1 Timoti 1:10 - Yennu Gbounpaauŋ Mɔɔr

¹⁰ nan bonchonchona paak, nan binba mɔk niauŋ ki dɔɔ nan bi jaleeb, nan binba jaan niib, nan binba tee faak damm, nan binba tee faak siara na, nan linba kur ki waa barmɔnii wannu paake;

Yennu Gbouŋ Mɔɔr

¹⁰ nan binba tuun bonchonchonsin, nan binba mɔk niɔŋ ki dɔɔ nan bi jaleeb, nan binba jaan niib, nan binba tee faak damm, nan binba di faak siara na, nan linba kur ki waa barmɔnii wannu na paak;

1 Timoti 1:10 ပူးပေါင်းရင်းမြစ်များ

Jɔɔnn 8:44

I tee i baa Sintaanii waase, ki loon ki i tuun i baa maŋ yanbɔɔtoona. Sinsinn u poŋ din tee nikpiiruko, ki bia fɔk nan barmɔnii, kimaan barmɔnii kaa u ni nan waama. U-i faar faak yoonba, li poŋ tee u toonkpere, kimaan wa tee faak daanɔ na. Fai kur nyi u boore.

Rom Teeb 1:26

Li paak, ki Yennu nyikib ki bi tuun bi mɔŋ loomm nba mɔk fei, ki bi poob nyik bii dɔɔ nan jab ŋaan ŋmat ki dɔɔ nan bi leeb;

1 Timoti 4:6

Li-i tee ki a jii kpaanii nba na tur Yisa Masiaweira na, a sii tee u toontunŋanɔe, ki sii dint a mɔŋ nan maan nba ki ti teen yada na nan wannŋanu nba ki a waa maŋ na.

1 Timoti 6:3

Sɔɔ-i want wannganu ki ki wei ti Yomdaanɔ Yisa Masia mɔbona nan Yennu sɔnu wannu na,

2 Timoti 1:13

I dia ma din wanna barŋanii sɔnu na fanu, kii waa-r nan yada nan loomm nba ki Yisa Masia teent na.

2 Timoti 4:3

kimaan yoo baat na ki niib ji tan kii gbiin wannŋanu, ŋaan tan sii waa bi mɔŋ mɔŋ nianbiite, ki sii gbiin wannteeb bonchiann binba sii wantib ba loon bii gbia linba.

Taitus 1:9

Li kpaa talas ki u dia barmɔnii labaar nba ki ti din wanni na. Ŋanne sa te wun fit wann niib wannu nba took, ki fit nyann binba ki saak barmɔnii wannu maŋ.

Hiibru teeb 13:4

Yii mɔk nibaakir nan i leeb nan i pookɔɔnt nan i jakunt ni ki daa chommi, kimaan Yennu tan sa dat bonchonchona nan joonbaarit nan sapaanwɔbira nan naasinwɔbira tuba.

Juud 1:7

Nnee biak ki doi nba ki bi yi Sodom nan Gomora na nan digbana nba kpiar na niib din tuun bonchonchonn toona ki bia waa niauŋ nba bi bonchiann, ki bi laat tubdatu nba tee muu ki li di yoo nba kaa gbennu; ki li tee kpaanii ki tur sɔɔ kura.

Fiitu 18:13

nan kakaduro, nan gasinbunn, nan tulaarii, nan mir, nan frankinsen, nan daan, nan kpan, nan yon, nan dii, nan nei, nan pei, nan taanii nan li torit, nan daaba nan nisaarii manfoa.

Fiitu 21:27

Ki linba tee jakint, nan wunba tuun fei toonn, nan fai damm, kan kɔɔ doo maŋ ni, see binba sana sɔb Pebik na manfopaann teeb gbouŋ ni na kuukɔɔe sa kɔɔ doo maŋ ni.

Fiitu 21:8

Ŋaan jaŋmaanii damm, nan yadakanpɔɔna damm, nan biitdamm, nan nikpiirit, nan joonbaarit, nan jabaabura, nan patjiantdamm, nan fai damm kur, bi binbeboor tee bootuk nba gbee nan muu ki sarwuutaa di nann nee; ŋanne tee kuun munnlee na.”

Fiitu 22:15

Ki nibiit, nan binba dia jabaat na ki bu ki kpann niib, nan binba tuun jakint toona na, nan nikpiira, nan patjiantdamm, nan binba tee fai damm ki kpann niib na, bi kur tan sii be doo maŋ nanyer poe.