1 Timoti 1:20 - Yennu Gbounpaauŋ Mɔɔr

²⁰ Bi siabe tee Haimeneus nan Aleksander, binba ki n daan jiib teemm Sintaanii nuu ni a wun mukisib. Linba nee sa wannib yan ki bin nyik Yennu sann biiru.

Yennu Gbouŋ Mɔɔr

²⁰ Bi siabe tee Haimeneus nan Aleksander, binba ki n daan jiib ki teen Sintaanii nuu ni a wun mukisib na. Linba nae saa wannib yan ki bin nyik barbiit nba ki bi piak ki teen Yennu na.

1 Timoti 1:20 ပူးပေါင်းရင်းမြစ်များ

Matiu 18:17

Li-i tee ki u bia ki sak wun gbat ki turibi, fan pak ki wann Yennu niib kura; ki li-i tee ki u bia ki sak nan wun gbat ki tur Yennu niibi, yin ji ŋaan ki u tee kaman nan wunba ki tee Yenweirɔ na, amii lampogaartɔɔ na.

Toona 13:45

Juu teeb nba din la nigbouŋ tikii na, ki bi fiin punpona, ki piak biir Pɔɔl wannu, ki bia sukiiɔ.

Toona 19:33

Tɔn, ki Juu teeb nyinn jasɔɔ nba ki bi yiu Aleksander, ki sennɔ bi tɔɔnn, a wun pak bi paak ki turib. Ki Aleksander donn nuu sanpaapo, ŋaan ji loon wun pak tur nibur na ki nyinn Juu teeb mɔniɔk maŋ ni.

1 Korint teeb 11:32

Ŋaan ki ti Yomdaanɔ-i bu ti buut ki ti la tubdatu, u ji tan kan biir timm yoo nba ki u tan sa biir tingbouŋ na nileeb.

2 Korint teeb 10:6

Ti-i bo-i mi binba be i sinsuuk ni ki sak Yennu mɔb na, ti bo sa dat binba ki sak na tubae.

2 Korint teeb 13:10

Li paak, ma ki be i boor ni na, ki n sɔbin gbouŋ na ki teeni, a mi-i taŋŋi baar i boor ni yoonba, li kii kpaa talas ki n dat i tuba ki wanni n paŋ; ŋanne te ki n sɔbir. Ti Yomdaanɔe din turin yudantuk na a n sommi ki yin wei u sɔnu fanu. U din ki turin yudantuk maŋ a n biiri kaa.

2 Tesalonika teeb 3:15

Ŋaan i daa teeu kaman nan u tee i dataake na, yi kpaanɔ kaman nan i naa bike na.

1 Timoti 5:15

kimaan pakɔsiab poŋ tunn waa Sintaaniie.

2 Timoti 2:14

A tiar a niib linba na, ki turib kpaanii Yennu boor a bi daa kɔn mɔbona paaki; ŋann ki mɔk nyɔɔt, ŋaan li biir binba gbiin nee.

2 Timoti 2:17

Li wannbooru naan nan nar fiauk nba tuu di gbanant nee. Haimeneus nan Filetus daan want li wannu boorue.

2 Timoti 3:2

Niib tan sii tee jawudamme, nan likilonna, nan karinbaanii damm, nan garukdamm, nan binba sukii niib, nan binba ki saak bi damm mɔi, nan binba ki tian ŋamm po, nan binba ki tiin Yennu;

Hiibru teeb 12:5

I ki tian Yennu nba kpaani kaman nan baa nba tuu kpaan u waas biaŋinba na-aa? Li sɔb a “N bik, ti Yomdaanɔ-i kpaana kpaanii yoonba, fan gbiint, li-i tee ki u dat a tubir, fa daa nyikit a yabiru,

Fiitu 13:1

Ki n la ki muuk ni bonkobuk nyii mɔkgbeŋŋir ni, ki mɔk yina piik nan yura ŋannlore, ki naanfokirii piik yir u yina piik na paak; ki sanbiiuk nba sukii Yennu sann na sɔb u yura na paak.

Fiitu 3:19

Binba kur ki n loomm na, n kpaamm kpaanii ki daar bi tuba. Li paak, nyikin man i biit, ki daa jerimi.