1 Timoti 1:7 - Yennu Gbounpaauŋ Mɔɔr

⁷ Bi loon bii tee Yennu sennu wannteebe, ŋaan ki mi bi mɔŋ mɔŋ mɔbona paak, ki bia ki mi ba piak linba po maŋ paaki.

Yennu Gbouŋ Mɔɔr

⁷ Bi loon bii tee Yennu sennu wannteebe, ŋaan ki mi bi mɔŋ mɔŋ mɔbona paak, ki bia ki mi baa piak linba maŋ paaki.

1 Timoti 1:7 ပူးပေါင်းရင်းမြစ်များ

Matiu 15:14

Li paak, ŋaantib man ki bii saa, kimaan bi tee kaman nan jɔɔnii nee ki daar bi jɔɔnlei; ki li-i tee ki jɔɔŋ daar u lɔɔ, see ki bi kura baa bootuk ni.”

Matiu 21:27

Ŋanne ki bi jiin ki bet Yisa a “Ti ki mi.” Ki Yisa mun betib a “Tɔn, n mun kan beti wunba chabin li yikoo ki n tuun linba na.”

Barŋanii nba ki LUK din sɔb nae na 2:46

Ki daa ŋanntaa daar ki bi tan lau Yennu jiantu ŋasaakak ni, ki u lakin kar nan wannteeb yudamm ki gbiintir bi maan ŋaan bia boib buboit.

Toona 15:1

Li yoo na ki nisiab nna din nyii Judea ki sik Antiok, ki tan want Yisaweira na a “Li kpaa talase ki i pot i puna, kaman nan Moses sennu nba senn biaŋinba na. Ŋann-i kaa, i kan la tinnu.”

Rom Teeb 1:22

Ki bi yaa a bi mɔk yame, ŋaan tee jatit;

Galasia teeb 3:2

I betin bonyennkɔɔ man, ya din tuun sennu na toona paake din te ki i gaar Yennu Seyeeŋ amii ya din gbat barŋanii na ki teen yada na paake din te ki i gaarɔ?

Galasia teeb 3:5

Ya din tuun sennu toona na paake te ki Yennu turi Seyeeŋ ki tuun yaarlituk toona i sinsuuk ni amii ya gbat barŋanii ki teen yada na paake?

Galasia teeb 4:21

Yimm nba loon ki i be sennu ni na, i ki gbat sennu maŋ nba yet biaŋinba-aa?

1 Timoti 6:4

u gbee nan karinbaaniie ki ki bann siari, ki bia mɔk mɔniɔk nan kunkɔna niauŋ, ki li baat nan funfunn, nan kunkɔna, nan nisukit, nan pinpakbiit,

2 Timoti 3:7

Yoo kura, li poob tumiie ŋaan kan mi bann barmɔnii sɔnu.

Jeems 3:1

N naa waas, i nisiab bonchiann daa loon bin teen wannteebi, kimaan i poŋ mi nan binba tee wannteeb na, bi buut tan sii paar ki gar binba ki tee wannteebi.

2 Piita 2:12

Li nibooru ki mi malakanba nba be biaŋinba, ŋaan sukiib. Niib maŋ ki mɔk dudukiti; bi tuun linba ki bi loon, ki naan nan muuk ni bonkobibiit nba ki niib tuu soorib ki kpib nee. Bi mɔŋ toonbiite sa mantik biirib;