudamme, nan likilonna, nan karinbaanii damm, nan garukdamm, nan binba sukii niib, nan binba ki saak bi damm mɔi, nan binba ki tian ŋamm po, nan binba ki tiin Yennu;

Taitus 1:10

N beera linba na, kimaan mɔyêtdamm be bonchiann, ki Juu tesiab mantik teen nnee, ki dia bi mɔmaan nba kaa nyɔɔt ki kpann bi leeb na.

Taitus 1:16

Bi yi bi mɔŋ Yenmiirae, ŋaan ki bi toona want nan bi ki sak bann Yennu. Bi tee mɔyêtdamme, ki ki pent Yennu par ni, ki kan fit tun toonŋansiari.

Taitus 1:6

li kpaa talas ki Masiaweira saakɔɔ daa mɔk biiti; li kpaa talas ki u mɔk poo yenɔkɔɔ; li kpaa talas ki u waas-n teen Masia yada, bi daa tee waabiit nan tubkangbata;

Taitus 3:3

kimaan sianyoo ti mɔŋ din ki mɔk yami, ti din tee mɔyêtdamme, ki waa sɔnu nba ki tooki, ki waa nianbiit sɔnbooru booru. Ti din tuu ki mi dudukit nba ŋan; ti din tee funfunn damme, ki din nan ti leebe ki bi mun namit.

Hiibru teeb 11:31

Poochonchonn nba ki bi yiu Rahab na yada paake din te ki Israel teeb din ki kpiiu, ŋaan kpii binba din ki gbat Yennu mɔb na, kimaan Israel teeb niib nba din baar a bin diis doo maŋ ni na, u din gaarib saauŋ.

Hiibru teeb 12:16

I sɔɔ daa tuun bonchonchonn toona amii ki gorii Yennu barii yann kaman nan Esɔ wunba din jii u saakatuk ki daa jeet ki dii taar yomm na.

1 Piita 2:7

Yimm nba teenɔ yada na mi nan u ŋan bonchiann ki turi; ŋaan binba ki teenɔ yada, bii mi nan li sɔb Yennu gbouŋ ni a “Tann nba ki tanmaara yêtɔ na, ŋanne set tee lɔtik ni tanŋann.”

1 Piita 3:20

ŋamm din tee niib nba din ki sak Yennu mɔb yoo nba ki u din dii sukuru Nowa yoo na, yoo nba ki ŋɔɔ Nowa din ŋamm ŋarungbeŋŋir; ki niib banniin kuukɔɔ din kɔɔ ŋaruŋ maŋ ni ki tinn nyun ni na.

1 Piita 4:18

Li sɔb Yennu gbouŋ ni a “Li-i paar ki niŋamm-n tinn, ki biitdamm nan binba ki tiin Yennu ji sa teen nlee ki tinni?”

Juud 1:15

a wun bu nifosaarik kur buut, ki biir binba kur ki tiinɔ, ba tuun toonbiit, ki ki saak u mɔb biaŋinba na; nan biitdamm kura, ba piak mabiit kur ki biirɔ biaŋinba na, ki bi baka kaa nanɔ.”

Fiitu 21:8

Ŋaan jaŋmaanii damm, nan yadakanpɔɔna damm, nan biitdamm, nan nikpiirit, nan joonbaarit, nan jabaabura, nan patjiantdamm, nan fai damm kur, bi binbeboor tee bootuk nba gbee nan muu ki sarwuutaa di nann nee; ŋanne tee kuun munnlee na.”

Fiitu 22:15

Ki nibiit, nan binba dia jabaat na ki bu ki kpann niib, nan binba tuun jakint toona na, nan nikpiira, nan patjiantdamm, nan binba tee fai damm ki kpann niib na, bi kur tan sii be doo maŋ nanyer poe.