1 Timoti 1:18 - Yennu Gbounpaauŋ Mɔɔr

¹⁸ N bik Timoti, n jikit kpaanii maŋ ki tee a nuu ni. Kpaanii maŋ tee kaman nan mɔbona nba ki sɔkiniinba din poŋ pak a po sianyoo nba gar na. Jiin barii maŋ ki teenn jatiat ki kɔn kunkɔnŋann,

Yennu Gbouŋ Mɔɔr

¹⁸ N bik Timoti, n jikit kpaanii maŋ ki tee a nuu ni. Kpaanii maŋ tee nan mɔbona nba ki sɔkiniinba din poŋ pak a po sianyoo nae. Jiin barii maŋ ki lii tee jatiat ki a kɔn fanu,

1 Timoti 1:18 ပူးပေါင်းရင်းမြစ်များ

Toona 16:1

Li poorpoe ki Pɔɔl nan Sailas din tan baar Debe nan Listra, ki la Yisaweitɔsɔɔ, ki u sann yi Timoti, ki u be leŋ. U naa din tee Juu nirɔ nba tee Yisaweirɔe, ŋaan ki u baa din tee Griik nirɔ.

1 Korint teeb 4:17

Linba na paake ki n tuun Timoti i boor, wunba tee n bilonkak ki tee barmɔnii daanɔ ti Yomdaanɔ ni; u sa tiari ma be biaŋinba Masia ni, nan ma lin want Masiaweira biaŋinba siaminba kur.

1 Korint teeb 9:7

Lanjima lannɔe tuun toonn ŋaan pa u mɔŋi? ki ŋmee sii wuu tiinii ŋaan kan di li lɔɔna? amii ŋmee sii kpaar bonkobit ŋaan kan nyu li biimi?

Filipi teeb 2:22

I mɔŋ mi wa tun biaŋinba ki wann u kotir biaŋinba po, nan wa tuun nanin barŋanii toona ni kaman nan bik nba tuun nan u baa biaŋinba na.

1 Timoti 1:2

mine sɔbin gbouŋ na ki teen fin Timoti, wunba tee n bimɔŋ, yada teenu nie. Ti Baa Yennu nan ti Yomdaanɔ Yisa Masia-n somma, ki bia tina ninbaauk, ki bia tura parmaasir.

1 Timoti 1:5

Ŋaan n kpaanii maŋ paak tee a lin fiin loomm nan popeenn nan dudukŋant nan yada nan mɔnii.

1 Timoti 4:14

Daa tammit Yennu Seyeeŋ piinii nba be a ni na po; ki Yennu din tura piinii maŋ kimaan sɔkiniinba din pak a po yoo nba ki yudamm din yii bi nii a paak.

1 Timoti 4:4

Bonsiar kur nba ki Yennu din nan na ŋan ki tee jeete; ti-i turɔ niipoouk li paak ki di, li ŋan nan dinu; ti daa yêen li siari,

1 Timoti 6:20

Timoti, i guu barŋanii nba ki Yennu jii ki teen a nuu ni na. A nyik jat mɔniɔk nan labafaanu nba ki mɔk nyɔɔt ki bia ki tee Yennu yari, ki nisiab yir “bannu” na;

2 Timoti 1:2

n sɔb gbouŋ na ki teen n bilonkak Timoti. Ti Baa Yennu nan ti Yomdaanɔ Yisa Masia-n somma, ki bia tina ninbaauk, ki bia tura parmaasir.

2 Timoti 4:7

N gbaa gbigbaaŋana; n tun n toonn gbenna; n lek dia yada labaar.

Taitus 1:4

N sɔbin gbouŋ na ki teen fin Taitus wunba tee n bimɔŋ ki ti taa yada yennkɔɔ na. Ti Baa Yennu nan ti Tinntɔɔ Yisa Masia-n somma, ki bia tura parmaasir.

Filemonn 1:10

n meia ki teen Onesimus, wunba tee n bik, kimaan ma kɔɔ dansarik na n kpant u baae Masia ni.