1 Timoti 1:16 - Yennu Gbounpaauŋ Mɔɔr

¹⁶ ŋaan ki u tin min nba din tee biitdamm yudaanɔ ninbaauk ki dii sukuru n paak, a lii tee siara ki wann binba tan sa teenɔ yada ki gaar manfoor nba kaa gbennu na.

Yennu Gbouŋ Mɔɔr

¹⁶ ŋaan ki u tin min nba din tee biitdamm yudaanɔ na ninbaauk ki dii sukuru nanin, a lii tee siara ki wann binba tan saa teenɔ yada ki gaar manfoor nba kaa gbennu na.

1 Timoti 1:16 ပူးပေါင်းရင်းမြစ်များ

Barŋanii nba ki LUK din sɔb nae na 15:10

“Ŋanne mun ki n beeri biak, li-i tee ki biitdaanyenɔ nyik u biit, Yennu malakanba sii mɔk parpeenn u paake.”

Barŋanii nba ki LUK din sɔb nae na 23:43

Ki Yisa betɔ a “Barmɔniie ki n beeri, dinna min nan fin sii be Paradais ni.” ((Bi bia yi Yendɔuŋ Paradais, ki li paak tee siaminba ki parpeenn bonchiann be.))

Barŋanii nba ki LUK din sɔb nae na 7:47

N beerae, n nyik u biit nba yab ki chabɔ; li paak te ki u mantik loonin bonchiann. Ŋaan wunba ki n nyik chab u biit waaminna, ŋɔɔe loonin waaminna mun.”

Jɔɔnn 20:31

Ŋaan toonjaana nba sɔb ki be nna na, bi sɔb a yin teen yada nan Yisae tee Yennu Niganntɔɔ Masia, ki bia tee Yennu Bija. Li-i tee ki i teenɔ yada, i sa la manfoor nba kaa gbennu, u paak.

Jɔɔnn 3:36

Daanɔ nba tee Yennu Bija yada, u sii mɔk manfoor nba kaa gbennu, ki daanɔ nba mun ki saak Yennu Bija na mɔb kan la manfoor maŋi, ŋaan Yennu wutoor sa do u paak ki kan gbenni.

Jɔɔnn 5:24

“Barmɔniie ki n beeri na, daanɔ nba gbat n maan na, ki bia teen wunba tumin na yada, ŋɔɔe mɔk manfoor nba kaa gbennu; ki Yennu kan bu u buut ki biirɔ. U bia poŋ nyii kuun nuu niwa, ki be manfoor maŋ nie.

Jɔɔnn 6:37

Ŋaan wunba kur ki n Baa Yennu jiiu ki turin, u sa baar n boor ni ki teenin yadawa. N kan mi yêt wunba baar n boor ni,

Jɔɔnn 6:40

Nnee ki n Baa Yennu loon, a sɔɔ kur nba bann min, u Bija, ki teenin yada, u sa la manfoor nba kaa gbennu; ki n tan sa fiimm kuun ni dunia gbennu daar.”

Jɔɔnn 6:54

Ki daanɔ nba ŋman n gbanant ki bia nyuu n sɔn, u mɔk manfoor nba kaa gbennu, ki n tan sa fiinɔ kuun ni dunia gbennu daar.

Rom Teeb 15:4

Linba kur sɔb Yennu gbouŋ ni na, li sɔb ki turit a tii tumiie. U gbouŋ maŋ teent sukuru, ki bia kɔɔntit para, a tii mɔk dindann.

Rom Teeb 6:23

Kimaan biit nyɔɔt tee kuume, ŋaan Yennu piinii tee manfoor nba kaa gbennue, ti Yomdaanɔ Yisa Masia paak.

1 Korint teeb 7:25

Mɔtana, n ji piak ki teen binba daa ki kɔɔn poob amii ki daa ki kun jab nee, ŋaan ti Yomdaanɔ ki chabin a n betib nna; ŋaan ti Yomdaanɔ ninbatinu paake ki n teen barmɔnii daanɔ.

2 Korint teeb 4:1

Yennu ninbatinu paake ki u jii toona na ki teen ti nii ni, li paake te ki ti ki mɔk kpinkpangbatuku.

Efesus teeb 1:12

Timm nba dɔŋ mɔk dindann Masia ni na, tii piak Yennu kii dontir u sann man.

Efesus teeb 1:6

Ŋaant ki tin pak Yennu kimaan u ninbatinu nba yab bonchiann biaŋinba na, nan wa tint ninbaauk u Bilonkak na paak.

Efesus teeb 2:7

U din tun linba na a wun wann sɔɔ kura u ninbatinu nba yab biaŋinbae, ki tun burchint turit Yisa Masia paak.

2 Tesalonika teeb 1:10

u tan sa tun nnee daar nba ki u tan sa baar ki gaar dontir nan paku u weira kur nba teenɔ yada na boor ni. I mun tan sii tee bi yemme, kimaan i poŋ teen barŋanii nba ki ti din beti na yadawa.

1 Timoti 1:13

ma lek din biir u sann ki mukis u niib, ki sukiiɔ na, ŋaan u bia gaarin u ninbatinu niwa, kimaan n din ki mie, ki bia ki teenɔ yada, ki tuun nna.

Hiibru teeb 7:25

Li paak, binba chat nakin Yennu, ŋɔɔ Yisa sann paak na, u sa fit tinnib mɔtana nan yoo nba kaa gbennu, kimaan u lek be u manfoor ni yoo kur, ki mei Yennu ki teemm.

1 Piita 3:20

ŋamm din tee niib nba din ki sak Yennu mɔb yoo nba ki u din dii sukuru Nowa yoo na, yoo nba ki ŋɔɔ Nowa din ŋamm ŋarungbeŋŋir; ki niib banniin kuukɔɔ din kɔɔ ŋaruŋ maŋ ni ki tinn nyun ni na.

2 Piita 3:15

Ti Yomdaanɔ nba di sukuru ki daa ki jen mɔtana na, u loon ki yin bann nan u teen niibe yaak a bin la tinnu sinsinn na ki wun jen. Ti naa bilonkak Pɔɔl mun daan sɔb gbounsiɔk ki turi ki beti linba nawa, kaman nan Yennu nba turɔ yan ki u dia biaŋinba.

2 Piita 3:9

Nisiab dukii a li tan sa yukir nan ti Yomdaanɔ-n tun mɔsonn nba ki u din senn na, ŋaan li ki tee nna; li tee a u mɔk sukuru nani; u ki loon ki sɔɔ-n tan mann kɔɔ muu ni, u loon ki sɔɔ kur-n nyik u biite ki la tinnu.