1 Timoti 1:1 - Yennu Gbounpaauŋ Mɔɔr

¹ Min Pɔɔl tee Yisa Masia toomii, kimaan ti Tinntɔɔ Yennu nan Yisa Masia binba tee ti dindann na turin yaak;

Yennu Gbouŋ Mɔɔr

¹ Min Pɔɔl tee Yiisa Masia toomiie, kimaan ti Tinntɔɔ Yennu nan Yiisa Masia, binba tee ti dindann nae turin li yiikoo;

1 Timoti 1:1 ပူးပေါင်းရင်းမြစ်များ

Barŋanii nba ki LUK din sɔb nae na 1:47

ki mɔk parpeenn Yennu wunba tee n Tinntɔɔ na paak,

Barŋanii nba ki LUK din sɔb nae na 2:11

Dinna nyiɔk na bi mar i Tinntɔɔ wunba tee Yennu Niganntɔɔ Masia, wunba tee ti Yomdaanɔ na; ki bi marɔ David doo ni.

Toona 9:15

Ki ti Yomdaanɔ betɔ a “Fini saawa! a ŋɔɔe tee wunba ki n gannɔ a wuu tuun n toonn, ki te ki boorganu nan bi kpanbara nan Israel teeb-n bann n sann,

Rom Teeb 1:1

Min Pɔɔl, wunba tee Yisa Masia toontunnɔ, ki u yiinin a n teen u toomii, ki Yennu gannin a n mɔɔnt u barŋanii.

1 Korint teeb 1:1

Min Pɔɔl nba ki Yisa Masia yiinin a n teen u toomii Yennu loomm ni, min nan ti naa bik Sosenes sɔbin gbouŋ na ki teen Yennu mɔtaauk niib nba be Korint doo ni.

1 Korint teeb 9:17

Mi-i bo-i gann toonn maŋ n tiauŋue, n bo sa la nyɔɔt, ŋaan min-i kaa gann n mɔŋi, li tee Yennue guunin toonn maŋ.

2 Korint teeb 1:1

Min Pɔɔl wunba ki Yennu loomm paak ki u teenin Yisa Masia toomii na, min nan ti naa bik Timotie sɔbin gbouŋ na ki teen Yennu niib nba be Korint, nan u niib kur nba be Akaya tingbouŋ ni nna kur.

Galasia teeb 1:1

Min Pɔɔl nba tee Masia toomii, nan ti naa waas nba be nna na kur foont Masiaweira nba be Galasia tiŋ ni. Nisaarik kaa teenin Masia toomii, nisaarii kaa bia tumin, ŋaan ti Baa Yennu nan Yisa Masia nba ki u din fiinɔ kuun ni nee din gannin.

Galasia teeb 1:11

N naa waas, n yaa n tiari nan barŋanii nba ki n mɔɔnt teeni na ki nyii nisaarik nba din pak linba na ni kaa.

Kolosa teeb 1:27

Yennu lor a wun fiit woonin ni maan maŋ ki wann u niib maŋe. U woonin ni maan maŋ ŋan bonchiann, ki tee niib kur yare. Li want nan Masia be i ni; li paak, i mɔk dindann nan i tan sii be fanu ki gbenn.

2 Tesalonika teeb 2:16

Ti Baa Yennu nan ti Yomdaanɔ Yisa Masia binba loonit ki turit pardɔɔnn nba kaa gbennu nan dindann nba yab u ninbatinu paak na,

1 Timoti 1:12

N teen ti Yomdaanɔ Yisa Masia wunba turin paŋ a man tun u toona niipoouk, kimaan ŋɔɔe yet a n jaŋ nan toona maŋ, ki te ki n tuun teenɔ,

1 Timoti 2:3

Ŋanne ŋan ki pent ti Tinntɔɔ Yennu par ni;

1 Timoti 2:7

Li paak ki Yennu gannin ki n teen Masia toomii ki mɔɔntir barŋanii maŋ ki teen binba ki tee Juu teeb na, ki wannib ŋɔɔ Masia maan nba tee barmɔnii na, a bin teenɔ yada. Ma beeri linba na, n ki fa faak kaa, li tee barmɔniie.

1 Timoti 4:10

Ti gbaae ki tuun nan nunmɔnn kimaan ti mɔk dindann Manfodaanɔ Yennu paak, kimaan u be ki tee sɔɔ kur Tinntɔɔ, ki sa tinn sɔɔ kur nba teenɔ yada.

Taitus 1:3

ki yoo nba din tan jaŋ na ki u fiit wann li labaar u maan ni; ki u din jii labaar maŋ ki teen n nuu ni, ki n mɔɔntir kaman nan ti Tinntɔɔ Yennu nba turin mɔb na.

Taitus 2:10

ki daa jaan bi siari. Ŋaan li kpaa talas ki bin wann bi mɔŋ nan bi be fanu nan barmɔnii yoo kura; ŋanne ki bi binbeŋ kur sa wann nan ti Tinntɔɔ Yennu wannue ŋan bonchiann.

Taitus 2:13

kimaan ti guu ki mɔk dindann nba turit parpeenn nan ti yabint Yennu nan ti Tinntɔɔ Yisa Masia sa dɔkit nan yentsaakar ni;

Taitus 3:4

Ŋaan ti Tinntɔɔ Yennu loomm nan u burchint nba din tan fiit nyii paanu yoonba,

Taitus 3:6

ki din jii u Seyeeŋ maŋ ki turit bonchiann, ti Tinntɔɔ Yisa Masia paak.

1 Piita 1:21

U paake ki i teen Yennu yada; ŋɔɔe din fiinɔ kuun ni ki turɔ paŋ; li paak, ki i mɔk yada nan dindann Yennu boor.

1 Piita 1:3

Pakin man Yennu nba tee ti Yomdaanɔ Yisa Masia Baa na, kimaan u tint ninbaauk bonchiann ki turit manfopaann Yisa Masia kuun fiiru paak. Linba nee te ki ti mɔk dindann nan ti tan sii mɔk manfoor,

2 Piita 1:1

Min Simon Piita, wunba tee Yisa Masia daabir nan u toomii nae sɔbin gbouŋ na ki teen binba teen Yennu nan ti Tinntɔɔ Yisa Masia yada u burchint paak, kaman nan ta mun teemm yada biaŋinba na.

1 Jɔɔnn 4:14

Ki linba pukin biak, ti din laat u Bija, ki mɔtana ti mɔɔntir nan u Baa Yennu din sikinɔ tingbouŋ na ni, a wuu tee tingbouŋ na ŋaateeb Tinntɔɔ.

Juud 1:25

ŋɔɔ nba tee Yen-yenɔkɔɔ ki tinnit ti Yomdaanɔ Yisa Masia paak na, u yen paku nan yent nan paŋ nan bont kur yudant, yoo nba din gar na, nan mɔtana, nan yoo nba kaa gbennu. Mɔmɔmm.