1 Timoti 1:5 - Yennu Gbounpaauŋ Mɔɔr

⁵ Ŋaan n kpaanii maŋ paak tee a lin fiin loomm nan popeenn nan dudukŋant nan yada nan mɔnii.

Yennu Gbouŋ Mɔɔr

⁵ Ŋaan n kpaanii maŋ paak tee a lin fiin lomm nan popeenn nan dudukŋant nan barmɔnii yadae.

1 Timoti 1:5 ပူးပေါင်းရင်းမြစ်များ

Matiu 12:35

Niŋanɔe tuun toonŋana, kimaan u par ni ŋan; ki nibiiuk mun tuun toonbiit, kimaan u par ni bi.

Matiu 5:8

“Binba para ni yeen, parpeenn tee bi yare, kimaan ŋamme sa la Yennu.

Toona 15:9

U ki mɔk lukitimi, kimaan ba teen Yisa yada na paak, ki u nyik bi biit ki chabib kaman nan wa din nyik chab timm na.

Toona 23:1

Ŋanne ki Pɔɔl got tituk kaanu damm maŋ sirrr, ki tan yet a “Chanbaanba nan n naa waas, ma din be ki tan tuu mɔtana, n mi nan li fan nan Yennu.”

Toona 24:16

Ki li paak, n yabii n mɔŋ yoo kur ma n tun linba took sɔnu, ki n par-ii be fanu Yennu nan nisaarik boor ni.

Rom Teeb 10:4

Kimaan Moses sennu weiu ji kan te ki Yennu-n yet a sɔɔ tee niŋanɔ u boori; ŋaan wunba kur teen Masia yada, Yennu sa yet a li daanɔ tee niŋanɔe u boor.

Rom Teeb 12:9

Ŋaant ki loomm-ii tee barmɔnii loomm, ŋaan kii soor linba ŋan na fanu, ŋaan kii nân biit.

Rom Teeb 14:15

Fi-i te ki a naa bik par biir jeet nba ki a di na paak, ŋann ŋanin a ji ki tuun loomm toonn kaa. Nirɔ nba ki Masia din gaar u paak ki kpo na, a daa te ki wun nyik Yennu sɔnu a jeetdinu paaki.

Rom Teeb 9:1

N tee Masia nirɔe ki ki fa faaki. Yennu Seyeeŋ nee yen n dudukit ki teen siara a n ki fa faak, linba ki n yaa n pak na tee mɔniie;

1 Korint teeb 13:1

Tɔn, mi-i lekii fit piak barganii kur, amii ki fit piak malakanba maan, ŋaan ki ki mɔk loommi, n tee kaman nan gingann amii gbekuru fuut nee.

2 Korint teeb 1:12

Linba paak te ki ti mɔk yuugontir na tee nnee: ti dudukite wantit nan ti mɔk barmɔnpaku nan yentinu tingbouŋ na niib boor, ki mantik daan be nna ki jiin timm nan yimm weinanleeb po na; ki Yennu sommir paake te ki ti be nna maŋ, li ki tee nisaarii yan paak kaa.

Galasia teeb 5:22

Ŋaan Yennu Seyeeŋe te ki nirɔ mɔk loomm, nan parpeenn, nan parmaasir, nan sukuru, nan burchint, nan ŋamm, nan yada,

Galasia teeb 5:6

Kimaan ti-i be Yisa Masia ni, ti-i lekii pot ti puna amii ti-i kii poti, li ki kpaa talasi. Ti-i teen Yisa Masia yada ki loon leeb, ŋanne tee linba kpaa talas.

1 Timoti 1:18

N bik Timoti, n jikit kpaanii maŋ ki tee a nuu ni. Kpaanii maŋ tee kaman nan mɔbona nba ki sɔkiniinba din poŋ pak a po sianyoo nba gar na. Jiin barii maŋ ki teenn jatiat ki kɔn kunkɔnŋann,

1 Timoti 1:19

ki teen barmɔnii wannu yada, kii tuun linba ki a mi nan li tee toonŋana. Nisiab ki sak nnee; li paak te ki bi yada biir gbenn.

1 Timoti 3:9

Li kpaa talas ki bii dia yada barii nba ki Yennu fiit wannit na fanu, ki bi daa mɔk biiti.

2 Timoti 1:3

Yennu nba ki n jiantirɔ nan dudukŋant kaman nan n yejamm nba din tuun biaŋinba na, mi-i meiɔ, n tian a po yoo kura n Yenmiaru ni, nyiɔk nan yennu ni, ki teenɔ niipoouk a paak.

2 Timoti 1:5

N tian fa teen Yisa Masia yada nan barmɔnii biaŋinba; ki a yaa Lois nan a naa Yunis mun poŋ din teenɔ yadawa. N ki mɔk birsuk nan a mun bia teenɔ yada.

2 Timoti 2:22

Nyint a mɔŋ nan naasimm nianbiiuk ni, ŋaan kot ki fin nan binba para yeen ki bi yi ti Yomdaanɔ ki loon sommir na-n wei yentinu sɔnu, nan yada sɔnu, nan loomm sɔnu, nan parmaasir sɔnu.

Taitus 1:15

Popeendamm boor ni, bonsiar kur yeene; ŋaan biitdamm nba ki teen Masia yada na, bonsiar ki yeen bi boori, kimaan bi dudukit nan bi yan ni ki yeeni.

Hiibru teeb 10:22

yi ŋaan ki tin chat nakin Yennu boor ni man nan para nba be fanu, nan barmɔnii yada, ki daa mɔk birsuku, nan ti para nba ki Yisa sɔn nyinn dudukbiit li ni na, ki jii ti gbanant nba ki ti din wuur nan nyun nba kaa jakint na.

Hiibru teeb 13:18

I mei Yennu man ti paak. Ti ki mɔk dudukbisiat ti toona ni, kimaan ti loon tin tun linba tooke yoo kur.

Hiibru teeb 9:14

Linba na-i ŋamm gbanant, ki Masia sɔn mantik sa nyinn biit ti para ni a tii waa manfodaanɔ Yennu, kimaan Seyeeŋ nba be yoo nba kaa gbennu paŋ ni ki ŋɔɔ Masia din jii u mɔŋ ki mann marouŋ nba be fanu fanu ki tur Yennu.

Jeems 4:8

Chatir nakin Yennu boor man, ki u mun sa nakini. Yimm biitdamm, wuut i nii man; yimm dudukit ŋannlelee damm, ŋammit i para man.

1 Piita 1:22

Ya sak ki gaar Masia labaar nee te ki i nyii biit ni, ki ji loon i naa waas nan barmɔnii; li paak, yii loon i leeb man nan i para kura.

1 Piita 3:16

Yi gatɔ soonna kii tiin Yennu, ki ŋaan ki i benu-ii ŋan, ki bi-i sukii-i ya tuun toonŋana Masia paak na, bi sa di fei bi sukit maŋ ni.

1 Piita 3:21

Nyun maŋ tee Yennu nyunwuru ninnauŋ nba tinnit mɔtana nee; li ki tee ti gbanant paak wuru, ŋaan li tee ti mei Yennu a wun wuur ti para ni Yisa Masia kuun fiiru na paake.

1 Piita 4:8

Linba gar bont kur tee a yii loon i leeb man fanu, kimaan loomm dɔkint biit bonchiann.

2 Piita 1:7

ki bia pukin naataann i yentinu maŋ paak; ki bia pukin loomm i naataann maŋ paak.

1 Jɔɔnn 3:10

Ŋaan binba kur ki tuun popeenn toona, bi ki tee Yennu waas kaa. Ki bia jenna, binba kur mun bia ki loon bi naa waasi, bi bia ki tee Yennu waas kaa. Ŋannii want binba tee Yennu waas nan binba tee Sintaanii waas.

1 Jɔɔnn 3:23

Ki nee tee u sennu maŋ, a ti teen u Bija Yisa Masia yada kii loon ti leeb kaman nan wa din sennit sennu biaŋinba na.

1 Jɔɔnn 3:3

Ki bia jenna, binba kur daan u jenu po maŋ, ŋamme dia bi mɔŋ fanu, kaman nan wa be fanu biaŋinba na.